Hyundai cars : పండగ సీజన్​లో ఈ హ్యుందాయ్​ కార్లపై బంపర్​ ఆఫర్లు.. త్వరపడండి!

పండగ సీజన్​ని క్యాష్​ చేసుకునేందుకు ఆటోమొబైల్​ సంస్థలు పోటీపడుతున్నాయి. కస్టమర్స్​కి ఆఫర్స్​, డిస్కౌంట్స్​ ప్రకటిస్తున్నాయి. ఈ జాబితాలోకి హ్యుందాయ్​ మోటార్​ ఇండియా తాజాగా చేరింది. ఈ అక్టోబర్​లో పలు మోడళ్లపై డిస్కౌంట్స్​ని ప్రకటించింది. కొరియన్ కార్ల తయారీ సంస్థ రెండు ఎస్​యూవీలతో పాటు నాలుగు మోడళ్ల ధరలను తగ్గించింది. ఈ ఆఫర్స్​ ఈ నెలఖారు వరకు అందుబాటులో ఉంటాయని గుర్తుపెట్టుకోవాలి. బెస్ట్​ సెల్లింగ్​ ఎక్స్​టర్​, వెన్యూ వంటి ఎస్​యూవీలతో పాటు ఐ20, గ్రాండ్ ఐ10 నియోస్ వంటి హ్యాచ్​బ్యాక్​ మోడళ్లపై ప్రస్తుతం ఆఫర్స్​ ఉన్నాయి. హ్యుందాయ్ పలు సీఎన్జీ వాహనాలపైనా డిస్కౌంట్లను అందిస్తోంది.

భారతదేశంలో ప్యాసింజర్ వాహన విభాగంలో వరుసగా మూడవ నెల అమ్మకాలు క్షీణించాయి. ప్రతి సంవత్సరం అమ్మకాలు గరిష్ట స్థాయికి చేరుకునే ఈ పండగ సీజన్​ని సద్వినియోగం చేసుకునేందుకు కార్ల తయారీ సంస్థలు నానా తంటాలు పడుతున్నాయి. అందులో భాగంగానే ఆఫర్స్​, డిస్కౌంట్స్​ని కస్టమర్స్​ని ఆకర్షిస్తున్నాయి.

సెప్టెంబర్​లో ఈ కొరియా ఆటో దిగ్గజం అమ్మకాలు ఏడాది ప్రాతిపదికన 10 శాతం క్షీణతను నమోదు చేశాయి. కార్ల తయారీదారు గత నెలలో 64,201 యూనిట్ల హోల్​సేల్ గణాంకాలను నమోదు చేసింది. వీటిలో 51,101 యూనిట్లు భారతదేశం అంతటా అమ్ముడయ్యాయి. క్రెటా ఎస్​యూవీ భారతదేశంలో హ్యుందాయ్ నుంచి అత్యధికంగా అమ్ముడైన మోడల్​గా కొనసాగుతుండగా, కార్ల తయారీదారు సీఎన్జీ వాహన విభాగంలో 13 శాతానికి పైగా వృద్ధిని చూసింది. హ్యుందాయ్ సీఎన్జీ లైనప్​లో ఎక్స్​టర్​, గ్రాండ్ ఐ 10 నియోస్, ఆరా వంటి మోడల్స్​ ఉన్నాయి.

ఇదీ చూడండి:- Tata Punch CAMO Edition: సరికొత్త లుక్, లేటెస్ట్ ఫీచర్లతో మార్కెట్లోకి మళ్లీ టాటా పంచ్ కేమో ఎడిషన్

అక్టోబర్​లో హ్యుందాయ్ డిస్కౌంట్లు..

అక్టోబర్​ నెలలో పలు ఎంపిక చేసిన హ్యుందాయ్​ మోడళ్లు, వేరియంట్లపై దాదాపు రూ.80,000 వరకు ప్రయోజనాలను అందించింది. ఈ స్కీమ్​ అతిపెద్ద లబ్దిదారు వెన్యూ సబ్-కాంపాక్ట్ ఎస్​యూవీ! టాటా నెక్సాన్, మారుతీ సుజుకీ బ్రెజా ప్రత్యర్థి క్రేటాని కొనుగోలు చేసినప్పుడు రూ .80,629 ఆదా చేయవచ్చు! రూ.21,628 విలువైన యాక్సెసరీ ప్యాకేజీని కేవలం రూ.6,000కే కొనుగోలు చేయవచ్చు.

కొరియన్ కార్ల తయారీ సంస్థ నుంచి అత్యధికంగా అమ్ముడైన ఎస్​యూవీల్లో ఒకటైన హ్యుందాయ్ ఎక్స్​టర్​పై రూ .42,972 వరకు తగ్గింపు లభిస్తోంది. రూ.5,000 తగ్గింపు ధరతో రూ.17,971 విలువైన యాక్సెసరీ ప్యాకేజీ కూడా ఉంటుంది. హ్యుందాయ్ ఎక్స్​టర్​ సీఎన్జీ వర్షెన్​కి కూడా ఆఫర్స్​ లభిస్తున్నాయి.

ఈ నెలలో వెన్యూ తర్వాత హ్యుందాయ్ కారుపై అతిపెద్ద డిస్కౌంట్ గ్రాండ్ ఐ 10 నియోస్ హ్యాచ్​బ్యాక్​ కొనుగోలుపై ఉంది. హ్యుందాయ్​కి చెందిన ఈ చిన్న కారు ఈ నెలలో రూ .58,000 వరకు ప్రయోజనాలను పొందుతోంది. స్టాండర్డ్, ఎన్- లైన్ వర్షెన్లలో లభించే ఐ20పై రూ.55,000 వరకు బెనిఫిట్స్ లభిస్తాయి.

మరి హ్యుందాయ్​ స్టాటజీ పనిచేస్తుందా? కస్టమర్లు డిస్కౌంట్​, ఆఫర్స్​కి వాహనాలను కొనుగోలు చేస్తారా? అన్నది వేచి చూడాలి.