Discounts on Maruti cars : ఈ మారుతీ సుజుకీ వాహనాలపై భారీ డిస్కౌంట్లు..
04 December 2022, 8:05 IST
Share
- Discounts on Maruti cars in December : మారుతీ సుజుకీ కారు తీసుకుందామని ప్లాన్ చేస్తున్నారా? అయితే ఇదే మంచి సమయం. ఈ వాహనాలపై భారీ డిస్కౌంట్లు ఉన్నాయి. ఓ లుక్కేయండి..
ఆల్టో కే10
Discounts on Maruti cars in December : డిసెంబర్ నెలకు గాను.. పలు వాహనాలపై భారీ డిస్కౌంట్లు ఇస్తోంది దేశీయ దిగ్గజ ఆటో సంస్థ మారుతీ సుజుకీ. కార్పొరేట్ డిస్కౌంట్లు, ఎక్స్ఛేంజ్ బెనిఫిట్స్, క్యాష్ డిస్కౌంట్తో పాటు మరిన్ని డిస్కౌంట్లతో.. స్విఫ్ట్, డిజైర్, సెలేరియో, న్యూ జెన్ ఆల్టో కే10పై భారీ తగ్గింపు పొందవచ్చు. వీటిపై ఓ లుక్కేద్దాము..
మారుతీ సుజుకీ ఆల్టో కే10..
Discounts on Maruti Suzuki Alto K10 : సరికొత్త ఆల్టో కే10ను ఇటీవలే లాంచ్ చేసింది మారుతీ సుజుకీ. మేన్యువల్ వేరియంట్లపై రూ. 52వేల వరకు డిస్కౌంట్లు పొందవచ్చు! ఆటోమెటిక్ వేరియంట్లపై రూ. 22వేల వరకు ఆఫర్లు లభిస్తున్నాయి. సీఎన్జీ వేరియంట్పైనా రూ. 45,100 డిస్కౌంట్ లభిస్తుండటం విశేషం.
ఇతర మారుతీ వాహనాల్లాగే.. ఈ ఆల్టో కే10 ఇంజిన్ ఉంటుంది. డ్రైవింగ్ స్మూత్గా సాగిపోతుంది. కానీ హైస్పీడ్లో బాడీ రోల్ అవుతోందని తెలుస్తోంది.
మారుతీ సుజుకీ ఎస్-ప్రెస్సో..
Offers on Maruti Suzuki S- Presso : ఎస్ ప్రెస్సో మేన్యువల్ వేరియంట్లపై రూ. 46000 వరకు డిస్కౌంట్లు ఇస్తోంది మారుతీ సుజుకీ. ఆటోమెటిక్ వేరియంట్లపై మాత్రం రూ. 21000 ఆఫర్లు ఉన్నాయి. సీఎన్జీ వేరియంట్పై రూ. 45,100 ఆఫర్ల లభిస్తున్నాయి.
ఎస్-ప్రెస్సోలో 5 స్పీడ్ మేన్యువల్/ 5 స్పీడ్ ఆటోమెటిక్ గేర్బాక్స్తో కూడిన 1.0 లీటర్ ఇంజిన్ ఉంటుంది. ఇది 6హెచ్పీ పవర్ను జనరేట్ చేయగలదు.
2023 జనవరి నుంచి మారుతీ సుజుకీ వాహనాల ధరలు పెరగనున్నాయి. పూర్తి వివరాల కోసం ఇక్కడ క్లిక్ చేయండి.
మారుతీ సుజుకీ సెలేరియో..
Discounts on Maruti Suzuki Celerio : సెలేరియో సీఎన్జీ వేరియంట్లపై రూ. 45,100 వరకు డిస్కౌంట్లు లభిస్తున్నాయి. పెట్రోల్- మేన్యువల్ వేరియంట్లపై రూ. 36,000 ఆఫర్ ఉంది. ఆటోమెటిక్ వర్షెన్పై రూ. 21000 డిస్కౌంట్ ఉంది.
సెలేరియోలో 5స్పీడ్ మేన్యువల్/ ఆటోమెటిక్ గేర్ బాక్స్తో కూడిన 1.0 లీటర్ పెట్రోల్ ఇంజిన్ ఉంది. ఇది 26.68కేపీఎల్ మైలేజ్ ఇస్తుంది.
మారుతీ సుజుకీ ఆల్టో 800..
Maruti Suzuki Alto 800 : ప్రస్తుతం.. ఆల్టో 800 హై-ఎండ్ వేరియంట్లపై రూ. 42,000 డిస్కౌంట్ లభిస్తోంది. ఎంట్రీ లెవల్ వేరియంట్లపై రూ. 17వేల వరకు ఆఫర్లు ఉన్నాయి. ఆల్టో 800 సీఎన్జీ వేరియంట్ ధర రూ. 40,100 వరకు తగ్గొచ్చు.
ఆల్టో 800లో 796సీసీ ఇంజిన్ ఉంటుంది. ఇందులో 5 స్పీడ్ మేన్యువల్ గేర్ బాక్స్ ఉంటుంది.
మారుతీ సుజుకీ డిజైర్..
Maruti Suzuki Dzire offers : డిజైర్ ఆటోమెటిక్ వేరియంట్లపై రూ. 32,000- మేన్యువల్ వేరియంట్లపై రూ. 17వేల వరకు డిస్కౌంట్లు ఇస్తోంది మారుతీ సుజుకీ. సీఎన్జీ మోడల్పై ఎలాంటి డిస్కౌంట్లు లేవు.
డిజైర్లో ఉన్న 1.2లీటర్ పెట్రోల్ ఇంజిన్.. 90హెచ్పీ పవర్ను జనరేట్ చేస్తుంది.
మారుతీ సుజుకీ స్విఫ్ట్..
Maruti Suzuki Swift price : మారుతీ సుజుకీ స్విఫ్ట్ మేన్యువల్, ఆటోమెటిక్ వేరియంట్లపై రూ. 32,000 వరకు డిస్కౌంట్లు లభిస్తున్నాయి. సీఎన్జీ వేరియంట్పై రూ. 15,100 వరకు ఆఫర్లు ఉన్నాయి.
మారుతీ సుజుకీ స్విఫ్ట్లో 1.2లీటర్ డ్యూయెల్జెట్ పెట్రోల్ ఇంజిన్ ఉంటుంది. ఇది 90హెచ్పీ పవర్ను జనరేట్ చేస్తుంది. ఇందులో 5స్పీట్ మేన్యువల్/ ఆటోమెటిక్ గేర్బాక్స్లు ఉంటాయి.
* పైన చెప్పిన డిస్కౌంట్లు.. ఒక్కో ప్రాంతంలో ఒక్కో విధంగా ఉంటాయి. పూర్తి వివరాల కోసం మీ సమీపంలోని మారుతీ సుజుకీ డీలర్షిప్ షోరూంన సంప్రదించాల్సి ఉంటుంది.