HONOR V Purse : వావ్​.. ఇది పర్సులా ఉండే ఫోల్డెబుల్​ స్మార్ట్​ఫోన్!

HONOR V Purse : ఫోల్డెబుల్​ టెక్నాలజీని ఫ్యాషన్​కు జతచేసిన హానర్​ సంస్థ.. అద్భుతాన్ని సృష్టించింది! పర్సును ప్రతిబింబించే విధంగా ఓ ఫోల్డెబుల్​ స్మార్ట్​ఫోన్​ను తయారు చేసింది. ఈ మోడల్​ పేరు హానర్​ వీ పర్స్​. ఐఎఫ్​ఏ 2023 ఈవెంట్​లో దీనిని ప్రదర్శించింది.

కొత్త డిజైన్​ అదిరిపోయింది..!

ఈ ఇన్నోవేటివ్​ డిజైన్​ చాలా ఐ-క్యాచింగ్​గా ఉందనే చెప్పుకోవాలి. ఇందులో ఇంటర్​ఛేంజెబుల్​ స్ట్రాప్స్​, చెయిన్స్​ వంటివి వస్తున్నాయి. ఫోల్డెబుల్​ ఫోన్​ను వాడటం అయిపోయిన తర్వాత, దీనిని ఓ పర్సులా మార్చుకోవచ్చు. ఈ హానర్​ వీ పర్స్​లో ఔట్​వర్డ్​ ఫేసింగ్​ డిస్​ప్లే ఉంటుంది. ఇందులోని వాల్​పపర్స్​లో వివిధ పర్సు స్టైల్స్​ ఉంటాయి.

అయితే.. బయటవైపు డిస్​ప్లే ఉండటం కాస్త ఆందోళనకర విషయం అని టెక్​ నిపుణులు అభిప్రాయపడుతున్నారు. సాధారణ ఫోల్డెబుల్​ ఫోన్స్​లో డిస్​ప్లే లోపలివైపు ఉంటుందని గుర్తుచేస్తున్నారు. ఫలితంగా ఈ హానర్​ వీ పర్స్​ డ్యూరెబులిటీ దెబ్బతింటుందని అనుమానిస్తున్నాయి. హానర్​ మాత్రం వీటిని కొట్టిపారేస్తోంది. ఈ ఫోల్డెబుల్​ స్మార్ట్​ఫోన్​.. 4లక్షలకుపైగా ఫోల్డ్స్​ను తట్టుకోగలదని అంటోంది. అయినప్పటికీ.. డిస్​ప్లే విషయంలో అనేక సమస్యలు ఎదురవ్వొచ్చని, డిజైన్​ పరంగా హానర్​ సంస్థ చాలా బోల్డ్​ నిర్ణయం తీసుకుందన్నది నిపుణుల మాట.

ఇదీ చూడండి:- Honor pad X9 : హానర్​ ప్యాడ్​ ఎక్స్​9 బుకింగ్స్​ షురూ.. ఈ ట్యాబ్లెట్​ను కొనొచ్చా?

HONOR V Purse price in India : ఏది ఏమైనా.. ఫోల్డెబుల్​ ఫోన్​కి ఫ్యాషన్​ టచ్​ కూడా ఇవ్వొచ్చని, తన ఇన్నోవేటివ్​ ఐడియాతో నిరూపించింది హానర్​. పర్సు లాంటి ఈ ఫోల్డెబుల్​ స్మార్ట్​ఫోన్​ను రూపొందించేందుకు అనేకమంది ఫ్యాషన్​ డిజైనర్స్​తో కొలాబొరేట్​ అయినట్టు హానర్​ సంస్థ చెప్పింది. ఫలితంగా ఈ హానర్​ వీ పర్స్​లో చాలా కొత్త థీమ్స్​ ఉన్నట్టు స్పష్టం చేసింది. త్వరలోనే ఏపీఐని లాంచ్​ చేస్తామని, తద్వారా.. కస్టమర్లు తమకు నచ్చినట్టుగా డిజైన్​ పాటర్న్​ని మర్చుకోవచ్చని వెల్లడించింది.

అయితే ఈ హానర్​ వీ పర్స్​ అనేది లిమిటెడ్​ ఎడిషన్​గా ఉండొచ్చు. డైరక్ట్​ ప్రాడక్ట్​గా అందుబాటులో ఉండకపోవచ్చని మార్కెట్​ వర్గాలు భావిస్తున్నాయి. ఈ మోడల్​కు సంబంధించిన టీజర్​ను తాజాగా విడుదల చేసింది సంస్థ. కాగా.. దీని ఫీచర్స్​, స్పెసిఫికేషన్స్​, ధర వంటిపై క్లారిటీ లేదు. త్వరలోనే సంస్థ వీటిని ప్రకటిస్తుందని తెలుస్తోంది. ఈ హానర్​ వీ పర్స్​పై సర్వాత్రా ఆసక్తి నెలకొంది.