Honda Activa EV : హోండా యాక్టివా ఈవీ.. సింగిల్​ ఛార్జ్​తో సూపర్​ రేంజ్​!

హోండా మోటార్ సైకిల్ అండ్ స్కూటర్ ఇండియా (హెచ్ఎంఎస్ఐ) తన రాబోయే ఎలక్ట్రిక్ స్కూటర్ 'యాక్టివా ఈ'తో దేశంలో ఎలక్ట్రిక్ ద్విచక్ర వాహన మార్కెట్లోకి ప్రవేశించడానికి సిద్ధంగా ఉంది. హోండా యాక్టివా ఈ.. భారతదేశంలో కంపెనీకి చెందిన మొదటి ఎలక్ట్రిక్ వాహనం. ఈ ఎలక్ట్రిక్​ స్కూటర్​ నవంబర్ 27న విడుదల కానుంది. తాజాగా సంస్థ ఒక టీజర్​ని లాంచ్​ చేసింది. దీని ద్వారా రాబోయే స్కూటర్​కి చెందిన మరిన్ని వివరాలు అందుబాటులోకి వచ్చాయి. అవేంటంటే..

హోండా యాక్టివా ఈవీ విశేషాలు..

ఇటీవల విడుదలైన టీజర్ ప్రకారం హోండా యాక్టివా ఈవీ రెండు వేరియంట్స్​లో అందుబాటులోకి వస్తుంది. ఎలక్ట్రిక్ స్కూటర్ రెండు విభిన్న రకాల డిజిటల్ ఇన్​స్ట్రుమెంట్ క్లస్టర్​ని పొందుతుంది. ఇది రెండు వేరియంట్ల స్థాయిలను సూచిస్తుంది. హోండా యాక్టివా ఈ ఎలక్ట్రిక్​ స్కూటర్​ తక్కువ వేరియంట్లు టీఎఫ్​టీ డిస్​ప్లేని పొందుతాయి, హై ట్రిమ్ లెవల్ మల్టీ కలర్ స్క్రీన్​ని కలిగి ఉంటుంది. పెద్ద స్క్రీన్​లో బ్యాటరీ ఛార్జర్, రేంజ్ లెఫ్ట్, స్పీడ్, మోడ్ వంటి కీలక సమాచారం కనిపిస్తుంది. ఎలక్ట్రిక్ స్కూటర్ టర్న్ బై టర్న్ నావిగేషన్, మ్యూజిక్ కంట్రోల్ ఫంక్షనాలిటీని పొందుతుందని పెద్ద స్క్రీన్ సూచించింది.

ఆసక్తికరమైన విషయం ఏమిటంటే.. టీజర్​ ద్వారా ఎక్స్​పెక్టెడ్​ రేంజ్​, ఇతర పవర్ట్రెయిన్ వివరాలపైనా క్లారిటీ వచ్చింది.100 శాతం బ్యాటరీ ఛార్జ్​తో ఈ హోండా యాక్టివా ఈవీ స్టాండర్డ్ మోడ్​లో 104 కిలోమీటర్ల రేంజ్​ని ఇస్తుంది! అదనంగా, మెరుగైన థ్రోటిల్ రెస్పాన్స్ కోసం ఈ ఎలక్ట్రిక్​ స్కూటర్​లో స్పోర్ట్ మోడ్​ కూడా ఉంది. అయితే స్పోర్ట్ మోడ్​తో రేంజ్​ తగ్గుతుందని భావిస్తున్నారు.

హోండా యాక్టివా ఈ: ఇతర వివరాలు

హోండా యాక్టివా ఈ మునుపటి టీజర్లు ఈ ఎలక్ట్రిక్ స్కూటర్ బజాజ్​ చేతక్, విడా వీ1 ల మాదిరిగానే స్వింగ్ ఆర్మ్-మౌంటెడ్ మోటార్లను కలిగి ఉంటుందని చూపించాయి. యాక్టివా ఎలక్ట్రిక్​గా పిలిచే ఈ కొత్త ఆఫర్ కుటుంబ కొనుగోలుదారులను లక్ష్యంగా చేసుకునే అవకాశం ఉంది!

స్వింగ్ ఆర్మ్ మౌంటెడ్ మోటారును బట్టి, హోండా తన ఎలక్ట్రిక్ స్కూటర్ ధర ప్రత్యర్థులతో పోలిస్తే ఆకర్షణీయంగా ఉంచుతోందని అంచనాలు ఉన్నాయి. ఓలా ఎలక్ట్రిక్, బజాజ్, టీవీఎస్ నేతృత్వంలోని మాస్ మార్కెట్ ఎలక్ట్రిక్ ద్విచక్ర వాహనాల సెగ్మెంట్​పై కంపెనీ కన్నేసింది. దేశవ్యాప్తంగా లభ్యత పరంగా ఈ బ్రాండ్ తన స్కూటర్లను ఎంత త్వరగా డెలివరీలు ఆసక్తికరంగా మారింది. మునుపటి టీజర్లలో ఎల్​ఈడీ హెడ్ ల్యాంప్, కొత్త ఎలక్ట్రిక్ స్కూటర్​లోని సీటు గ్లింప్స్​ని చూపించింది. ఫీచర్లపై వివరాలు తెలియదు, కానీ రాబోయే హోండా ఎలక్ట్రిక్ స్కూటర్ అన్ని అవసరాలను ప్యాక్ చేసే అవకాశం ఉంది.

మరిన్ని వివరాలపై లాంచ్​ నాటికి ఒక క్లారిటీ వస్తుందని మార్కెట్​ వర్గాలు భావిస్తున్నాయి.