Adani impact on LIC: ఆదానీ దెబ్బకు ఎల్ఐసీ నష్టపోయిన మొత్తమెంతో తెలుసా?
25 February 2023, 19:43 IST
Adani affect on LIC: యూఎస్ షార్ట్ సెల్లర్ హిండెన్ బర్గ్ (Hindenburg) రీసెర్చ్ చేసిన ఆరోపణలతో గౌతమ్ ఆదానీకి చెందిన ఆదానీ గ్రూప్ (Adani Group) విలువ షేర్ మార్కెట్లో ఒక్కసారిగా కుప్పకూలింది. ఆదానీ తో పాటు అందులో పెద్ద ఎత్తున పెట్టుబడులు పెట్టిన ఎల్ఐసీ (LIC) కూడా భారీగా నష్టపోయింది.
ప్రతీకాత్మక చిత్రం
Skoda new SUV : మారుతీ సుజుకీ బ్రెజాకు పోటీగా స్కోడా కొత్త ఎస్యూవీ..!
Infinix GT 20 Pro : ఇండియాలో ఇన్ఫీనిక్స్ జీటీ 20 ప్రో లాంచ్ డేట్ ఫిక్స్.. ఫీచర్స్ ఇవే!
Honda Civic into Lamborghini : హోండా సివిక్ని లంబోర్ఘినిగా మార్చిన యూట్యూబర్- నెటిజన్లు ఫిదా!
Motorola X50 Ultra : మోటోరోలా ఎక్స్50 అల్ట్రా లాంచ్.. సూపర్ కూల్ ఫీచర్స్తో!
Adani affect on LIC: ఎల్ఐసీకి కూడా దెబ్బ
హిండెన్ బర్గ్ (Hindenburg) నివేదిక జనవరి 24న వెల్లడైంది. ఆ నాటి నుంచి ఆదానీ గ్రూప్ (Adani Group) షేర్లు కుప్పకూలడం ప్రారంభమైంది. దాంతో, ఆదానీ గ్రూప్ కంపెనీలతో పాటు వాటిలో భారీగా పెట్టుబడులు పెట్టిన ప్రభుత్వ రంగ బీమా సంస్థ ఎల్ఐసీ (LIC) కూడా దారుణంగా నష్టపోయింది. ఆదానీకి చెందిన చాలా కంపెనీల్లో ఎల్ఐసీ పెట్టుబడులు పెట్టింది. ఆదానీ గ్రూప్ (Adani Group) కంపెనీల షేర్ వాల్యూ దారుణంగా పడిపోవడంతో వాటిలోని ఎల్ఐసీ పెట్టుబడులు కూడా నష్టపోయాయి. ఆదానీ దెబ్బకు ప్రభుత్వ రంగ బీమా సంస్థ ఎల్ఐసీ (LIC) నెల రోజుల వ్యవధిలో సుమారు రూ. 48,600 కోట్లు నష్టపోయింది.
LIC stake in Adani Group: ఎల్ఐసీ వాటా ఎంత?
ఆదానీకి చెందిన ఆదానీ ఎంటర్ ప్రైజెస్ (Adani Enterprises), ఆదానీ ట్రాన్స్ మిషన్ (Adani Transmission), ఆదానీ టోటల్ గ్యాస్(Adani Total Gas), ఆదానీ గ్రీన్ ఎనర్జీ (Adani Green Energy) ల్లో ఎల్ఐసీ (LIC) పెట్టుబడులు పెట్టింది. ఆదానీ ఎంటర్ ప్రైజెస్ (Adani Enterprises) లో ఎల్ఐసీకి 4,81,74,654 ఈక్విటీ షేర్లు ఉన్నాయి. అంటే, సుమారు 4.23% షేర్లు. అలాగే, ఆదానీ ట్రాన్స్ మిషన్ (Adani Transmission) లో ఎల్ఐసీ (LIC) కి 4,06,76,207 (3.65%) షేర్లు ఉన్నాయి. ఆదానీ టోటల్ గ్యాస్ (Adani Total Gas) లో ఎల్ఐసీ (LIC) కి 6,55,88,170 (3.65%) ఈక్విటీ షేర్లు ఉన్నాయి. ఆదానీ గ్రీన్ ఎనర్జీ (Adani Green Energy) లో లో ఎల్ఐసీ కి 2,03,09,080 (1.28%) ఈక్విటీ షేర్లు ఉన్నాయి. ఆదానీ కి చెందిన సిమెంట్ బిజినెస్ లో కూడా ఎల్ఐసీ (LIC) పెట్టబడులు పెట్టింది. ఆదానీకి చెందిన అంబుజా సిమెంట్స్ లో ఎల్ఐసీకి 12,55,89,263 ఈక్విటీ షేర్లు ఉన్నాయి. ఇది సంస్థ మొత్తం హోల్డింగ్స్ లో 6.33%. ఏసీసీ లో ఎల్ఐసీ (LIC) కి 6.41% వాటాతో 1,20,33,271 ఈక్విటీ షేర్లున్నాయి. అయితే, వీటన్నింటికన్నా ఎక్కువగా ఆదానీ పోర్ట్స్ (Adani Ports) లో ఎల్ఐసీ (LIC) కి 19,75,26,194 ఈక్విటీ షేర్లు ఉన్నాయి. ఇది సంస్థ మొత్తం షేర్లలో 9.14%. ఆదానీ విల్మర్, ఆదానీ పవర్, ఎన్డీటీవీల్లో ఎల్ఐసీ (LIC) పెట్టుబడులు పెట్టలేదు.
LIC stocks nosedived: ఎంత నష్టం?
జనవరి 24 నాటికి ఆదానీ గ్రూప్ (Adani Group) కంపెనీల్లో ఎల్ఐసీకి ఉన్న వాటాల విలువ రూ. 81,267.75 కోట్లు. సరిగ్గా నెల రోజుల తరువాత, ఫిబ్రవరి 24 నాటికి ఆదానీ గ్రూప్ (Adani Group) కంపెనీల్లో ఎల్ఐసీ (LIC) వాటా విలువ రూ. 32,618.56 కోట్లకు పడిపోయింది. అంటే నెల రోజుల వ్యవధిలో ఎల్ఐసీ సుమారు రూ. 48,600 కోట్లు నష్టపోయింది.
టాపిక్