Adani Hindenburg report : 'అదానీ'పై ఆ నివేదికతో.. నెల రోజుల్లో రూ. 12లక్షల కోట్ల మార్కెట్​ వాల్యూ ఉఫ్​!

Adani Hindenburg report : అదానీ గ్రూప్​పై నెల రోజుల క్రితం విడుదలైన సంచలనాత్మక హిన్​డెన్​బర్గ్​ నివేదికతో మదుపర్లకు నిద్ర లేని రాత్రులు కొనసాగుతున్నాయి! నెల రోజులైనప్పటికీ.. అదానీ గ్రూప్​ స్టాక్స్​లో అమ్మకాల ఒత్తిడి తగ్గడం లేదు. మొత్తం మీద.. శుక్రవారం ట్రేడింగ్​ సెషన్​ ముగిసే సమయానికి.. అదానీ గ్రూప్​ స్టాక్స్​ మార్కెట్​ వాల్యూ రూ. 12లక్షల కోట్ల మేర పతనమైంది. ఫలితంగా మదుపర్లకు భారీ నష్టాన్ని ముగిల్చాయి.

నెల రోజుల్లో.. రక్తపాతం!

2024 జనవరి 24న.. 19లక్షల కోట్ల మార్కెట్​ వాల్యుయేషన్​తో నెం.1 స్థానంలో నిలిచింది అదానీ గ్రూప్​. ముకేశ్​ అంబానీ రిలయన్స్​, రతన్​ టాటా టీసీఎస్​ను అధిగమించింది. అప్పటివరకు.. అదానీ గ్రూప్​లో పెట్టుబడుల కోసం మదుపర్లు పరుగులు తీశారు. కానీ అమెరికా ఆధారిత హిన్​డెన్​బర్గ్​.. తన నివేదికతో ప్రకంపనలు సృష్టించింది. మదుపర్లను కోలుకోలేని దెబ్బ కొట్టింది.

ఇదీ చదవండి :- అదానీకి దక్కిన 'అమృత కాలం'తో బీజేపీకి నష్టం తప్పదా?

Adani Hindenburg row : ఈ పరిణామాల మధ్య.. నెల రోజుల్లో అదానీ స్టాక్స్​లో రక్తపాతం పతాక స్థాయికి చేరింది. అనేక స్టాక్స్​.. 1 ఇయర్​ లోస్​లో ఉండటంతో పాట బ్యాక్​-టు- బ్యాక్​ లోవర్​ సర్క్యూట్​లను టచ్​ చేస్తున్నాయి. శుక్రవారం ట్రేడింగ్​ సెషన్​ ముగిసే సమయానికి బీఎస్​ఈలో అదానీ గ్రూప్​ స్టాక్స్​ మార్కెట్​ వాల్యూ రూ. 7,15,986.97కోట్లకు చేరింది. అంటే నెల రోజుల్లో రూ. 12లక్షల కోట్ల నష్టం కలిగినట్టు! పీక్​ స్టేజ్​ నుంచి పోల్చుకుంటే.. అదానీ గ్రూప్​ మార్కెట్​ వాల్యుయేషన్​ దాదాపు 70శాతం పడినట్టు. స్టాక్​ మార్కెట్​ నిపుణుల ప్రకారం.. అదానీ సంస్థల పీక్​ మార్కెట్​ వాల్యుయేషన్​ సుమారు రూ. 25లక్షల కోట్లు.

ఇదీ స్టాక్స్​ పరిస్థితి..

Adani group stocks price : అదానీ ఎంటర్​ప్రైజెస్​ స్టాక్​ ధర నెల రోజుల్లో 2,077 పాయింట్లు కోల్పోయి 61.30శాతం పతనమైంది. అదానీ పోర్ట్స్​ షేరు ధర 21.5శాతం పడింది. అదానీ గ్రీన్​ స్టాక్​ ఏకంగా 1,371 పాయంట్ల నష్టంతో 73.8శాతం నష్టపోయింది. అదానీ గ్యాస్​ 79.4శాతం, అదానీ ట్రాన్స్​మిషన్​ 71.71శాతం మేర పడ్డాయి.