HDFC Bank: Q4 ఫలితాల్లో అదరగొట్టిన హెచ్ డీ ఎఫ్ సీ బ్యాంక్; భారీ డివిడెండ్ కూడా..

HDFC Bank Q4 results: 2022-23 ఆర్థిక సంవత్సరం చివరి త్రైమాసికం (Q4FY23) లో హెచ్ డీ ఎఫ్ సీ బ్యాంక్ (HDFC Bank) మెరుగైన ఫలితాలను సాధించింది. సంస్థ పన్ను అనంతర లాభాలు అంతకుముందు ఆర్థిక సంవత్సరం Q4 (Q4FY22)తో పోలిస్తే 20% పెరిగాయి.

HDFC Bank Q4 results: నికర వడ్డీ ఆదాయంలోనూ పెరుగుదల

హెచ్ డీ ఎఫ్ సీ బ్యాంక్ (HDFC Bank) ఈ Q4 లో నికర వడ్డీ ఆదాయం (net interest income NII) లోనూ మంచి ఫలితాలను సాధించింది. ఈ Q4 లో హెచ్ డీ ఎఫ్ సీ బ్యాంక్ (HDFC Bank) నికర వడ్డీ ఆదాయం రూ. 23,351.80 కోట్లు గా ఉంది. అంతకుముందు ఆర్థిక సంవత్సరం Q4 తో పోలిస్తే ఈ Q4 లో హెచ్ డీ ఎఫ్ సీ బ్యాంక్ (HDFC Bank) నికర వడ్డీ ఆదాయం 23.7% పెరిగింది. అంతకుముందు ఆర్థిక సంవత్సరం Q4లో బ్యాంక్ ఎన్ఐఐ (NII) రూ. 18,872.7 కోట్లు. డిపాజిట్స్ (deposits), రుణ వితరణ (credit) లోనూ బ్యాంక్ మంచి పనితీరు కనబర్చింది. ఈ Q4FY23 లో హెచ్ డీ ఎఫ్ సీ బ్యాంక్ (HDFC Bank) ప్రాఫిట్ బిఫోర్ ట్యాక్స్ (profit before tax) రూ. 15,935.5 కోట్లుగా ఉంది.

HDFC Bank Q4 results: రూ. 19 డివిడెండ్

హెచ్ డీ ఎఫ్ సీ బ్యాంక్ (HDFC Bank) నికర ఆదాయం (net revenue) ఈ Q4 లో రూ. 32,083.0 కోట్లు. ఇది అంతకుముుందు ఆర్థిక సంవత్సరం Q4 (Q4FY22)లో బ్యాంక్ ఆర్జించిన రూ. 26,509.8 కోట్ల నికర ఆదాయం కన్నా 21% అధికం. 2022-23 ఆర్థిక సంవత్సరం Q4 (Q4FY23) లో హెచ్ డీ ఎఫ్ సీ బ్యాంక్ (HDFC Bank) సాధించిన మొత్తం డిపాజిట్లు (Total deposits) రూ. 1,883,395 కోట్లు. కాగా, Q4 ఫలితాలను ప్రకటించడంతో పాటు, తమ షేర్ హోల్డర్లకు రూ. 1 ముఖ విలువ కలిగిని ఒక్కో ఈక్విటీ షేర్ పై రూ. 19 ఫైనల్ డివిడెండ్ () ఇస్తున్నట్లు హెచ్ డీ ఎఫ్ సీ బ్యాంక్ (HDFC Bank) ప్రకటించింది.