Online shopping : ఆన్​లైన్​ షాపింగ్​లో ఎక్కువ ఖర్చు చేసేది పురుషులే!

Online shopping : ఆన్​లైన్​ ఆర్డర్ల విషయంలో.. పెద్ద నగరాల్లోని ప్రజలతో పోల్చుకుంటే చిన్న నగరాల్లో నివాసముండే వారే ఎక్కువగా ఖర్చు చేస్తున్నారని ఓ నివేదికలో తేలింది. టైర్​ 1 నగరాలతో పోల్చితే.. టైర్​-2,4 నగరాల్లోనే 77శాతం ఎక్కువ ఖర్చు అవుతోందని పేర్కొంది.

'డిజిటల్​ రీటైల్​ ప్లాట్​ఫార్మ్స్​ అండ్​ కన్జ్యూమర్​ ఎమోషన్స్​ : ఆన్​ ఇండియన్​ పర్స్పెక్టివ్​' పేరుతో ఓ నివేదికను రూపొందించింది ఐఐఎం అహ్మదాబాద్​. నివేదిక ప్రకారం.. సర్వే చేసిన వారిలో చాలా మంది వినియోగదారులు.. ఆన్​లైన్​ షాపింగ్​ ప్లాట్​ఫార్మ్​లను 2,3 రోజులకోసారి వాడుతుంటారు. ఆన్​లైన్​ షాపింగ్​ అనేది ప్రజలకు ఓ హాబీగా మారిపోయింది.

Online shopping trend in India : చాలా మంది కస్టమర్లు సగటున 34-35 నిమిషాలు ఆన్​లైన్​ షాపింగ్​ కోసం వినియోగిస్తున్నారు. కొవిడ్​ సంక్షోభం కారణంగా ఆన్​లైన్​ షాపింగ్​కు విపరీతమైన డిమాండ్​ కనిపించింది. 1-3 ఏళ్ల ముందు నుంచే ఆన్​లైన్​ షాపింగ్​ చేసిన వారు దాదాపు 72శాతం మంది ఉండటం గమనార్హం.

ఆ విషయంలో పురుషులే ఎక్కువ..!

ఆన్​లైన్​ షాపింగ్​ అంటే మహిళలకే అన్న ఫీలింగ్​ కలుగుతుంటుంది. మహిళలే ఎక్కువ ఖర్చు చేస్తారని అనుకుంటాము. అయితే.. ఈ నివేదికలో షాకింగ్​ విషయం బయటపడింది. ఆన్​లైన్​ షాపింగ్​లో మహిళల కన్నా పురుషులే 36శాతం ఎక్కువగా ఖర్చు చేస్తున్నట్టు తేలింది.

Men spend more on online shopping : మహిళలు.. దస్తులు, ఫ్యాషన్​ ఉత్పత్తులను షాప్​ చేస్తుండగా.. పురుషులు ఎలక్ట్రానిక్​ పరికరాలను ఎక్కువగా కొనుగోలు చేస్తున్నారు. ఆన్​లైన్​ షాపింగ్​ సౌకర్యంగా ఉందని పురుషుల కన్నా మహిళలే ఎక్కువగా భావిస్తున్నారు. ఆన్​లైన్​ షాపింగ్​ విషయంలో మహిళలు డెలివరీ టైమ్​, రిటర్న్​ పాలసీపై ఎక్కువగా దృష్టిపెడుతుంటే.. పురుషులు ప్రాడక్ట్​ క్వాలిటీ, ఈఎంఐ ఆప్షన్స్​, ఆన్​లైన్​ రికమెండేషన్స్​ వంటికి ప్రాధాన్యతని ఇస్తున్నారు.

Online shopping facts : బయట షాపింగ్​ కన్నా అన్​లైన్​ షాపింగ్​ చాలా అనుకూలంగా ఉందని.. 24ఏళ్లలోపు యువత, 60ఏళ్లు దాటిన వృద్ధుల భావిస్తున్నారు. 35ఏళ్ల కన్నా తక్కువ వయస్సున్న కస్టమర్లు.. ఒక వస్తువును కొనే ముందు వివిధ వెబ్​సైట్​లను చూస్తున్నారు. ఆ తర్వాతే కొనుగోలు చేస్తున్నారు.