Ram charan - Upasana: గ్లోబ‌ల్ స్టార్ అయినా భార్య‌ షాపింగ్ బ్యాగులు మోయాల్సిందే - వైర‌ల్ అవుతోన్న చ‌ర‌ణ్, ఉపాస‌న ఫొటోలు

Ram charan - Upasana: ఎన్టీఆర్‌, రామ్‌చ‌ర‌ణ్ హీరోలుగా న‌టించిన ఆర్ఆర్ఆర్ ఆస్కార్స్‌కు నామినేట్ అయిన సంగ‌తి తెలిసిందే. నాటు నాటు పాట‌కు గాను బెస్ట్ ఒరిజిన‌ల్ సాంగ్ విభాగంలో ఈ సినిమా ఫైన‌ల్ జాబితాలో చోటు ద‌క్కించుకున్న‌ది. ఆస్కార్ వేడుక‌లో పాల్గొన‌డంతో పాటు ఆర్ఆర్ఆర్ రీ రిలీజ్ ప్ర‌మోష‌న్స్ కోసం ఫిబ్ర‌వ‌రి నెలాఖ‌రున రామ్‌చ‌ర‌ణ్ అమెరికా వెళ్లారు. చ‌ర‌ణ్‌ వెంట అత‌డి భార్య ఉపాస‌న కూడా అమెరికా వెళ్లింది. హాలీవుడ్‌లో భ‌ర్త చ‌ర‌ణ్‌ క్రేజ్‌ను ప్ర‌త్య‌క్షంగా వీక్షిస్తూ ఆనందంలో మునిగి తేలుతోంది ఉపాస‌న‌.

ఓ వైపు ఆర్ఆర్ఆర్ ప్ర‌మోష‌న్స్‌తో బిజీగా ఉన్న చ‌ర‌ణ్‌ మ‌రోవైపు భార్య‌తో క‌లిసి అమెరికా అందాల‌ను వీక్షిస్తున్నాడు. మంగ‌ళ‌వారం చ‌ర‌ణ్, ఉపాస‌న క‌లిసి లాజ్ ఎంజిలాస్ లో చ‌క్క‌ర్లు కొట్టారు. షాపింగ్‌ చేయడంతో పాటు క‌లిసి లంచ్ చేశారు. బోటింగ్‌కు వెళ్లారు. డాల్ఫిల్స్‌, వేల్స్‌తో కూడిన స‌ముద్ర అందాల‌ను తిల‌కించారు. లాస్ ఎంజిలాస్ టూర్ తాలూకు వీడియోను ఉపాస‌న సోష‌ల్ మీడియాలో పోస్ట్ చేసింది.

ఈ వీడియోలో షాపింగ్ పూర్త‌యిన త‌ర్వాత ఉపాస‌న స‌ర‌దాగా న‌డుస్తోండ‌గా ఆమె వెనుక షాపింగ్ బ్యాగ్స్ మోస్తూ చ‌ర‌ణ్ క‌నిపించాడు. ఉపాస‌న పోస్ట్ చేసిన‌ వీడియో సోష‌ల్ మీడియాలో వైర‌ల్‌గా మారింది. బిజీ షెడ్యూల్స్‌లోనూ చ‌ర‌ణ్ త‌మ కోసం టైమ్ కేటాయించ‌డం ఆనందంగా ఉందంటూ ఉపాస‌న ఈ వీడియోకు క్యాప్ష‌న్ ఇచ్చింది. బెస్ట్ క‌పుల్ అంటూ ఈ వీడియోను ఉద్దేశించి మెగా ఫ్యాన్స్ కామెంట్స్ చేస్తోన్నారు.

మ‌రికొంద‌రు నెటిజ‌న్లు మాత్రం ఫ‌న్నీగా కామెంట్స్ చేస్తోన్నారు. ఇంట‌ర్‌నేష‌న‌ల్ స్టార్ అయినా భార్య షాపింగ్ బ్యాగుల‌ను మోసే బాధ్య‌త నుంచి రామ్ చ‌ర‌ణ్ త‌ప్పించుకోలేక‌పోయాడంటూ సరదాగా కామెంట్స్ చేస్తోన్నారు. ఆర్ఆర్ఆర్ సినిమాలో అల్లూరి సీతారామ‌రాజుగా చ‌ర‌ణ్ న‌ట‌న‌కు ప్ర‌శంస‌లు ద‌క్కాయి. ప్ర‌స్తుతం శంక‌ర్‌తో ఓ సినిమా చేస్తోన్నాడు రామ్‌చ‌ర‌ణ్‌. అలాగే ఉప్పెన ఫేమ్ బుచ్చిబాబు సానాతో ఓ సినిమాను అంగీక‌రించారు.