Godawari Eblu Feo : గోదావరి ఎబ్లూ ఫియో ఎలక్ట్రిక్​ స్కూటర్​ లాంచ్​.. తక్కువ ధరకే క్రేజీ ఫీచర్స్​!

Godawari Eblu Feo : దేశీయ ఆటోమొబైల్​ మార్కెట్​లో మంచి డిమాండ్​ ఉన్న ఎలక్ట్రిక్​ సెగ్మెంట్​లో అదృష్టాన్ని పరీక్షించుకునేందుకు మరో సంస్థ సిద్ధమైంది. గోదావరి ఎలక్ట్రిక్​ మోటార్స్​.. ఓ కొత్త ఎలక్ట్రిక్​ 2 వీలర్​ను లాంచ్​ చేసింది. దీని పేరు గోదావరి ఎలక్ట్రిక్​ ఎబ్లూ ఫియో. ఈ ఈ- స్కూటర్​ ఎక్స్​షోరూం ధర రూ. 99,999. ఈ మోడల్​ విశేషాలను ఇక్కడ తెలుసుకుందాము..

కొత్త ఎలక్ట్రిక్​ స్కూటర్​ ఫిచర్స్​ ఇవే..

కంపెనీకి చెందిన రాయ్​పూర్​ ఫ్యాక్టరీలో ఈ గోదావరి ఎలక్ట్రిక్​ ఎబ్లూ ఫియో తయారవుతుంది. కేవలం ఒకటే వేరియంట్​తో ఇది మార్కెట్​లోకి అడుగుపెట్టింది. డీసెంట్​ పర్ఫార్మెన్స్​, మంచి సేఫ్టీ ఫీచర్స్​తో కుటుంబసభ్యుల ప్రయాణాలకు ఉపయోగపడే విధంగా ఈ మోడల్​ను రూపొందించింది సంస్థ.

"ఎబ్లూ ఫియో మా అంచనాలను అందుకుని, కుటుంబాలు, నెక్స్ట్​ జనరేషన్​ కొనుగోలుదారులను ఆకర్షిస్తుందని మాకు నమ్మకంగా ఉంది," అని సంస్థ సీఈఓ హైదర్​ ఖాన్​ తెలిపారు.

Godawari Eblu Feo electric scooter : ఈ కొత్త ఎలక్ట్రిక్​ స్కూటర్​లో 3 రైడింగ్​ మోడ్స్​ ఉన్నాయి. అవి ఎకానమి, నార్మల్​, పవర్​. ఈ బండి టాప్​ స్పీడ్​ 60కేఎంపీహెచ్​. బ్యాటరీపై స్ట్రెస్​ను తగ్గించేందుకు రీజనరేటివ్​ బ్రేకింగ్​ సిస్టెమ్​ ఇందులో ఉంది. ఈ మోడల్​లో 2.52 కేడబ్ల్యూహెచ్​ బ్యాటరీ ఉంటుంది. దీనిని ఒక్కసారి ఛార్జ్​ చేస్తే 110కి.మీ రేంజ్​ వస్తుందని సంస్థ చెబుతోంది. ఛార్జింగ్​ కోసం 60 వీ ఛార్జర్​ను ఇస్తోంది సంస్థ. ఫుల్​ ఛార్జింగ్​కు 5 గంటల 25 నిమిషాల సమయం పడుతుంది.

ఇదీ చూడండి:- TVS electric scooter : టీవీఎస్​ నుంచి కొత్త ఎలక్ట్రిక్​ స్కూటర్​.. రేపే లాంచ్​!

ఈ గోదావరి ఎలక్ట్రిక్​ ఎబ్లూ ఫియో ఫ్రెంట్​, రేర్​లో సీబీఎస్​ డిస్క్​ బ్రేక్స్​ వస్తున్నాయి. హై రిసొల్యూషన్​ ఏహెచ్​ఓ ఎల్​ఈడీ హెడ్​ల్యాంప్స్​, ఎల్​ఈడీ టెయిల్​ ల్యాంప్స్​ వంటివి సైతం లభిస్తున్నాయి. 12 ఇంచ్​ ఇంటర్​ఛార్జెబుల్​ ట్యూబ్​లెస్​ టైర్స్​, సెన్సార్​ ఇండికేటర్​లు ఈ-స్కూటర్​కు వస్తున్నాయి. టెలిస్కోపిక్​ ఫ్రెంట్​ సస్పెషన్స్​, డ్యూయెల్​ ట్యూబ్​ ట్విన్​ షాకర్​లు స్మూత్​ రైడ్​ను ఇస్తాయి.

Godawari Eblu Feo price : ఐదు రంగుల్లో ఈ మోడల్​ అందుబాటులో ఉంటుంది. అవి సియన్​ బ్లూ, వైన్​ రెడ్​, జెడ్​ బ్లాక్​, టెలి గ్రే, ట్రాఫిక్​ వైట్​. బ్లూటూత్​ కనెక్టివిటీ, వైడ్​ ఫ్లోర్​బోర్డ్​, మొబైల్​ ఛార్జింగ్​ పాయింట్​, 7.4 ఇంచ్​ డిజిటల్​ ఫుల్​ కలర్​ డిస్​ప్లే, మెసేజ్​ అలర్ట్​, కాల్​ అలర్ట్​, రివర్స్​ ఇండికేటర్​తో పాటు మరిన్ని ఎగ్జైటింగ్​ ఫీచర్స్​ కూడా ఈ గోదావరి ఎలక్ట్రిక్​ ఎబ్లూ ఫియోలో వస్తున్నాయి.

ఈ స్కూటర్​ బుకింగ్స్​ ఈ నెల 15నే ప్రారంభమయ్యాయి. డెలివరీలు బుధవారం నుంచి మొదలవుతాయని సంస్థ చెప్పింది.