DA Hike : డీఏ పెంపు నుంచి ఆధార్ అప్‌డేట్ వరకు.. సెప్టెంబరులో జరిగే మార్పులు ఇవే!

ఆగస్ట్‌ నెలలో మరికొన్ని రోజులే మిగిలి ఉంది. కొత్త నెలలో చాలా పెద్ద మార్పులు కనిపించబోతున్నాయి. ఇది సామాన్య ప్రజల జేబులపై నేరుగా ప్రభావం చూపుతుంది. అలాంటి కొన్ని ప్రత్యేక మార్పులు సెప్టెంబర్ నెల నుండి అమలు అవుతాయి. ఈ మార్పులలో LPG గ్యాస్ సిలిండర్ ధరలు, క్రెడిట్ కార్డ్ నిబంధనలకు చేర్చారు. అలాగే గ్రాట్యుటీకి సంబంధించి ప్రభుత్వ ఉద్యోగులకు ప్రత్యేక ప్రకటనలు ఉండవచ్చు. సెప్టెంబరు నెలలో ఎలాంటి మార్పులు చోటుచేసుకుంటాయో అది మీ జేబుపై ఎంత ప్రభావం చూపుతుందో తెలుసుకోవడం అవసరం.

ఎల్‌పీజీ ధర

ప్రభుత్వం ప్రతినెలా మొదటి తేదీన ఎల్‌పీజీ ధరను మార్చడం సర్వసాధారణం. వంటగ్యాస్‌కు సిలిండర్ల ధరల్లో మార్పులు కనిపిస్తున్నాయి. గత నెలలో కమర్షియల్‌ ఎల్‌పీజీ గ్యాస్‌ సిలిండర్‌ ధర రూ.8.50 వరకు ఉండగా, జూలైలో రూ.30 తగ్గింది. ఎల్పీజీ సిలిండర్ల ధరలతో పాటు, చమురు మార్కెటింగ్ కంపెనీలు ఎయిర్ టర్బైన్ ఇంధనం (ATF), CNG-PNG ధరలను కూడా సవరిస్తాయి. దీని కారణంగా మొదటి తేదీలో వాటి ధరలలో మార్పులు చూడవచ్చు.

ఫేక్ కాల్స్, మెసేజ్

సెప్టెంబర్ 1 నుంచి ఫేక్ కాల్స్, మెసేజ్‌లను అరికట్టేందుకు చర్యలు తీసుకునే అవకాశం ఉంది. ఫేక్ కాల్స్, ఫేక్ మెసేజ్ లపై కఠినంగా వ్యవహరించాలని టెలికాం కంపెనీలకు ట్రాయ్ ఆదేశాలు జారీ చేసింది. ఇందుకోసం ట్రాయ్ కఠినమైన మార్గదర్శకాలను జారీ చేసింది. Jio, Airtel, Vodafone, Idea, BSNL వంటి టెలికాం కంపెనీలను 140 మొబైల్ నంబర్‌ల శ్రేణి నుండి ప్రారంభమయ్యే టెలిమార్కెటింగ్ కాల్‌లు, వాణిజ్య సందేశాలను బ్లాక్‌చెయిన్ ఆధారిత DLTకి బదిలీ చేయాలని TRAI కోరింది. సెప్టెంబర్ 1 నుంచి ఫేక్ కాల్స్‌కు స్వస్తి పలకాలని భావిస్తున్నారు.

రివార్డ్ పాయింట్లు

సెప్టెంబర్ 1 నుండి, హెచ్‌డీఎఫ్‌సీ బ్యాంక్ యుటిలిటీ లావాదేవీల కోసం రివార్డ్ పాయింట్ల పరిమితిని సెట్ చేస్తుంది. దీని కింద కస్టమర్‌లు ఈ లావాదేవీలపై నెలకు 2,000 పాయింట్ల వరకు మాత్రమే పొందగలరు. HDFC బ్యాంక్ థర్డ్ పార్టీ యాప్‌ల ద్వారా విద్యాపరమైన చెల్లింపులు చేసినందుకు ఎలాంటి రివార్డ్‌ను అందించదు. సెప్టెంబర్ 2024 నుండి IDFC ఫస్ట్ బ్యాంక్ క్రెడిట్ కార్డ్‌లపై చెల్లించాల్సిన కనీస మొత్తాన్ని తగ్గిస్తుంది. చెల్లింపు తేదీ 18 నుండి 15 రోజులకు తగ్గించబడుతుంది.

డీఏ చెల్లింపు

సెప్టెంబర్‌లో కేంద్ర ప్రభుత్వ ఉద్యోగులకు సంబంధించిన కీలక ప్రకటన వెలువడే అవకాశం ఉంది. ప్రభుత్వం ఉద్యోగులకు వేతనాన్ని 3 శాతం పెంచాలని భావిస్తోంది. ప్రస్తుతం, ప్రభుత్వ ఉద్యోగులకు 50 శాతం డియర్‌నెస్ అలవెన్స్ (డీఏ) చెల్లిస్తున్నారు, ఇది 3 శాతం పెంపు తర్వాత 53 శాతానికి పెరుగుతుంది.

ఆధార్ కార్డు

ఆధార్ కార్డును ఉచితంగా అప్‌డేట్ చేయడానికి చివరి తేదీ సెప్టెంబర్ 14. దీని తర్వాత మీరు కొన్ని ఆధార్ సంబంధిత విషయాలను ఉచితంగా అప్‌డేట్ చేయలేరు. సెప్టెంబరు 14 తర్వాత మీరు ఆధార్‌ను అప్‌డేట్ చేయడానికి రుసుము చెల్లించాలి. అయితే ముందుగా ఆధార్‌ను ఉచితంగా అప్‌డేట్ చేయడానికి చివరి తేదీ 14 జూన్ 2024గా నిర్ణయించారు. ఆ తర్వాత 14 సెప్టెంబర్ 2024 వరకు పొడిగించారు. ఏవైనా మార్పులు ఉంటే వెంటనే చేయించుకోండి.