Citroen C3 price hike : సిట్రోయెన్​ వాహనాల ధరలు పెరిగాయి- ఎంతంటే..

Citroen C3 price hike : నూతన ఏడాదిలో వివిధ ఆటో సంస్థలు తమ వాహనాల ధరలను పెంచుతున్న విషయం తెలిసిందే. తాజాగా.. ఈ బాదుడు 'సిట్రోయెన్​' సంస్థ నుంచి మొదలైంది. తమ సంస్థకు చెందిన మోడల్స్​ ధరలను పెంచుతున్నట్టు ప్రకటించింది ఈ ఫ్రెంచ్​ కార్​మేకర్​. గరిష్ఠంగా రూ. 50వేల వరకు ప్రైజ్​ హైక్​ తీసుకుంది.

సిట్రోయెన్​కు చెందిన రెండు మోడల్స్​ ప్రస్తుతం ఇండియా మార్కెట్​లో అందుబాటులో ఉన్నాయి. అవి సిట్రోయెన్​ సీ3, సిట్రోయెన్​ సీ5 ఎయిర్​క్రాస్​. వీటి వేరియంట్స్​, పెరిగిన ధరలను తెలుసుకుందాము.

సిట్రోయెన్​ సీ3 ధర పెంపు..

Citroen C3 price in Hyderabad : సిట్రోయెన్​ సీ3 పెట్రోల్​ ఎంటీ లైవ్​ పాత ధర రూ. 5.88లక్షలుగా ఉండగా, కొత్త ధర రూ. 5.98లక్షలైంది. అంటే ఈ వేరియంట్​పై రూ. 10వేలు పెరిగినట్టు. ఇక సిట్రోయెన్​ సీ3 పెట్రోల్​ ఎంటీ ఫీల్​.. పాత ధర రూ. 6.80లక్షలు. రూ. 10వేల పెంపుతో తాజా ధర రూ. 6.90లక్షలుగా మారింది. సిట్రోయెన్​ సీ3 1.2లీటర్​ పెట్రోల్​ ఎంటీ ఫీల్​ డ్యూయెల్​ టోన్​ పాత ధర రూ. 6.95లక్షలు. ఇక రూ. 10వేల పెంపుతో తాజాగా దీని ధర రూ. 7.05లక్షలైంది.

మరోవైపు సిట్రోయెన్​ సీ3 1.2లీటర్​ పెట్రోల్​ ఎంటీ ఫీల్​ వైబ్​ ప్యాక్​ ధర రూ. 6.95లక్షల నుంచి రూ. 7.05లక్షలకు పెరిగింది. అదే సమయంలో సిట్రోయెన్​ సీ3 1.2లీటర్​ పెట్రోల్​ ఎంటీ ఫీల్​ వైబ్​ ప్యాక్​ డ్యూయెల్​ టోన్​ ధర రూ. 10వేలు పెరిగి రూ. 7.20లక్షలకు చేరింది. 1.2లీటర్​ టర్బో పెట్రోల్​ ఎంటీ ఫీల్​ డ్యూయెల్​ టోన్​ ధర మాత్రం మారలేదు. ప్రస్తుతం రూ. 8.10లక్షలుగానే ఉంది. చివరిగా.. 1.2లీటర్​ టర్బో పెట్రోల్​ ఎంటీ ఫీల్​ వైబ్​ ప్యాక్​ డ్యూయెల్​ టోన్​ పాత ధర రూ. 8.15లక్షల నుంచి రూ. 10వేలు పెరిగి రూ. 8.25లక్షలకు చేరింది.

సిట్రోయెన్​ సీ3.. గతేడాది రెండో భాగంలో ఇండియా మార్కెట్​లో లాంచ్​ అయ్యింది. ధరలు పెంచడం ఇది రెండోసారి.

సిట్రోయెన్​ సీ5 ఎయిర్​క్రాస్​..

Citroen C5 Aircross price hike : సిట్రోయెన్​ సీ5 ఎయిర్​క్రాస్​కు చెందిన రెండు వేరియంట్స్​ ధరలు కూడా రూ. 50వేలు పెరిగాయి. 2లీటర్​ డీజిల్​ ఏటీ షైన్​ పాత ధర రూ. 36.67లక్షల నుంచి రూ. 37.17లక్షలకు పెరిగింది. అదే సమయంలో 2లీటర్​ డీజిల్​ ఏటీ షైన్​ డ్యూయెల్​ టోన్​ రూ. 36.67లక్షల నుంచి రూ. 37.17లక్షలకు చేరింది.

సీ5 ఎయిర్​క్రాస్​ ఫేస్​లిఫ్ట్​ వర్షెన్​ 2022లో లాంచ్​ అయ్యింది. గత మోడల్​తో పోల్చుకుంటే దీనిని రూ. 3లక్షలు ఎక్కువ ప్రైజ్​ పాయింట్​తో లాంచ్​ చేసింది ఫ్రెంచ్​ కార్​మేకర్​ సంస్థ. కాగా ఇప్పుడు దీని ధర రూ. 37.17లక్షలుగా ఉంది.

Citroen C5 Aircross price : 2022లో దాదాపు ఆటో సంస్థలన్నీ వాహనాల ధరలను భారీగా పెంచాయి. 2023లోనూ బాదుడుకు సిద్ధమవుతున్నాయి. ముడిసరకు ధరలు పెరుగుతుండటమే ఇందుకు కారణం అని చెబుతున్నాయి.

* పైన చెప్పిన ధరలు అన్నీ ఎక్స్​షోరూం ప్రైజ్​లు.