Citroen C3 Aircross price : హైదరాబాద్​లో సిట్రోయెన్​ సీ3 ఎయిర్​క్రాస్​ ఆన్​రోడ్​ ప్రైజ్​ ఇదే!

Citroen C3 Aircross on road price in Hyderabad : సిట్రోయెన్​ సంస్థ నుంచి ఇటీవలే లాంచ్​ అయిన సీ3 ఎయిర్​క్రాస్​ ఎస్​యూవీ.. కస్టమర్లను ఆకర్షిస్తోంది. 5 సీటర్​, 7 సీటర్​ కాన్ఫిగరేషన్​లో వస్తున్న ఈ మోడల్​కు వినియోగదారుల నుంచి మంచి డిమాండ్​ కనిపిస్తోంది. ఈ నేపథ్యంలో హైదరాబాద్​లో ఈ మోడల్​ ఆన్​రోడ్​ ప్రైజ్​ వివరాలను ఇక్కడ తెలుసుకుందాము..

ఇండియాలో ఈ ఎస్​యూవీ ఎక్స్​షోరూం ధర రూ. 9.99లక్షలు నుంచి రూ. 12.10లక్షల మధ్యలో ఉంది. ఇక హైదరాబాద్​లో సిట్రోయెన్​ సీ3 ఎయిర్​క్రాస్​ ఆన్​రోడ్​ ప్రైజ్​ వివరాలు ఇలా ఉన్నాయి..

• సీ3 ఎయిర్​క్రాస్​ యూ (5 సీటర్​):- 11.26లక్షలు
• సీ3 ఎయిర్​క్రాస్​ ప్లస్​ (5 సీటర్​):- రూ. 11.30లక్షలు
• సీ3 ఎయిర్​క్రాస్​ ప్లస్​ (7 సీటర్​):- రూ. 11.65లక్షలు
• సీ3 ఎయిర్​క్రాస్​ మ్యాక్స్​ (5 సీటర్​):- రూ. 11.95లక్షలు
• సీ3 ఎయిర్​క్రాస్​ మ్యాక్స్​ (7 సీటర్​):- రూ. 12.30లక్షలు

ఇదీ చూడండి:- C3 Aircross vs Rumion : సిట్రోయెన్​ సీ3 ఎయిర్​క్రాస్​ వర్సెస్​ టయోటా రుమియన్​- ఏది బెస్ట్​?

డెలివరీలు ఎప్పుడంటే..

అక్టోబర్​ 15 నుంచి ఈ ఎస్​యూవీ డెలివరీలు మొదలుపెట్టాలని సంస్థ ప్లాన్​ చేస్తోంది. రూ. 25వేల టోకెన్​ అమౌంట్​తో సంస్థకు చెందిన వెబ్​సైట్​ లేదా డీలర్​షిప్​ షోరూమ్​లో బుక్​ చేసుకోవచ్చు. ఇండియాలో.. కాంపాక్ట్​ ఎస్​యూవీ సెగ్మెంట్​లో 3- రో సీటింగ్​​ ఆప్షన్​ కలిగి ఉన్న తొలి వెహికిల్​ ఈ సిట్రోయెన్​ సీ3 ఎయిర్​క్రాస్​ కావడం విశేషం.

Citroen C3 Aircross price : కియా సెల్టోస్​, హ్యుందాయ్​ క్రేటా, వోక్స్​వ్యాగన్​ టైగున్​, స్కోడా కుషాక్​, మారుతీ సుజుకీ గ్రాండ్​ విటారా, టయోటా అర్బన్​ క్రూజ్​ హైరైడర్​, హోండా ఎలివేట్​ వంటి మోడల్స్​కు ఈ సిట్రోయెన్​ సీ3 ఎయిర్​క్రాస్​.. గట్టి పోటీనిస్తుందని మార్కెట్​లో అంచనాలు ఉన్నాయి.

ఇక ఫీచర్స్​ విషయానికొస్తే.. ఈ సిట్రోయెన్​ సీ3 ఎయిర్​క్రాస్​లో 10 ఇంచ్​ టచ్​స్క్రీన్​ ఇన్​ఫోటైన్​మెంట్​ సిస్టెమ్​, డిజిటల్​ ఇన్​స్ట్రుమెంట్​ కన్సోల్​, ఎలక్ట్రికల్లీ అడ్జెస్టెబుల్​ ఓఆర్​వీఎంలు, టీపీఎంఎస్​, రేర్​ వైపర్​ విత్​ వాషర్​, రివర్స్​ పార్కింగ్​ సెన్సార్స్​, 2-3 రోలకు రూఫ్​ మౌంటెడ్​ ఎయిర్​ కాన్​ వెంట్స్​, రేర్​ డీఫాగర్​ వంటివి వస్తున్నాయి. 6 ఎయిర్​బాగ్స్​ దీని సొంతం.

ఇందులో 1.2 లీటర్​ టర్బో పెట్రోల్​ ఇంజిన్​ ఉంటుంది. ఇది 1008 హెచ్​పీ పవర్​ను, 190ఎన్​ఎం టార్క్​ను జనరేట్​ చేస్తుంది. మోనోటోన్​, డ్యూయెల్​ టోన్​ సహా మొత్తం 10 రంగుల్లో ఈ ఎస్​యూవీ అందుబాటులో ఉండనుంది.