Car paint protection tips : మీ కారు పెయింట్​ను పదిలంగా చూసుకోండి ఇలా..!

Car paint protection : కొత్తగా కారు కొనే వారు.. 4 వీలర్​ మోడల్స్​ని చూడటంతో పాటు వాటి రక్షణకు సంబంధించిన వివరాలు కూడా తెలుసుకోవాలి. ముఖ్యంగా.. కారుకు పెయింట్​ పోతే.. రిప్లేస్​ చేసేందుకు చాలా ఖర్చు అవుతుంది. అందుకే.. కొన్ని టిప్స్​ పాటిస్తే.. కారు పెయింట్​ను జాగ్రత్తగా కాపాడుకోవచ్చు. ఆ టిప్స్​ మీకోసం..

ముందు.. కారు కవర్​ కొనండి!

కారు పెయింట్​ను పదిలంగా చూసుకోవాలంటే.. ముందు చేయాల్సిన పని ఓ కవర్​ కొనడం! ఇతర ఆప్షన్స్​తో పోల్చితే దీని ధర కూడా తక్కువే. ఎండ, వాన, చలి నుంచి ఇది వాహనాన్ని కాపాడుతుంది. అయితే కవర్​ కొనే ముందు సైజును ఒకటికి రెండుసార్లు చూసుకోండి. సరిగ్గా ఫిట్​ అయ్యే కవర్​నే తీసుకోవాలి.

పెయింట్​ ప్రొటెక్షన్​ ఫిల్మ్​ వాడాలి..

Car paint protection film : కారు పెయింట్​ను స్క్రాచ్​లు, సన్​లైట్​, ఇతర హానికరమైన పదార్థాల నుంచి కాపాడేందుకు పీపీఎఫ్​ (పెయింట్​ ప్రొటెక్షన్​ ఫిల్మ్​) యూజ్​ అవుతుంది. ఇది చాలా ఖర్చుతో కూడుకున్న వ్యవహారం. కానీ ఎఫెక్టివ్​ అని చెప్పుకోవాలి. సిరామిక్​, వాక్స్​ కన్నా ఇది చాలా ఎక్కువ కాలం నిలుస్తుంది. పైగా.. ప్రొఫెషనల్స్​ మాత్రమే దీనిని కారుకు వేయగలరు!

వాక్సింగ్​ చేయాలి..

Tips for car paint work : కారును వాష్​ చేసిన తర్వాత.. దానిని వాక్సింగ్​ చేయిస్తే బెటర్​. ఫలితంగా పెయింట్​ మీద దమ్ము, కాలుష్యం, నీరుతో పాటు హానికరమైన పదార్థాలు పడకుండా ప్రొటెక్షన్​ లభిస్తుంది. వాక్సింగ్​ ​బాగా చేస్తే చిన్నపాటి స్క్రాచ్​లు కూడా కవర్​ అయిపోతాయి. సరైన టెక్నిక్​లు వాడి కొన్ని నెలలకు ఓసారి వాక్సింగ్​ చేయిస్తే మంచిది.

సిరామిక్​ కోటింగ్​ బెటర్​..!

car paint protection tips : వాక్స్​కు ప్రత్యామ్నాయంగా సిరామిక్​ కోటింగ్​ను వాడొచ్చు. కారు పెయింట్​కు దీనితో రక్షణ లభిస్తుంది. వాహనంపై వాక్స్​ కన్నా ఇది ఎక్కువ కాలం ఉండటం గమనార్హం. సరిగ్గా వాడితే ఇది ఏడాది కాలం వరకు ఉంటుంది. నాణ్యమైన సిరామిక్​ కోటింగ్​తో మీ కారు కొత్తగా కనిపిస్తుంది.

సింథెటిక్​ పెయింట్​ సీలెంట్​ గురించి విన్నారా?

ఈ సింథెటిక్​ సీలెంట్స్​లో వివిధ కెమికల్స్​ ఉంటాయి. వీటితో కారుకు గ్లాసీ షైన్​ వస్తుంది. యూవీ కిరణాలు, స్క్రాచ్​ల నుంచి రక్షణ లభిస్తుంది.  మీ అంతట మీరే అప్లై చేయడం కన్నా.. మెకానిక్​ దగ్గరకు వెళ్లడం మంచిది. మెకానిక్స్​ దగ్గర టెఫ్లాన్​ కోటింగ్​ ఉంటుంది. ఏడాది పాటు ఇది పనిచేస్తుంది. ఆ తర్వాత మళ్లీ మార్చుకోవాల్సి ఉంటుంది.