Redmi 13C : బడ్జెట్​ ఫ్రెండ్లీ రెడ్​మీ 13సీ.. తక్కువ ధరకే సూపర్​ ఫీచర్స్​!

Redmi 13C price in India : షావోమీ సబ్​-బ్రాండ్​ అయిన రెడ్​మీ సంస్థ.. ఇండియాలో సరికొత్త బడ్జెట్​ ఫ్రెండ్లీ స్మార్ట్​ఫోన్​ సిరీస్​ని తీసుకొచ్చింది. దీని పేరు రెడ్​మీ సీ సిరీస్​. ఈ సీ సిరీస్​లో రెండు గ్యాడ్జెట్స్​ ఉన్నాయి. అవి.. రెడ్​మీ 13సీ, రెడ్​ 13సీ 5జీ. ఈ నేపథ్యంల వీటి ఫీచర్స్​, ధర వంటి వివరాలను ఇక్కడ తెలుసుకుందాము..

రెడ్​మీ 13సీ పూర్తి ఫీచర్స్​..

రెడ్​మీ 13సీ, 13సీ 5జీలో 90 హెచ్​జెడ్​ రిఫ్రెష్​ రేట్​తో కూడిన 6.74 ఇంచ్​ హెచ్​డీ+ స్క్రీన్​ ఉంటుంది. 450 నిట్స్​ పీక్​ బ్రైట్​నెస్.. 13సీ స్మార్ట్​ఫోన్​లో ఉండగా.. 5జీ మోడల్​కి 600 నిట్స్​ పీక్​ బ్రైట్​నెస్​ వస్తోంది.

రెడ్​మీ 13సీలో మీడియాటెక్​ హీలియో జీ85 చిప్​సెట్​ ఉంటుంది. మరోవైపు రెడ్​మీ 13సీ 5జీలో మీడియాటెక్​ డైమెన్సిటీ 6100+ ఎస్​ఓసీ ప్రాసెసర్​ ఉంటుంది.

ఇక ఈ రెండు స్మార్ట్​ఫోన్స్​లో కూడా.. 5000ఎంఏహెచ్​ బ్యాటరీ, 18వాట్​ ఛార్జింగ్​ సపోర్ట్​ వంటివి లభిస్తున్నాయి.

Redmi 13C 5G price : ఇక కెమెరా విషయానికొస్తే.. రెడ్​మీ 13సీలో 50ఎంపీ ప్రైమరీ, 2ఎంపీ మాక్రో, ఆక్సిలరీ లెన్స్​తో కూడిన ట్రిపుర్​ రేర్​ కెమెరా సెటప్​ రేర్​లో ఉంటుంది. సెల్ఫీ వీడియో కాల్స్​ కోసం 8ఎంపీ ఫ్రెంట్​ కెమెరా లభిస్తోంది. ఇక 13సీ 5జీలో.. 50ఎంపీ ప్రైమరీ, ఆక్సిలరీ లెన్స్​ వంటివి రేర్​లో, 5ఎంపీ కెమెరా ఫ్రెంట్​లో ఉంటాయి.

ఈ రెండు స్మార్ట్​ఫోన్స్​ కూడా.. ఆండ్రాయిడ్​ 13 ఆధారిత ఎంఐయూఐ 14పై పనిచేస్తాయి. డ్యూయెల్​ సిమ్​ సపోర్ట్​, వైఫై, బ్లూటూత్​ 5.1, జీపీఎస్​, 3.5ఎంఎం హెడ్​ఫోన్​ జాక్​, టైప్​-సీ పోర్ట్​ వంటి కనెక్టివిటీ ఫీచర్స్​ సైతం వస్తున్నాయి.

ఈ కొత్త స్మార్ట్​ఫోన్స్​ ధరలు ఎంతంటే..​

రెడ్​మీ 13సీలో స్టార్​షైన్​ గ్రీన్​, స్టార్​డస్ట్​ బ్లాక్​ వంటి కలర్​ ఆప్షన్స్​ ఉన్నాయి. 4జీబీ ర్యామ్​-128జీబీ స్టోరేజ్​ వేరియంట్​ ధర రూ. 8,999గా ఉంది. 6జీబీ ర్యామ్​- 128జీబీ స్టోరేజ్​ వేరియంట్​ ధర రూ. 9,999గా ఉంది.

Redmi 13C features : ఇక రెడ్​మీ 13సీ 5జీలో స్టార్​లైట్​ బ్లాక్​, స్టార్​ట్రైల్​ సిల్వర్​, స్టార్​ట్రైల్​ గ్రీన్​ కలర్స్​ లభిస్తున్నాయి. 4జీబీ ర్యామ్​- 128జీబీ స్టోరేజ్​ ధర రూ. 10,999గా ఉంది. 6జీబీ ర్యామ్​- 128 జీబీ స్టోరేజ్​ ధర రూ. 12,499గా ఉంది. 8జీబీ ర్యామ్​- 256జీబీ స్టోరేజ్​ వేరియంట్​ ధర రూ. 14,499గా ఉంది.

రెడ్​మీ 13సీ సేల్​ ఈ నెల 12న ప్రారంభమవుతుంది. ఇక రెడ్​మీ 13సీ 5జీ సేల్​ ఈ నెల 16న మొదలవుతుంది. ఎంఐ.కామ్​, షావోమీ రీటైల్​, అమెజాన్​లో ఈ మొబైల్స్​ని కొనుగోలు చేసుకోవచ్చు. ఐసీఐసీఐ బ్యాంక్​ కార్డులపై రూ. 1000 డిస్కౌంట్​ సైతం లభిస్తోంది.