Redmi Watch 4 : సూపర్ లుక్తో రెడ్మీ వాచ్ 4.. త్వరలోనే లాంచ్!
26 November 2023, 18:18 IST
- Redmi Watch 4 : రెడ్మీ వాచ్ 4 లాంచ్కు సిద్ధమవుతోంది. ఈ స్మార్ట్వాచ్కి సంబంధించిన టీజర్ని సంస్థ రివీల్ చేసింది.
సూపర్ లుక్తో రెడ్మీ వాచ్ 4.. త్వరలోనే లాంచ్!
Redmi Watch 4 : ఈ నెల 29న చైనాలో ఓ మెగా ఈవెంట్ని ప్లాన్ చేసింది షావోమీ సంస్థ. ఇందులో.. రెడ్మీ కే70 సిరీస్ని లాంచ్ చేస్తోంది. ఈ సిరీస్తో పాటు బుక్ ల్యాప్టాప్స్, రిఫ్రిజరేటర్, ఇయర్బడ్స్, స్మార్ట్వాచ్ని కూడా లాంచ్ చేయనుంది. కాగా.. ఈ స్మార్ట్వాచ్.. రెడ్మీ వాచ్ 4 అని రూమర్స్ వినిపించాయి. వీటి మధ్య.. ఈ వాచ్కి సంబంధించిన టీజర్ని సంస్థ రివీల్ చేసింది. ఆ వివరాలు..
రెడ్మీ నుంచి కొత్త స్మార్ట్వాచ్..
రెడ్మీ వాచ్ 4లో అల్యుమీనియం అలాయ్ ఫ్రేమ్ వస్తోంది. రెడ్మీ నుంచి ఓ వాచ్కి మెటల్ బాడీ ఉండటం ఇదే తొలిసారి! అలాయ్ ఫ్రేమ్కి స్టెయిన్లెస్ స్టీల్ రొటేటింగ్ క్రౌన్ కూడా ఉంది. దీనికి డైమండ్ కట్ డిజైన్ వస్తోంది.
ఇక ఈ స్మార్ట్వాచ్లో 60 హెచ్జెడ్ రిఫ్రెష్ రేట్తో కూడిన 1.97 ఇంచ్ అమోలెడ్ డిస్ప్లే ఉంటుంది. 600 నిట్స్ బ్రైట్నెస్ దీని సొంతం. స్క్రీన్కు ఎల్టీపీఎస్ టెక్నాలజీ వస్తోంది. ఫలితంగా.. పవర్ వినియోగం తక్కువగా ఉంటుంది. బ్యాటరీ లైఫ్ ఎక్కువగా ఉంటుంది.
ఇక కస్టమర్లు, వారి ఇష్టాలకు తగ్గట్టు ఈ రెడ్మీ వాచ్ 4ని కస్టమైజ్ చేసుకోవచ్చని టీజర్ ద్వారా స్పష్టమవుతోంది. అంతేకాకుండా.. ఈ వాచ్, 4 రకాల వ్రిస్ట్ బ్యాండ్లతో వస్తోంది. అవి.. మెటల్, లెథర్, ఫాబ్రిక్, టీపీయూ.
ఈ స్మార్ట్వాచ్లో 5ఏటీఎం వాటర్ రెసిస్టెన్స్, బిల్ట్-ఇన్ జీపీఎస్ సపోర్ట్ వంటివి ఉంటాయి. వీటితో పాటు 24/7 హార్ట్ రేట్ మానిటరింగ్ సిస్టెమ్ సహా అనేక హెల్త్ ట్రాకింగ్ ఫీచర్స్ ఈ వాచ్లో ఉంటాయి. కాగా.. వీటిపై ప్రస్తుతం ఎలాంటి సమాచారం అందుబాటులో లేదు. లాంచ్ టైట్లో వీటిపై ఓ క్లారిటీ వస్తుంది. అంతర్జాతీయ లాంచ్ తర్వాత.. ఈ మోడల్, ఇండియాలోకి కూడా అడుగుపెట్టే అవకాశం ఉంది. ధరకు సంబంధించిన వివరాలు తెలియాల్సి ఉంది.
ఫైర్ బోల్ట్ కొత్త వాచ్ చూశారా..?
ఫైర్ బోల్ట్ సంస్థ నుంచి సరికొత్త స్మార్ట్వాచ్ ఇటీవలే లాంచ్ అయ్యింది. దీని పేరు ఫైర్ బోల్ట్ రాయల్. ఈ మోడల్ డిజైన్ చాలా స్టైలిష్గా ఉంది. అనేక హెల్త్ ట్రాకింగ్ ఫీచర్స్ కూడా లభిస్తున్నాయి. ఇందులో మ్యూజిక్ని స్టోర్ చేసుకునేందుకు 4జీబీ స్టోరేజ్ వస్తుండటం విశేషం. దీనికి మెటల్ బాడీ ఉంటుంది. సర్క్యులర్ డయల్, రొటేటింగ్ క్రౌన్, 2 బటన్స్ డిజైన్ దీని సొంతం. ఇందులో 1.43 ఇంచ్ అమోలెడ్ డిస్ప్లే ఉంటుంది. పూర్తి వివరాల కోసం ఇక్కడ క్లిక్ చేయండి.