Redmi K70 : సూపర్​ ఫీచర్స్​తో రెడ్​మీ కే70 సిరీస్​.. ఈ నెలలోనే లాంచ్​!

Redmi K70 : రెడ్​మీ కే70 సిరీస్​పై గత కొంతకాలంగా స్ట్రాంగ్​ బజ్​ నెలకొంది. ఈ స్మార్ట్​ఫోన్​ సిరీస్​లో మూడు మోడల్స్​ ఉంటాయని తెలుస్తోంది. అవి కే70, కే70 ప్రో, కే70 ఈ. వీటికి సంబంధించిన లీక్స్​.. ఆన్​లైన్​లో చెక్కర్లు కొడుతున్నాయి. ఇక ఇప్పుడు.. చైనాలోని ప్రముఖ సోషల్​ మీడియా సైట్​ వీబోలో మరిన్ని వివరాలు లీక్​ అయ్యాయి. వాటిని చూద్దాము..

రెడ్​మీ కే70..

లీక్​ అయిన డేటా ప్రకారం.. ఈ రెడ్​మీ కే70, కే70 ప్రో, కే70ఈలో ఒకటే తరహా డిజైన్​ ఉంటుంది. కే70లో.. ఫ్లాష్​ లైట్​తో కూడిన ట్రిపుల్​ రేర్​ కెమెరా సెటప్​ ఉంటుంది. ఈ స్మార్ట్​ఫోన్​కు మెటాలిక్​ ఫ్రేమ్​ లభిస్తోంది. 50ఎంపీ ప్రైమరీ ఎంపీ కెమెరా ఉండొచ్చు. ఐఆర్​ బ్లాస్టర్​, స్పీకర్​ గ్రిల్​ లాంటివి ఉంటాయి. కింది భాగంలో స్పీకర్​ గ్రిల్​, యూఎస్​బీ పోర్ట్​, మైక్రోఫోన్​, సిమ్​ స్లాట్​లు వస్తాయి.

Redmi K70 pro price : రూమర్స్​ ప్రకారం.. రెడ్​మీ కే70, కే70 ప్రోలో స్నాప్​డ్రాగన్​ 8 జెన్​ 2, స్నాప్​డ్రాగన్​ 8 జెన్​ 3 చిప్​సెట్స్​ ఉంటాయి. మరోవైపు కే70ఈలో డైమెన్సిటీ 8300 ప్రాసెసర్​ ఉంటుంది. రమొదటి రెండు డివైజ్​లలో ఫ్లాట్​ డిజైన్​తో కూడిన ఓఎల్​ఈడీ ప్యానెల్​ వస్తాయి. కే70లో 1.5కే రిసొల్యూషన్​, కే70 ప్రోలో 2కే రిసొల్యూషన్​ సపోర్ట్​ లభిస్తుందట!

ఈ రెడ్​మీ కే70 సిరీస్​లో ఆండ్రాయిడ్​ 14 ఆధారిత హైపర్​ఓఎస్​ సాఫ్ట్​వేర్​ ఉండే అవకాశం ఉంది. బేస్​ మోడల్​లో 5000 ఎంఏహెచ్​, ప్రో మోడల్​లో 5,120 ఎంఏహెచ్​, కే70ఈ గ్యాడ్జెట్​లో 5,500 ఎంఏహెచ్​ బ్యాటరీ ఉంటుందని టాక్​ నడుస్తోంది.

Redmi K70 launch date in India : కాగా.. ఈ రెడ్​మీ కే70 సిరీస్​ని ఈ నెల చివరి నాటికి లాంచ్​ చేయాలని సంస్థ ప్లాన్​ చేస్తోంది. ఇండియాలో లాంచ్​తో పాటు ఇతర ఫీచర్స్​కు సంబంధించిన వివరాలపై క్లారిటీ రావాల్సి ఉంది.