BYD India : బీవైడీకి కేంద్రం షాక్​.. 1 బిలియన్​ డాలర్ల డ్రీమ్​కు బ్రేక్​!

BYD India : ఇండియా ఆటోమొబైల్​ మార్కెట్​లోకి అడుగుపెట్టాలని కలలు కన్న ప్రముఖ చైనా సంస్థ బీవైడీకి కేంద్ర ప్రభుత్వం గట్టి షాక్​ ఇచ్చింది. మేఘా ఇంజినీరింగ్​ అండ్​ ఇన్​ఫ్రాస్ట్రక్చర్​ అనే సంస్థతో కలిసి తెలంగాణలో 1 బిలియన్​ డాలర్​ విలువ చేసే ఎలక్ట్రిక్​ వాహనాల తయారీ కేంద్రాన్ని ఏర్పాటు చేయాలన్న ఆ కంపెనీ ప్లాన్​ను ప్రభుత్వం తాజాగా తిరస్కరించింది.

కారణం ఇదే..

ఇండియాలో గత కొన్నేళ్లుగా ఎలక్ట్రిక్​ వాహనాల సెగ్మెంట్​కు బీభత్సమైన డిమాండ్​ కనిపిస్తోంది. ఈ క్రమంలోనే దేశీయ సంస్థలకు పోటీగా.. అంతర్జాతీయ సంస్థలు కూడా ఇక్కడి మార్కెట్​లోకి అడుగుపెడుతున్నాయి. ఈ నేపథ్యంలో రెండు ఈవీలతో ఇండియాలోకి ఎంట్రీ ఇచ్చింది బీవైడీ. అవి అట్టో 3, ఈ6. ఇక మూడో వెహికిల్​ సీల్​ ఈవీ కూడా త్వరలోనే ఇండియాలో లాంచ్​ అవుతుందని సమాచారం. వీటి మధ్య.. దేశంలో ఓ ఎలక్ట్రిక్​ వాహనాల ఫ్యాక్టరీని స్థాపించాలని చైనాకు చెందిన ఆ సంస్థ భావించింది. తెలంగాణలో ఫ్యాక్టరీని పెట్టి.. ఇండియాలో ఏడాదికి 10వేల నుంచి 15 వేల ఎలక్ట్రిక్​ కార్లను తయారు చేయాలని ప్రయత్నించింది. ఈ మేరకు 1 బిలియన్​ డాలర్​ విలువ చేసే పెట్టుబడి ప్రతిపాదనను కేంద్రం ముందు ఉంచింది.

అయితే.. హోంశాఖ, విదేశీశాఖల నుంచి అభ్యంతరాలు వ్యక్తం అయ్యాయని, చైనా సంస్థ ఇండియాలో కార్యకలాపాలు సాగించడం ప్రస్తుత దశలో మంచిది కాదన్న అభిప్రాయాలు వ్యక్తం అయ్యాయని డిపార్ట్​మెంట్​ ఆఫ్​ కామర్స్​, డిపార్ట్​మెంట్​ ఫర్​ ప్రొమోషన్​ ఆఫ్​ ఇండిస్ట్రీ అండ్​ ఇంటర్నల్​ ట్రేడ్​ సభ్యులు తెలిపారు. అందుకే బీవైడీ ప్రతిపాదనను తిరస్కరిస్తున్నట్టు స్పష్టం చేశారు. చైనా కంపెనీల పెట్టుబడులకు ప్రస్తుతం ఇండియాలోని రూల్స్​ ఒప్పుకోవని తేల్చిచెప్పారు.

BYD India investment proposal : వాస్తవానికి చైనా సంస్థల 'ఇండియా' ప్లాన్​ను కేంద్రం తిరస్కరించడం ఇది మొదటిసారి కాదు. చైనా దిగ్గజ ఆటోమొబైల్​ సంస్థ గ్రేట్​ వాల్​ మోటార్​ కూడా ఇక్కడ ఇన్​వెస్ట్​ చేయాలని భావించింది. మహారాష్ట్రలో వాహనాల తయారీ ఫ్యాక్టరీని పెట్టాలని చూసింది. రెండున్న రేళ్ల పాటు వేచి చూసినా కూడా.. కేంద్రం నుంచి సంస్థ ప్రదిపాదనకు సమాధానం లభించలేదు.