Audi future plans : మూడేళ్లు.. 20కిపైగా​ లాంచ్​లు- ఆడీ క్రేజీ 'ప్లాన్​'!

Audi cars lineup : ఆడీ వాహనాల ప్రియులకు క్రేజీ న్యూస్​! కొత్త కొత్త కార్​లను లాంచ్​ చేసేందుకు ప్రముఖ లగ్జరీ వాహనాల తయారీ సంస్థ ఆడీ.. క్రేజీ ప్లాన్​ను రచించింది. రానున్న 2-3ఏళ్లల్లో 20కిపైగా కొత్త వాహనాలను లాంచ్​ చేసేందుకు సిద్ధమవుతున్నట్టు ప్రకటించింది.

మూడేళ్లు.. 20కిపైగా లాంచ్​లు..

ఆడీ చీఫ్​ డిజైన్​ మార్క్​ లిచ్​టే.. ఇటీవలే యూకే ఆటో ఎక్స్​ప్రెస్​కు ఇంటర్వ్యూ ఇచ్చారు. ఈ క్రమంలోనే ఆడీ భవిష్యత్తు కార్యచరణపై ఆసక్తికర వ్యాఖ్యలు చేశారు. రానున్న రెండు- మూడేళ్లను అత్యంత ప్రతిష్ఠాత్మకంగా పరిగణిస్తున్నట్టు, అందుకే భారీ సంఖ్యలో లాంచ్​లకు ప్రణాళికలు రచిస్తున్నట్టు వివరించారు. ఓవైపు ఎలక్ట్రిక్​ వాహనాలకు లభిస్తున్న డిమాండ్​ను అందిపుచ్చుకుంటూనే.. మరోవైపు ఐసీఈ (ఇంటర్నల్​ కంబషన్​ ఇంజిన్​) మోడల్స్​కు అప్డేటెడ్​, కొత్త వర్షెన్​లను తీసుకురావాలని సంస్థ యోచిస్తున్నట్టు స్పష్టం చేశారు.

2023లో లాంచ్​కానున్న లగ్జరీ వాహనాల పూర్తి వివరాల కోసం క్లిక్​ చేయండి.

Audi future product plan : "ఈవీలు, ఐసీఈ మోడల్స్​కు సక్సెసర్​లను తీసుకొచ్చేందుకు మేము ప్లాన్​ చేస్తున్నాము. ఆడీ చరిత్రలోనే ఎన్నడూ లేని విధంగా.. మా ప్రాడక్ట్​ లైనప్​ ఉండుంది. రానున్న రెండు-మూడేళ్లలలో 20కిపైగా కార్లను లాంచ్​ చేస్తాము. యాక్టివ్​స్పియర్​ కాన్సెప్ట్​తో కూడిన మోడల్స్​పై ఎక్కువ ఫోకస్​ చేస్తున్నాము," అని మార్క్​ తెలిపారు. ఏ6 ఈ-ట్రాన్​ వంటి న్యూ-జెనరేష్​ ఎలక్ట్రిక్​ కార్ల ప్రాధాన్యత, వాటికి లభిస్తున్న డిమాండ్​ గురించి మార్క్​ వివరించారు.

భారీ ప్రణాళికలే..

Audi new cars launch : 2026 నుంచి ఈవీలను మాత్రమే లాంచ్​ చేస్తామని లగ్జరీ వాహనాల తయారీ సంస్థ ఆడీ ఇప్పటికే ప్రకటించింది. 2033 నాటికి ఐసీఈ వాహనాలను ఫేజౌట్​ చేస్తామని తెలిపింది. 2029 నాటికి జీరో ఎమిషన్​ వెహికిల్స్​ను నిర్మించేందుకు ప్రణాళికలు రచిస్తున్నట్టు పేర్కొంది. ఈవీ ప్రాడక్టుల ఉత్పత్తి కోసం ప్రపంచవ్యాప్తంగా ఉన్న ఉద్యోగులకు 500 యూరోలు ఖర్చు చేసి ట్రైనింగ్​ ఇస్తామని వివరించింది.