Ather Rizta electric scooter : ఫ్యామిలీ ఎలక్ట్రిక్​ స్కూటర్​ ఏథర్​ రిజ్టా.. వచ్చేస్తోంది!

Ather Rizta electric scooter specifications : ఏథర్ ఎనర్జీ నుంచి కొత్త ఎలక్ట్రిక్​ స్కూటర్​ మార్కెట్​లోకి అడుగుపెట్టనుంది. దీని పేరు ఏథర్​ రిజ్టా. ఇదొక ఫ్యామిలీ ఎలక్ట్రిక్ స్కూటర్. ఈ స్కూటర్​కి సంబంధించిన ముఖ్యమైన సమాచారం తాగాజా బయటకి వచ్చింది. 2024 ఏప్రిల్​ 6న.. ఏథర్​ రిజ్టాను సంస్థ రివీల్​ చేయనుంది. ఏథర్​ కమ్యూనిటీ డే కూడా అదే రోజున జరుగుతుండటంతో.. రిజ్టాను గ్రాండ్​గా రివీల్​​ చేయాలని సంస్థ భావిస్తోంది. ఏథర్ రిజ్టా ఫొటోలు ఇప్పటివరకు అనేక సందర్భాల్లో లీక్​ అయ్యాయి. సంస్థ కూడా.. ఈ ఈ-స్కూటర్​ని టీజ్ చేస్తూ వచ్చింది.

ఏథర్​ కొత్త ఎలక్ట్రిక్​ స్కూటర్​ విశేషాలు..

కాంపీటీటర్స్​తో పోల్చితే.. ఏథర్​ రిజ్టా పెద్దదిగా ఉంటుంది. సౌకర్యంగా ఉంటుంది. ఇప్పటివరకు లీక్​ అయిన ఫొటోల్లోని పెద్ద సీట్​, ఫ్లోర్​ బోర్డ్​ని గమనిస్తే, ఈ విషయం అర్థమైపోతుంది. అయితే ఎలక్ట్రిక్ స్కూటర్​ ఫుట్​ప్రింట్​ కూడా భారీగానే ఉంటుందని అంచనాలు ఉన్నాయి. ఫీచర్స్​ విషయంలోనూ ఈ మోడల్ రిచ్​గా ఉంటుంది తెలుస్తోంది. ఏథర్ దాని మునుపటి ఆఫర్లకు అనుగుణంగా మోడల్​కు అనేక సెగ్మెంట్-ఫస్ట్ ఫీచర్లను తీసుకువస్తుందని మార్కెట్​ వర్గాలు భావిస్తున్నాయి.

ఈ ఏథర్​ రిజ్టా ఎలక్ట్రిక్​ స్కూటర్​లో.. స్మార్ట్​ఫోన్​ కనెక్టివిటీ, కనెక్టెడ్ టెక్నాలజీతో పూర్తి డిజిటల్ ఇన్స్ట్రుమెంట్ కన్సోల్​ వస్తుందని అంచనాలు ఉన్నాయి. టర్న్-బై-టర్న్ నావిగేషన్, మల్టిపుల్ రైడింగ్ మోడ్స్​, ఫాస్ట్ ఛార్జింగ్ సహా మరెన్నో సూపర్​ ఫీచర్స్​ ఇందులో ఉంటాయని సమాచారం. ఏథర్ ఎనర్జీ రాబోయే ఈ-స్కూటర్ ఇంజిన్​, స్పెసిఫికేషన్స్​, బ్యాటరీ ప్యాక్​, ఛార్జర్​ వంటి వివరాలను సంస్థ ఇంకా అధికారికంగా ప్రటించలేదు. రానున్న రోజుల్లో వీటిపై పూర్తి వివరాలను అందుబాటులోకి వచ్చే అవకాశం ఉంది.

Ather Rizta electric scooter launch : అయితే.. ఏథర్​ 450ఎక్స్​తో పోల్చితే.. ఈ ఏథర్​ రిజ్టాలో కొత్త మోటర్​తో పాటు భారీ బ్యాటరీ ప్యాక్​ ఉండే అవకాశం ఉంది. 2.9 కేడబ్ల్యూహెచ్​ బ్యాటరీ ప్యాక్​ ఇందులో ఉండొచ్చని సమాచారం.

ఏథర్​ రిజ్టా ఈ-స్కూటర్​ లోవర్​ ఆప్రాన్​లో ఎల్​ఈడీ హెడ్​లైట్​ ఇంటిగ్రేట్​ అయ్యి ఉంది. ఫ్రెంట్​లో భారీ ఇన్​స్ట్రుమెంట్​ ప్యానెల్​ కూడా ఉంది.

Ather Rizta electric scooter price : ఈ సెగ్మెంట్​లో ఓలా ఎస్1 ప్రో, టీవీఎస్ ఐక్యూబ్ ఎస్ వంటి మోడళ్లతో ఏథర్ రిజ్టా పోటీ పడనుంది. అయితే.. ఎలక్ట్రిక్​ స్కూటర్​ ధర.. అత్యంత కీలకంగా మారనుంది. ఈ మోడల్​కు ధర రూ .1.40 లక్షలకు అటు, ఇటుగా ఉండొచ్చు. అప్పుడే, కాంపిటీటర్స్​కి మంచి పోటీనిస్తుందని మార్కెట్​ వర్గాలు భావిస్తున్నాయి.

ఇక ఈ ఏథర్​ రిజ్టా ఫ్యామిలీ ఎలక్ట్రిక్​ స్కూటర్​ లాంచ్​.. ఈ ఏడాది రెండో భాగంలో జరగొచ్చు!