Ather 450S electric scooter : ఈ ఏథర్​ ఎలక్ట్రిక్​ స్కూటర్​పై భారీ తగ్గింపు..

Ather 450S electric scooter : ఇండియన్​ ఆటోమొబైల్​ మార్కెట్​లోని ఎలక్ట్రిక్​ వాహనాల సెగ్మెంట్​ కళకళలాడిపోతోంది. మరీ ముఖ్యంగా.. 2 వీలర్​ ఈవీ సెగ్మెంట్​లో డిమాండ్​తో పాటు పోటీ కూడా విపరీతంగా ఉంది. పోటీని తట్టుకుని, సేల్స్​ నెంబర్లను పెంచుకోవాలని ప్రయత్నిస్తున్న ఆటోమొబైల్​ సంస్థలను ధరలను తగ్గించి కస్టమర్లను ఆకర్షిస్తున్నాయి. ఈ జాబితాలోకి ఏథర్​ ఎనర్జీ కూడా చేరింది. తన ఎంట్రీ లెవల్​ ఎలక్ట్రిక్​ స్కూటర్​ ఏతర్​ 450ఎస్​ ధరను తగ్గించింది. ఆ వివరాలను ఇక్కడ తెలుసుకుందాము..

ఏథర్​ 450ఎస్​ ఎలక్ట్రిక్​ స్కూటర్​..

ఏథర్​ 450ఎస్​ ఎలక్ట్రిక్​ స్కూటర్​పై రూ. 20వేలు తగ్గించింది ఆటోమొబైల్​ సంస్థ. ఫలితంగా.. ఇప్పుడు ఈ మోడల్​ ఎక్స్​షోరూం ధర రూ. 1,09,999గా ఉంది. ఇందులో ప్రో ప్యాక్​ కలిపి లేదు. రూ. 10వేలు ఎక్కువ ఖర్చు చేస్తే.. ప్రో ప్యాక్​ కూడా లభిస్తుంది. ఇందులో వివధ కనెక్టివిటీ, స్మార్ట్​ ఫీచర్స్​ ఉంటాయి.

Ather 450S electric scooter price : ధర తగ్గడంతో.. బజాజ్​ చేతక్​, టీవీఎస్​ ఐక్యూబ్​, ఓలా ఎస్​1 ఎయిర్​ వంటి మోడల్స్​ కన్నా ఈ ఏథర్​ 450ఎస్​ చౌకగా లభిస్తున్నట్టు అయ్యింది. బజాజ్​ చేతక్​ అర్బేన్​ ఎక్స్​షోరూం ధర రూ. 1.15లక్షలు. టీవీఎస్​ ఐక్యూబ్​ బేస్​ మోడల్​ ఎక్స్​షోరూం ధర రూ. 1.23లక్షలు. ఓలా ఎస్​1 ఎయిర్​ ఎక్స్​షోరూం ధర రూ. 1.20లక్షలు.

ఈ ఏథర్​ 450ఎస్​ ఎలక్ట్రిక్​ స్కూటర్​లో 2.9 కేడబ్ల్యూహెచ్​ ఐపీ67 రేటెడ్​ బ్యాటరీ ప్యాక్​ ఉంటుంది. ఒక్కసారి ఛార్జ్​ చేస్తే.. స్మార్ట్​ఈకో మోడల్​లో 115 కి.మీల దూరం ప్రయాణిస్తుది. దీని టాప్​ స్పీడ్​ 90 కేపీహెచ్​. ఇది.. 7.24 హెచ్​పీ పవర్​, 22 ఎన్​ఎం టార్క్​ని జనరేట్​ చేస్తుంది. 0-80శాతం ఛార్జ్​ అవ్వడానికి 6 గంటల 36 నిమిషాల సమయం పడుతుంది.

ఓలా ఎలక్ట్రిక్​ స్కూటర్స్​పై డిస్కౌంట్స్​..

దేశవ్యాప్తంగా పండుగ సీజన్ ప్రారంభం అవుతున్న నేపథ్యంలో ఓలా ఎలక్ట్రిక్ తన ఎలక్ట్రిక్ స్కూటర్స్ రేంజ్ పై రూ. 15,000 వరకు విలువైన ఆఫర్‌లను ప్రకటించింది. ఈ ఆఫర్ జనవరి 15వ తేదీ వరకు అమలులో ఉంటుంది.

ఈ ఆఫర్‌లలో ఎస్​1 ప్రో, ఎస్​1 ఎయిర్​ కొనుగోలుపై రూ. 6,999 వరకు విలువైన ఎక్స్​టెండెడ్ బ్యాటరీ వారంటీ, రూ. 3,000 వరకు ఎక్స్‌ఛేంజ్ బోనస్, ఇతర ఆకర్షణీయమైన ఫైనాన్స్ డీల్‌లు ఉన్నాయి. అదనంగా, ఎస్​1 ఎక్స్+​ పై రూ. 20,000 తక్షణ తగ్గింపు లభిస్తుంది. దాంతో ఎస్​1 ఎక్స్​+ రూ. 89,999 లకు లభిస్తుంది. పూర్తి వివరాల కోసం ఇక్కడ చూడండి.