Ather 450 Apex vs TVS X : ఈ రెండు ఎలక్ట్రిక్​ స్కూటర్స్​లో ఏది బెస్ట్​?

Ather 450 Apex vs TVS X : బెంగళూరు ఆధారిత ఏథర్​ ఎనర్జీ సంస్థ.. తాజాగా ఓ ఎలక్ట్రిక్​ స్కూటర్​ని లాంచ్​ చేసింది. దీని పేరు ఏథర్​ 450 అపెక్స్​. ఈ స్టైలిష్​ ఎలక్ట్రిక్​ స్కూటర్​.. ఇప్పటికే మార్కెట్​లో ఉన్న టీవీఎస్​ ఎక్స్​కి గట్టిపోటీనిస్తుందని మార్కెట్​లో అంచనాలు ఉన్నాయి. ఈ నేపథ్యంలో ఈ రెండింటినీ పోల్చి, ఏది బెస్ట్​? ఏది కొనొచ్చు? వంటి వివరాలను ఇక్కడ తెలుసుకుందాము..

ఏథర్​ 450 అపెక్స్​ వర్సెస్​ టీవీఎస్​ ఎక్స్​- ఫీచర్స్​..

ఏథర్​ 450 అపెక్స్​ ఎలక్ట్రిక్​ స్కూటర్​లో స్పెషల్​ ఇండియమ్​ బ్లూ పెయింట్​ స్కీమ్​తో కూడిన ట్రాన్స్​పరెంట్​ బాడీ ప్యానెల్​ ఉంటుంది. ఏప్రాన్​ మౌంటెడ్​ ఎల్​ఈడీ హెట్​లైట్​, ఫ్లష్​ ఫిట్టెడ్​ సైడ్​ స్టాండ్​, యాంగ్యులర్​ కాస్ట్​ టైప్​ మిర్రర్స్​, స్లీక్​ ఎల్​ఈడీ టెయిల్​ల్యాంప్​, 7 ఇంచ్​ ఫుల్​ కలర్​ టీఎఫ్​టీ టచ్​స్క్రీన్​ వంటివి వస్తున్నాయి.

TVS X price Hyderabad : మరోవైపు టీవీఎస్​ ఎక్స్​లో వర్టికల్లీ స్టాక్​డ్​ ఎల్​ఈడీ హెడ్​ల్యాంప్​ క్లస్టర్​, కార్నరింగ్​ లైట్స్​, వైడ్​ హ్యాండిల్​బార్​, షార్ప్​ లుకింగ్​ సైడ్​ ప్యానెల్​, స్లిమ్​ ఎల్​ఈడీ టెయిల్​ల్యాంప్​, 10.2 ఇంచ్​ టీఎఫ్​టీ స్క్రీన్​ లభిస్తోంది.

ఏథర్​ 450 అపెక్స్​ వర్సెస్​ టీవీఎస్​ ఎక్స్​- రేంజ్​..

Ather 450 Apex electric scooter : ఏథర్​ 450 ఈ-స్కూటర్​లో 7 కేడబ్ల్యూ మిడ్​ మౌంటెడ్​ ఎలక్ట్రిక్​ మోటార్​ ఉంటుది. ఇది.. 3.7 కేడబ్ల్యూహెచ్​ లిథియం అయాన్​ బ్యాటరీకి కనెక్ట్​ అయ్యి ఉంటుంది. దీనిని ఒక్కసారి ఛార్జ్​ చేస్తే.. 157కి.మీల దూరం ప్రయాణించవచ్చని సంస్థ చెబుతోంది.

ఇక టీవీఎస్​ ఎక్స్​ ఎలక్ట్రిక్​ స్కూటర్​లో 11కేడబ్ల్యూ మిడ్​ మౌంటెడ్​ ఎలక్ట్రిక్​ మోటర్​ ఉంటుంది. ఇది.. 3.8 కేడబ్ల్యూహెచ్​ బ్యాటరీ ప్యాక్​కి కనెక్ట్​ అయ్యి ఉంటుంది. దీనిని ఒక్కసారి ఛార్జ్​ చేస్తే.. 140కి.మీల దూరం ప్రయాణిస్తుంది.

రైడర్​ సేఫ్టీ కోసం ఈ రెండు స్కూటర్స్​లోనూ.. డిస్క్​ బ్రేక్స్​ (ఫ్రెంట్​, రేర్​ వీల్స్​), కంబైన్డ్​ బ్రేకింగ్​ సిస్టెమ్​, రీజనరేటివ్​ బ్రేకింగ్​, మల్టిపుల్​ రైడింగ్​ మోడ్స్​ వంటివి వస్తున్నాయి.

ఏథర్​ 450 అపెక్స్​ వర్సెస్​ టీవీఎస్​ ఎక్స్​- ధర ఎంతంటే..

Ather 450 Apex price : ఇండియాలో.. ఏథర్​ 450 అపెక్స్​ ఎక్స్​షోరూం ధర రూ. 1.89లక్షలుగా ఉంది. ఇక టీవీఎస్​ ఎక్స్​ ఎలక్ట్రిక్​ స్కూటర్​ ఎక్స్​షోరూం ధర రూ. 2.5లక్షలుగా. ఇదొక ప్రీమియం ఈ-స్కూటర్​.

ఇండియా 2 వీలర్​ ఈవీ సెగ్మెంట్​కు డిమాండ్​ పెరుగుతోంది. డిమాండ్​ని క్యాష్​ చేసుకునేందుకు ఆటోమొబైల్​ సంస్థలు ఎప్పటికప్పుడు కొత్త మోడల్స్​ని లాంచ్​ చేస్తున్నాయి. టీవీఎస్​ ఎక్స్​కి మంచి సేల్స్​ ఉన్నాయి. మరి ఏథర్​ 450 అపెక్స్​ ఎలా పనిచేస్తుందో వేచి చూడాలి.