Apple WWDC 2023 : యాపిల్​ విజన్​ ప్రో, మాక్​బుక్​ ఎయిర్​ 15 లాంచ్​..

Apple WWDC 2023 : డబ్ల్యూడబ్ల్యూడీసీ (వరల్డ్​వైడ్​ డెవలపర్స్​ కాన్ఫరెన్స్​) 2023లో భాగంగా సరికొత్త, ఎగ్జైటింగ్​ ప్రాడక్ట్స్​ను ప్రపంచం ముందుకు తీసుకొచ్చింది యాపిల్​ సంస్థ. విజన్​ ప్రో, కొత్త మాక్​ బుక్స్​, లేటెస్ట్​ ఓఎస్​ అప్​గ్రేడ్స్​ వంటిని లాంచ్​ చేసింది. వీటి వివరాలు ఇక్కడ తెలుసుకుందాము..

విజన్​ ప్రో..

డబ్ల్యూడబ్ల్యూడీసీ 2023 ఈవెంట్​ మొత్తంలో ఈ విజన్​ ప్రో హైలైట్​గా నిలిచిందని చెప్పుకోవచ్చు. సంస్థ చరిత్రలోనే ఇది మొదటి మిక్స్​డ్​ రియాలిటీ హెడ్​సెట్​. గ్లాస్​, కార్బన్​ ఫైబర్​, అల్యూమీనియంతో దీనిని తయారు చేశారు. డిజైన్​ విషయానికొస్తే.. ఇందులో కర్వడ్​ ఫ్రేమ్​, ఫ్రెంట్​ గ్లాస్​, థర్మల్​ వెంట్స్​, ఎడమవైపు పుష్​ బటన్స్​ వంటివి వస్తున్నాయి. ఇందులో డ్యూయెల్​ 1.41 ఇంచ్​ 4కే మైక్రో ఓఎల్​ఈడీలు ఉన్నాయి. 23 మిలియన్​ కంబైన్డ్​ పిక్సెల్స్​, 12 కెమెరాలు వస్తున్నాయి.

Apple Vision Pro launch : ఇక ఈ విజన్​ ప్రోలో ఎం2 చిప్​, ఆర్​1 కోప్రాసెసర్​, 16జీబీ ర్యామ్​ వంటివి ఉంటాయి. ఆడియో- ఇంటిగ్రేటెడ్ ఆడియో​ డ్రైవర్స్​, 6 మైక్రోఫోన్స్​, 6 సెన్సార్స్​, కంపాస్​, యాంబియెంట్​ లైట్​ సెన్సార్​, యాక్సలరోమీటర్​, గైరోస్కోప్​తో పాటు అనేక ఫీచర్స్​ వస్తున్నాయి. విజన్​ఓఎస్​పై ఇది పనిచేస్తుంది. వైఫై, బ్లూటూత్​, సిరి, టైప్​-సీ ఛార్జర్​ వంటివి కనెక్టెడ్​ ఫీచర్స్​గా ఉన్నాయి.

ఈ యాపిల్​ విజన్​ ప్రో ధర 3,499 డాలర్లు. అంటే సుమారు రూ. 2.88లక్షలు. వచ్చే ఏడాది తొలినాళ్లల్లో ఇది కస్టమర్లకు అందుబాటులోకి వస్తుంది.

మాక్​బుక్​ ఎయిర్​ 15..

అందరు ఊహించినట్టే.. ఈ డబ్ల్యూడబ్ల్యూడీసీ ఈవెంట్​లో మాక్​బుక్​ ఎయిర్​ 15ని లాంచ్​ చేసింది యాపిల్​ సంస్థ. ఇందులో 15.3 ఇంచ్​ స్క్రీన్​ లభిస్తోంది. ప్రస్తుతం మాక్​బుక్​ ఎయిర్​లో ఉన్న స్పెసిఫికేషన్స్​నే ఇందులోనూ కొనసాగించింది దిగ్గజ టెక్​ సంస్థ.

Macbook Air 15 : కాగా.. ఈ డివైజ్​లో ఎం2 చిప్​, రెండు థండర్​బోల్ట్​ పోర్ట్స్​, మాగ్​సేఫ్​ ఛార్జింగ్​ పోర్ట్​లు లభిస్తున్నాయి. 18 గంటల సుదీర్ఘ బ్యాటరీ బ్యాకప్​ ఈ మాక్​బుక్​ ఎయిర్​ 15 సొంతం. నాలుగు రంగుల్లో వస్తున్న ఈ డివైజ్​.. వచ్చే వారం నుంచి అందుబాటులో ఉండనుంది.

మాక్​ స్టూడియోలో..

యాపిల్​ డబ్ల్యూడబ్ల్యూడీసీ 2023 ఈవెంట్​లో మాక్​ స్టూడియో భారీగా అప్డేట్​ అయ్యింది! ఎం2 మ్యాక్స్​, ఎం2 అల్ట్రా చిప్​సెట్స్​ను సంస్థ రివీల్​ చేసింది. మాక్​బుక్​ ప్రో మోడల్స్​లో ఎం2 మ్యాక్స్​ ఇప్పటికే అందుబాటులో ఉంది. ఎం1 మ్యాక్స్​తో పోల్చితే ఇది 25శాతం వేగంగా పనిచేస్తుంది. ఇక ఎం2 అల్ట్రా 5ఎన్​ఎం చిప్​లో 192జీబీ వరకు ర్యామ్​ సపోర్ట్​ లభిస్తుంది.

ఐఓఎస్​ 17..

ఐఫోన్​, మెసేజెస్​, ఫేస్​టైమ్​ యాప్స్​ కోసం ఐఓఎస్​ 17ను లాంచ్​ చేసింది యాపిల్​ సంస్థ. ఇక ఇప్పుడు టైపోగ్రఫీతో కస్టమైజ్​డ్​ పోస్టర్లను తయారు చేసుకోవచ్చు. కాలర్స్​ స్క్రీన్​పై వీటిని ఫిక్స్​ చేసుకోవచ్చు. అంతేకాకుండా.. వాయిస్​ మెయిల్​, రియల్​ టైమ్​ ట్రాన్స్​స్క్రిప్షన్​తో పాటు ఫేస్​టైమ్​ కాల్స్​ను రికార్డ్​ చేసుకునే వెసులుబాటు కూడా లభిస్తోంది. ఆటో- కరెక్ట్​, డిక్టేషన్​ వంటి ఫీచర్స్​ మరింత మెరుగుపడ్డాయి. మెసేజింగ్​ యాప్​నకు లొకేషన్​ షేరింగ్​ ఫీచర్​ వచ్చింది. ఈ ఐఓఎస్​ 17లో జర్నల్​ అనే యాప్​ కొత్తగా వస్తోంది. ఇందులో యూజర్లు తమకు నచ్చినవి రాసుకోవచ్చు.

ఐప్యాడ్​ఓఎస్​ 17..

Apple WWDC 2023 live updates : ఐప్యాడ్​ఓఎస్​ 17లో ఐప్యాడ్​ లాక్​ స్క్రీన్​ కోసం స్మార్ట్​ డిస్​ప్లే మోడ్​ వస్తోంది. ఇందులో విడ్జెట్స్​, నోటిఫికేషన్స్​, అపాయింట్​మెంట్స్​ వంటివి కనిపిస్తాయి. లైవ్​ యాక్టివిటీ ఆప్షన్​తో మెయిన్​ స్క్రీన్​లో మీరు మీ యాక్టివిటీలను ట్రాక్​ చేసుకోవచ్చు. ఇందులో అనేక పీడీఎఫ్​​, ఎడిటింగ్​, కస్టమైజ్​డ్​, కొలాబొరేషన్​ ఫీచర్స్​ ఉన్నాయి. అప్డేట్​ కారణంగా స్టేజ్​ మేనేజర్​ మెరుగుపడింది. ఐప్యాడ్స్​లో కొత్తగా హెల్త్​ యాప్​ వచ్చింది.

వాచ్​ఓఎస్​ 10..

వాచ్​ఓఎస్​ 10 ద్వారా విడ్జెట్స్​ను తిరిగి తీసుకొచ్చింది యాపిల్​ సంస్థ. ఫలితంగా.. టైమర్స్​, వెథర్​ చెకింగ్​, పాడ్​కాస్ట్​, అపాయింట్​మెంట్స్​ వంటివి ఇందులో చూసుకోవచ్చు. డిజిటల్​ క్రౌన్​తో ఈ విడ్జెట్స్​ను యాక్సెస్​ చేసుకోవచ్చు. స్నూపీ వాచ్​ ఫేస్​, సైక్లింగ్​- కంపాస్​ ఫీచర్స్​, హెల్త్​ ఫీచర్స్​, అప్డేటెడ్​ మ్యాప్స్​, వర్కౌట్​ ఏపీఐలు వంటివి కొత్తగా వస్తున్నాయి.

వీటితో పాటు మాక్​ఓఎస్​ 14, టీవీఓఎస్​ 17లను కూడా లాంచ్​ చేసింది యాపిల్​ సంస్థ. ఈ యాపిల్​ డబ్ల్యూడబ్ల్యూడీసీ ఈవెంట్​.. సోమవారం నుంచి శుక్రవారం వరకు జరగనుంది. మరిన్ని ఎగ్జైటింగ్​ అప్డేట్స్​ కోసం యాపిల్​ ప్రియులు ఎదురుచూస్తున్నారు.