Macbook Air : 15- ఇంచ్​ మాక్​బుక్​.. లాంచ్​కు సిద్ధం! విశేషాలివే..

New MacBook Air : జూన్​ 5న ప్రారంభంకానున్న 2023 డబ్ల్యూడబ్ల్యూడీసీ ఈవెంట్​లో కొత్త డివైజ్​లను లాంచ్​ చేసేందుకు పూర్తిస్థాయిలో ఏర్పాట్లు చేసుకుంటోంది దిగ్గజ టెక్​ సంస్థ యాపిల్​. తాజాగా ఇందుకు సంబంధించిన ఓ వార్త బయటకొచ్చింది. ఎం2 తరహా చిప్​తో కూడిన 15 ఇంచ్​ మాక్​బుక్​ను యాపిల్​ సిద్ధం చేస్తున్నట్టు.. ఇది డబ్ల్యూడబ్ల్యూడీసీ ఈవెంట్​ లాంచ్​ అవ్వనున్నట్టు సమాచారం. ఈ మాక్​బుక్​ ఎయిర్​ ప్రస్తుతం టెస్టింగ్​ దశలో ఉన్నట్టు తెలుస్తోంది.

15-ఇంచ్​ మాక్​బుక్​ ఎయిర్​..

సరికొత్త మాక్​బుక్​ ఎయిర్​లో అల్యుమీనియం ఛాసిస్​, బ్యాక్​లిట్​ కీబోర్డ్​, ఫోర్స్​ టచ్​ ట్రాక్​ప్యాడ్​, టచ్​ ఐడీతో కూడిన మ్యాజిక్​ కీబోర్డ్​ ఉండే అవకాశం ఉంది. పాత మోడల్​లోనూ ఇవి ఉన్నాయి. అయితే.. ఇందులో 15.3 ఇంచ్​ లిక్విడ్​ రెటీనా స్క్రీన్​ విత్​ ట్రూ టోన్​ టెక్నాలజీ లభించొచ్చు. పాత మోడల్​లో 13.6 ఇంచ్​ డిస్​ప్లే ఉంది.

15 inch MacBook Air launch : 14 ఇంచ్​ మాక్​బుక్​ ప్రోలో ఉన్నట్టుగానే ఈ కొత్త మాక్​బుక్​ ఎయిర్​లోనూ 1964X3024 పిక్సెల్స్​ రిసొల్యూషన్​ ఉండే అవకాశం ఉంది. కానీ షార్ప్​నెస్​ తక్కువగా ఉండొచ్చు.

ఇదీ చదవండి :- Tim Cook - Apple Store: ముంబైలో అడుగుపెట్టిన యాపిల్ సీఈవో.. పావ్‍బాజీ టేస్ట్ చేసిన కుక్.. యాపిల్ తొలి స్టోర్ రెడీ

15-ఇంచ్​ మాక్​బుక్​ ఎయిర్​.. కాన్ఫిగరేషన్​..

15 ఇంచ్​ మాక్​బుక్​ ఎయిర్​లో 8 కోర్​ సీపీయూ, 10 కోర్​ జీపీయూ ఉండొచ్చు. ఎం2 చీప్​కు తగ్గట్టుగానే ఇవి ఉన్నాయి. ఇక ఈ ల్యాప్​టాప్​లో 8జీబీ బేస్​ కాన్ఫిగరేషన్​ ఉండనుంది. మాక్​ఓఎస్​14పై ఇది పనిచేసే సూచనలు కనిపిస్తున్నాయి. డబ్ల్యూడబ్ల్యూడీసీ ఈవెంట్​లోనే ఇది కూడా లాంచ్​కానుంది!

New MacBook Air launch date : ఈ కొత్త మాక్​బుక్​ రిలీజ్​ డేట్​ వివరాలు ఇంకా బయటకు రాలేదు. అయితే సంబంధిత ఈవెంట్​లో లాంచ్​ అవుతుందని ఊహాగానాలు జోరుగా సాగుతున్నాయి. దీనిపై యాపిల్​ స్పష్టతనివ్వాల్సి ఉంది.

ఐఫోన్​ 14 ప్రోకు యాపిల్​ గుడ్​ బై..?

Apple iPhone 15 launch date : ఈ ఏడాది రెండో భాగంలో యాపిల్​ ఐఫోన్​ 15 లాంచ్​కానుంది. కొత్త స్మార్ట్​ఫోన్​ సిరీస్​పై ఐఫోన్​ ప్రియుల్లో భారీ అంచనాలే ఉన్నాయి. ఇక ఈ మోడల్​కు సంబంధించిన వార్తలు సోషల్​ మీడియాలో నిత్యం చక్కర్లు కొడుతున్నాయి. ఇక ఇప్పుడు.. తాజాగా ఓ వార్త బయటకొచ్చింది. ఐఫోన్​ 15 లాంచ్​తో కొన్ని మోడల్స్​ను డిస్కంటిన్యూ చేయాలని యాపిల్​ సంస్థ భావిస్తున్నట్టు తెలుస్తోంది. వీటిల్లో.. గతేడాది లాంచ్​ అయిన ఐఫోన్​ 14 ప్రో కూడా ఉంటుందని సమాచారం. పూర్తి వివరాల కోసం ఇక్కడ క్లిక్​ చేయండి.