iPhone 15 : ఐఫోన్​ 14 ప్రోకు గుడ్​ బై చెప్పనున్న యాపిల్!​ కారణం ఇదేనా?

Apple iPhone 15 launch : ఈ ఏడాది రెండో భాగంలో యాపిల్​ ఐఫోన్​ 15 లాంచ్​కానుంది. కొత్త స్మార్ట్​ఫోన్​ సిరీస్​పై ఐఫోన్​ ప్రియుల్లో భారీ అంచనాలే ఉన్నాయి. ఇక ఈ మోడల్​కు సంబంధించిన వార్తలు సోషల్​ మీడియాలో నిత్యం చక్కర్లు కొడుతున్నాయి. ఇక ఇప్పుడు.. తాజాగా ఓ వార్త బయటకొచ్చింది. ఐఫోన్​ 15 లాంచ్​తో కొన్ని మోడల్స్​ను డిస్కంటిన్యూ చేయాలని యాపిల్​ సంస్థ భావిస్తున్నట్టు తెలుస్తోంది. వీటిల్లో.. గతేడాది లాంచ్​ అయిన ఐఫోన్​ 14 ప్రో కూడా ఉంటుందని సమాచారం.

ఐఫోన్​ 14 ప్రో.. ఐఫోన్​ 14 ప్రో మ్యాక్స్​కు గుడ్​ బై..!

కొత్త లాంచ్​లు చేస్తూనే.. పాత సిరీస్​లకు గుడ్​ బై చెప్పడం యాపిల్​ సంస్థకు ఎప్పటి నుంచో ఉన్న అలవాటు. ఈ క్రమంలో ఐఫోన్​ 15 లాంచ్​ తర్వాత ఐఫోన్​ 12 డిస్కంటిన్యూ అవుతుందని ఇప్పటికే మార్కెట్​ వర్గాలు భావిస్తున్నాయి. అయితే.. ఇటీవలే బయటకొచ్చిన ఓ రిపోర్టు ప్రకారం.. ఐఫోన్​ 12తో పాటు ఐఫోన్​ 14 ప్రో, ఐఫోన్​ 14 ప్రో మ్యాక్స్​ కూడా డిస్కంటిన్యూ అయ్యే సూచనలు కనిపిస్తున్నాయి.

iPhone 14 pro discontinue : టామ్స్​ గైడ్​ రిపోర్టు ప్రకారం.. యాపిల్​ ఐఫోన్​ 12ను ఐఫోన్​ 13 రిప్లేస్​ చేస్తుంది. ఇక కొత్త మోడల్స్​ లాంచైన తర్వాత, అంతకుముందు ఏడాది లాంచ్​ అయిన ప్రో మోడల్స్​ను పక్కనపెట్టడం యాపిల్​ సంస్థకు ఉన్న అలవాటు. ఇదే జరిగితే.. ఈసారి ఐఫోన్​ 15 సిరీస్​ లాంచ్​తో ఐఫోన్​ 14 ప్రో, ఐఫోన్​ 14 ప్రో మ్యాక్స్​లను యాపిల్​ సంస్థ డిస్కంటిన్యూ చేస్తుంది! ఐఫోన్​ 12తో పాటు ఐఫోన్​ 13 మినీని కూడా యాపిల్​ సంస్థ పక్కనపెట్టేసే అవకాశం ఉందని రిపోర్టు చెబుతోంది.

ఇదీ చదవండి :- Apple iPhone 15 Pro first look: ఐఫోన్ 15 ప్రో ఎలా ఉండనుందంటే!

అయితే యాపిల్​ ఐఫోన్​ 14 మార్కెట్​లో కొనసాగొచ్చు. ఐఫోన్​ 15 లాంచ్​తో దీని ధర కూడా భారీగానే తగొచ్చు. ప్రతియేటా ఇదే జరుగుతుంది కూడా! ఐఫోన్​ 14 ప్లస్​ పరిస్థితే ఇంకా తెలియడం లేదు. ఈ మోడల్​ని కంటిన్యూ చేయాలా? వద్దా? అని సంస్థ ఇంకా నిర్ణయం తీసుకున్నట్టు లేదు. పైగా.. ఇది యాపిల్​కు మొదటి ప్లస్​ మోడల్​. ఫలితంగా ఈ మోడల్​ను​ ఇంత తొందరగా డిస్కంటిన్యూ చేయదని మార్కెట్​ వర్గాలు భావిస్తున్నాయి.

ఐఫోన్​ 15లో నాలుగు మోడల్స్​..?

iphone 15 launch date : మరోవైపు ఐఫోన్​ 15 సిరీస్​లో ఐఫోన్​ 15తో పాటు ఐఫోన్​15 ప్లస్​, ఐఫోన్​ 15 ప్రో, ఐఫోన్​ 15 ప్రో మ్యాక్స్​లు ఉంటాయని తెలుస్తోంది. మొదటి రెండింట్లో ఏ16 బయోనిక్​ చిప్​సెట్​.. చివరి రెండింట్లో ఏ17 ప్రాసెసర్​ ఉంటుందని తెలుస్తోంది.