Apple Back to School offers : ఈ యాపిల్​ ప్రాడక్ట్స్​పై భారీ డిస్కౌంట్లు..!

Apple Back to School offers : "బ్యాక్​ టు స్కూల్​" ఆఫర్​తో భారతీయుల ముందుకు వచ్చేసింది యాపిల్​ సంస్థ. ప్రముఖ ప్రాడక్ట్స్​పై భారీ డిస్కౌంట్లను ఇస్తోంది. కొన్ని ఫ్రీబీస్​ కూడా అందిస్తోంది. యాపిల్​ బీకేసీ, యాపిల్​ సాకెట్​, యాపిల్​ ఈస్టోర్​లలో అక్టోబర్​ 2 వరకు ఈ డిస్కౌంట్లను పొందవచ్చు. అయితే.. ఈ ఆఫర్లు పొందాలంటే యూనిడేస్​ పోర్టల్​లో వెరిఫికేషన్​ కచ్చితంగా ఉండాలి.

ఏంటి ఈ బ్యాక్​ టు స్కూల్​ ఆఫర్స్​..?

ప్రతియేటా ఈ డిస్కౌంట్లను ఇస్తుంది యాపిల్​ సంస్థ. విద్యార్థులకు ఉపయోగకరమైన ప్రాడక్ట్స్​పై తగ్గింపు లభిస్తుంది. విద్యార్థులతో పాటు టీచర్లు, స్కూల్​ సిబ్బందికి కూడా ఈ డిస్కౌంట్లు వర్తిస్తాయి.

యూనిడేస్​ పోర్టల్​లో డిస్కౌంట్లను చూడవచ్చు. ప్రపంచవ్యాప్తంగా విద్యార్థులు ఇందులో లాగిన్​ అయ్యి.. ప్రాడక్ట్స్​పై మంచి డీల్స్​ పొందవచ్చు. ఇక ఇప్పుడు.. ఏ యాపిల్​ ప్రాడక్ట్​పై ఎంత డిస్కౌంట్​ లభిస్తోందో తెలుసుకుందాము..

మాక్​బుక్​ ఎయిర్​ 13 ఇంచ్​..

Apple Back to School India : ఈ మాక్​బుక్​ ఎయిర్​ 13 ఇంచ్​ వాస్తవ ధర రూ. 99,900. కాగా డిస్కౌంట్​లో దీనిని రూ. 89,900కే పొందవచ్చు. రూ. 1,19,000 ధర ఉన్న ఎం2 చిప్​సెట్​తో కూడిన మాక్​బుక్​ ఎయిర్​ 13ని రూ. 1,04,900కే దక్కించుకోవచ్చు. వీటితో పాటు.. రూ. 14వేలు విలువ చేసే ఎయిర్​పాడ్స్​ జెన్​ 2ను ఉచితంగా పొందవచ్చు.

ఇదీ చూడండి:- Apple Vision Pro : విజన్​ ప్రో.. యాపిల్​కు గేమ్​ ఛేంజర్​ అవుతుందా?

మాక్​బుక్​ ప్రో 13 ఇంచ్​..

మాక్​బుక్​ ప్రో 13 ఇంచ్​ వాస్తవ ధర రూ. 1,29,900. డిస్కౌంట్​లో ఇది రూ. 1,19,900కే లభిస్తోంది. వీటితో పాటు సెకెండ్​ జనరేషన్​ ఎయిర్​పాడ్స్​ను ఉచితంగా పొందవచ్చు.

మాక్​బుక్​ ఎయిర్​ 15 ఇంచ్​..

ఇటీవలే లాంచ్​ అయిన మాక్​బుక్​ ఎయిర్​ 15.. ఇండియాలో సేల్​లోకి వచ్చింది. దీని వాస్తవ ధర రూ. 1,34,900గా ఉండగా.. బ్యాక్​ టు స్కూల్​ డిస్కౌంట్​తో రూ. 1,24,900కే దక్కించుకోవచ్చు. ఎయిర్​పాడ్స్​ జెన్​ 2ని ఉచితంగా పొందవచ్చు.

మాక్​బుక్​ ప్రో 14 ఇంచ్​..

Apple Back to School 2023 : యాపిల్​ ఎం2 ప్రో చిప్​సెట్​తో కూడిన మాక్​బుక్​ ప్రో 14 ఇంచ్​ వాస్తవ ధర రూ. 1,99,900. కానీ డిస్కౌంట్​లో దీనిని రూ. 1,84,900కే సొంతం చేసుకోవచ్చు. ఇక 16 ఇంచ్​ యాపిల్​ ఎం2 మాక్స్​ మాక్​బుక్​ ధర రూ. 2,49,900 నుంచి రూ. 2,29,900కి పడింది.

వీటితో పాటు.. ఐపాడ్​ ఎయిర్​ రూ. 54,900 (రూ. 59,900)కు దక్కించుకోవ్చు. ఐమాక్​, ఐమాక్​ మినీలను రూ. 1,24,900- రూ. 49,900కి సొంతం చేసుకోవచ్చు.