Royal Enfield Classic 350 vs Jawa 350 : ఈ రెండు రెట్రో మోటర్ సైకిళ్లలో ఏది సూపర్ ఉంటుంది?

రాయల్ ఎన్‌ఫీల్డ్ క్లాసిక్ 350 అత్యంత ప్రాచుర్యం పొందిన రెట్రో థీమ్ మోటార్ సైకిళ్లలో ఒకటి. రాయల్ ఎన్‌ఫీల్డ్ క్లాసిక్ 350 కొత్త కలర్ థీమ్స్, కొత్త ఫీచర్లతో వచ్చింది. అనేక అప్‌డేట్స్‌తో మార్కెట్‌లోకి తీసుకొచ్చారు. ముందు ముందు ఈ ఈ అప్డేటెడ్ వెర్షన్‌తో క్లాసిక్ 350 కోసం అమ్మకాలను పెంచాలని భావిస్తోంది. రాయల్ ఎన్‌ఫీల్డ్ క్లాసిక్ 350.. జావా 350, హోండా సీబీ 350లతో పోటీ పడుతుంది. 2024 రాయల్ ఎన్‌ఫీల్డ్ క్లాసిక్ 350, జావా 350 బైకులు ఒకదానికొకటి పోటాపోటీగా ఉన్నాయి. ఇందులో బెటరో మీరే చూడండి.

రాయల్ ఎన్‌ఫీల్డ్ క్లాసిక్ 350, జావా 350 ధర

2024 రాయల్ ఎన్‌ఫీల్డ్ క్లాసిక్ 350 ధర రూ .1.99 లక్షల నుండి రూ .2.30 లక్షలు (ఎక్స్-షోరూమ్)గా ఉంది. హెరిటేజ్, హెరిటేజ్ ప్రీమియం, సిగ్నల్స్, డార్క్, క్రోమ్ అనే ఐదు విభిన్న వేరియంట్లలో లభ్యమవుతోంది. ఈ మోటార్ సైకిల్ అనేక రకాల కలర్ ఆప్షన్లలో లభిస్తుంది. మరోవైపు జావా 350 నాలుగు విభిన్న వేరియంట్లలో లభిస్తుంది. దీని ధర రూ .1.99 లక్షల నుండి రూ .2.24 లక్షల (ఎక్స్-షోరూమ్) మధ్య ఉంది. రెండు రెట్రో థీమ్ 350 సీసీ మోటార్ సైకిళ్లు ఒకదానికొకటి చాలా పోటీగా ఉన్నాయి.

స్పెసిఫికేషన్లు

2024 రాయల్ ఎన్‌ఫీల్డ్ క్లాసిక్ 350 బైక్ 349 సీసీ జె సిరీస్ సింగిల్ సిలిండర్ ఎయిర్ ఆయిల్ కూల్డ్ ఇంజిన్‌తో వస్తుంది. ఈ ఇంజన్ 6,100 ఆర్‌పీఎమ్ వద్ద 20.2 బిహెచ్‌పీ పవర్, 4,000 ఆర్‌పీఎమ్ వద్ద 27 ఎన్ఎమ్ గరిష్ట టార్క్‌ను ఉత్పత్తి చేస్తుంది. జావా 350 బైకులో 334 సీసీ సింగిల్ సిలిండర్ లిక్విడ్ కూల్డ్ ఇంజన్ ఉంది. ఈ ఇంజన్ గరిష్టంగా 22.26 బిహెచ్‌పీ పవర్, 28.1 ఎన్ఎమ్ టార్క్ ఉత్పత్తి చేస్తుంది. క్లాసిక్ 350తో పోలిస్తే జావా 350 కొంచెం మెరుగైన పవర్, టార్క్ అవుట్ పుట్‌ను ఇస్తుంది.

బ్రేక్, సస్పెన్షన్

రాయల్ ఎన్‌ఫీల్డ్ క్లాసిక్ 350 బైక్ 300 ఎంఎం ఫ్రంట్ డిస్క్ బ్రేక్, 270 ఎంఎం రియర్ డిస్క్, డ్యూయల్ ఛానల్ ఎబిఎస్‌తో ఉంది. ఈ మోటార్ సైకిల్ 41 ఎంఎం ఫ్రంట్ ఫోర్కులతో పాటు ట్విన్ రియర్ షాక్ అబ్జార్బర్స్‌ను కలిగి ఉంది. క్లాసిక్ 350లో 170 ఎంఎం గ్రౌండ్ క్లియరెన్స్, 805 ఎంఎం సీట్ హైట్, 13 లీటర్ల ఫ్యూయల్ ట్యాంక్ ఉన్నాయి.

మరోవైపు, జావా 350లో 280 ఎంఎం ఫ్రంట్ డిస్క్, 240 ఎంఎం రియర్ డిస్క్ ఉన్నాయి. సస్పెన్షన్ ఫ్రంట్ విషయానికి వస్తే ఇది 35 ఎంఎం ఫ్రంట్ ఫోర్కులతో పాటు ట్విన్ గ్యాస్ నిండిన రియర్ షాక్ అబ్జార్బర్లతో పాటు ఐదు దశల అడ్జస్టబుల్ ప్రీలోడ్‌ను పొందుతుంది. గ్రౌండ్ క్లియరెన్స్ 178 మిమీ, ఫ్యూయల్ ట్యాంక్ సామర్థ్యం 13.2 లీటర్లుగా ఉంది. ఈ రెండు రెట్రో బైకుల ఫీచర్లు చూసుకుని మీకు నచ్చినది ఎంచుకోండి.