Best family SUV : ఈ రెండు ఫ్యామిలీ ఎస్​యూవీల ధర తక్కువ, డిమాండ్​ ఎక్కువ- కానీ ఏది బెస్ట్​?

ఇండియాలో ఎస్​యూవీ సెగ్మెంట్​కి విపరీతమైన డిమాండ్​ ఉంది. మీరు కూడా ఒక మంచి, ఫ్యామిలీ ఎస్​యూవీ తీసుకోవాలని చూస్తున్నారా? నిస్సాన్​ మాగ్నైట్​ ఫేస్​లిఫ్ట్​, హ్యుందాయ్​ ఎక్స్​టర్​లో ఏది తీసుకోవాలి? అని ఆలోచిస్తున్నారా? అయితే ఇద మీకోసమే! ఈ రెండు ఎస్​యూవీలను పోల్చి ఏది బెస్ట్​? అన్నది ఇక్కడ తెలుసుకోండి..

నిస్సాన్ మాగ్నైట్ వర్సెస్ హ్యుందాయ్ ఎక్స్​టర్​: డైమెన్షన్స్​..

నిస్సాన్​ మాగ్నైట్​ కొలతలను హ్యుందాయ్ ఎక్స్​టర్​తో పోల్చినప్పుడు, మాగ్నైట్ 179 ఎంఎం పొడవు, 48 ఎంఎం వెడల్పు, 50 ఎంఎం పెద్ద వీల్ బేస్​తో ఉంటుంది. ఎక్స్​టర్​తో పోలిస్తే మాగ్నైట్ మొత్తం మీద 59 ఎంఎం ఎత్తుగా ఉంటుంది. 

మాగ్నైట్ ఎస్​యూవీ 1,758 ఎంఎం వెడల్పు, 3,994 ఎంఎం పొడవు, 1,572 ఎంఎం ఎత్తు, 2,500ఎంఎం వీల్​బేస్ కలిగి ఉంది. అటు హ్యుందాయ్ ఎక్స్​టర్​ 1,710 ఎంఎం వెడల్పు, 3,815 ఎంఎం పొడవు, 1,631 ఎంఎం ఎత్తు, 2,450 ఎంఎం వీల్ బేస్ కలిగి ఉంది.

నిస్సాన్ మాగ్నైట్ వర్సెస్ హ్యుందాయ్ ఎక్స్​టర్​: డిజైన్..

2024 నిస్సాన్ మాగ్నైట్ ఎస్​యూవీ క్రోమ్, నిగనిగలాడే నలుపు యాక్సెంట్​తో కూడిన విశాలమైన గ్రిల్​తో రీడిజైన్ చేసిన ఫ్రంట్ ఎండ్​ను పొందుతుంది. ఎల్​ఈడీ హెడ్​లైట్లు, బూమరాంగ్ ఆకారంలో ఉన్న డీఆర్​ఎల్​లలో ఎలాంటి మార్పు లేదు. వెనుక భాగంలో రీడిజైన్ చేసిన ఎల్ఈడీ టెయిల్​లైట్లు ఉన్నాయి. ఇవి స్మోకీ ఫినిష్, క్రోమ్ స్ట్రిప్​ని పొందుతాయి. మాగ్నైట్ 16 ఇంచ్​ డైమండ్ కట్ అల్లాయ్ వీల్స్​తో వస్తుంది.

హ్యుందాయ్ ఎక్స్​టర్​లో బ్లాక్ మెష్ రేడియేటర్ గ్రిల్, బ్లాక్ సైడ్ ప్యానెల్స్, హెచ్ ఆకారంలో ఎల్ఈడీ డేటైమ్ రన్నింగ్ లైట్లు, ప్రొజెక్టర్ హెడ్​లైట్లు ఉన్నాయి. ఇందులో రూఫ్ స్పాయిలర్, షార్క్ ఫిన్ యాంటెనా, రేర్​ వైపర్, 15 ఇంచ్​ డైమండ్ కట్ అల్లాయ్ వీల్స్ ఉన్నాయి.

నిస్సాన్ మాగ్నైట్ వర్సెస్ హ్యుందాయ్ ఎక్స్​టర్​: ఇంజిన్​..

మునుపటి మాదిరిగానే, 2024 నిస్సాన్ మాగ్నైట్ రెండు ఇంజన్ ఆప్షన్స్​ని పొందింది: 71 బీహెచ్​పీ, 96 ఎన్ఎమ్ టార్క్ జనరేట్​ చేసే 1.0-లీటర్ నేచురల్ ఆస్పిరేటెడ్ పెట్రోల్ ఇంజిన్, 99 బీహెచ్​పీ- 160 ఎన్ఎమ్ టార్క్ ఉత్పత్తి చేసే 1.0-లీటర్ టర్బో-పెట్రోల్ ఇంజిన్. టర్బో-పెట్రోల్ వేరియంట్ కోసం సీవీటీ ఆటోమేటిక్, నేచురల్ ఆస్పిరేటెడ్ యూనిట్ కొరకు ఆప్షనల్ 5-స్పీడ్ ఆటోమేటిక్ వస్తున్నాయి.

హ్యుందాయ్ ఎక్స్​టర్​ ఎస్​యూవీ 1.2-లీటర్ కప్పా 4-సిలిండర్ పెట్రోల్ ఇంజిన్​తో వస్తుంది. ఇది 82 బీహెచ్​పీ పవర్​, 113.8 ఎన్ఎమ్ ఉత్పత్తి చేస్తుంది.

నిస్సాన్ మాగ్నైట్ వర్సెస్ హ్యుందాయ్ ఎక్స్​టర్​: ఫీచర్స్​..

నిస్సాన్ మాగ్నిట్ ఫేస్​లిఫ్ట్​లో వైర్లెస్ ఆండ్రాయిడ్ ఆటో, యాపిల్ కార్ ప్లేతో కూడిన 8-ఇంచ్​ టచ్​స్క్రీన్​ ఇన్ఫోటైన్మెంట్ సిస్టమ్, మెరుగైన గ్రాఫిక్స్​తో 7-ఇంచ్​ డిజిటల్ ఇన్​స్ట్రుమెంట్ క్లస్టర్, పుష్ స్టార్ట్ / స్టాప్ బటన్, ఆటోమేటిక్ క్లైమేట్ కంట్రోల్, యుఎస్బీ టైప్-సీ పోర్ట్​ని పొందుతుంది. అయితే ఇది ఎలక్ట్రిక్ సన్​రూఫ్​ను కోల్పోయింది.

మరోవైపు, హ్యుందాయ్ ఎక్స్​టర్​ ఎస్​యూవీలో ఎలక్ట్రిక్ సన్​రూఫ్​తో పాటు ఫుట్ వెల్ లైటింగ్, మెటల్ పెడల్స్, హ్యుందాయ్ బ్లూలింక్ కనెక్టెడ్ కార్ టెక్నాలజీతో కూడిన 8.0 ఇంచ్​ టచ్​స్క్రీన్ ఇన్ఫోటైన్​మెంట్ సిస్టమ్, క్రూయిజ్ కంట్రోల్ ఉన్నాయి. ఎక్స్​టర్​లో వైర్లెస్ ఫోన్ ఛార్జింగ్, కనెక్టెడ్ కార్ ఫీచర్లు కూడా ఉన్నాయి. ఇది టెక్ పరంగా కొద్దిగా ప్రయోజనాన్ని ఇస్తుంది. అయితే, మాగ్నైట్ యాంబియంట్ లైటింగ్, పెద్ద అల్లాయ్ వీల్స్ వంటి అదనపు ఫీచర్లను సైతం అందిస్తుంది.

నిస్సాన్ మాగ్నైట్ వర్సెస్ హ్యుందాయ్ ఎక్స్​టర్​-ధర..

కొత్త మోడల్ కోసం నిస్సాన్ మునుపటి ధరనే ఉంచింది! 2024 మాగ్నైట్ రూ .5.99 లక్షల నుంచి ప్రారంభమై రూ .11.50 లక్షల వరకు ఉంటుంది. మరోవైపు హ్యుందాయ్ ఎక్స్​టర్​ ఎస్​యూవీ ప్రారంభ ధర రూ .6.12 లక్షలు. టాప్ ఎండ్​ మోడల్​ ధర రూ .10.43 లక్షలు.