Goshamahal Pedda Nala: గోషామహల్ లో కుంగిన పెద్ద నాలా, కుప్పకూలిన దుకాణాలు

Pedda Nala collapses at Goshamahal: హైదరాబాద్ గోషామహల్ చాక్నవాడిలో పెద్దనాలా కుంగిపోయింది. శుక్రవారం జరిగిన ఈ ఘటనలో నాలాలో కార్లు, ఆటోలు, ద్విచక్రవాహనాలు పడిపోయాయి. నాలాపై ఉన్న దుకాణాలు కూడా నాలాలో పడిపోయాయి. ఈ ఘటనలో పలువురు తీవ్రంగా గాయపడ్డారు. రంగంలోకి దిగిన పోలీసులు సహాయక చర్యలు చేపట్టారు.

గోషామహల్ లో నడి రోడ్డుపై ఉన్న పెద్ద నాలా అర కిలోమీటర్ కు పైగా దూరం కుంగిపోయింది. ఇవాళ అక్కడ సంత జరగుతుండటంతో నాలాపైనే కూరగాయాలతో ఇతర సరుకులను వ్యాపారులు విక్రయిస్తుంటారు. ఒక్కసారిగా నాలా కుంగిపోవడంతో కూరగాయలు, సరుకులన్నీ నాలాలోకి పడిపోయాయి. ఇక ఈ ప్రాంతంలో పార్క్ చేసిన వాహనాలు నాలాలో పడిపోయాయి. ఇందులో కార్లు, ఆటోలు, ద్విచక్ర వాహనాలు కూడా ఉన్నాయి. నాలాపై దుకాణాలు నిర్వహిస్తున్నవారు కుంగిపోవడంతో అందులో పడిపోయారు. రోడ్డు కుంగే సమయంలో రద్దీ తక్కువగా ఉండటం, వాహనాల రాకపోకలు లేకపోవటంతో పెను ప్రమాదం తప్పిందని స్థానికులు చెబుతున్నారు.

ఒక్కసారిగా రోడ్డు కుంగిపోవటంతో స్థానికులు ఆందోళనకు గురవుతున్నారు. ఘటనాస్థలికి చేరుకుంటున్న జీహెచ్ఎంసీ అధికారులు.. ఘటనకు గల కారణాలను పరిశీలిస్తున్నారు.