Bengal train accident : పశ్చిమ్​ బెంగాల్​ రైలు ప్రమాదం ఎలా జరిగింది? మానవ తప్పిదమే కారణమా?

Kanchanjunga express accident : పశ్చిమ్​ బెంగాల్​లో సోమవారం ఉదయం జరిగిన రైలు ప్రమాదం.. యావత్​ దేశాన్ని షాక్​కు గురిచేసింది. డార్జిలింగ్​ జిల్లాలోని రంగపాణి స్టేషన్​కి సమీపంలో కాంచన్​జంగ ఎక్స్​ప్రెస్​ని ఒక గూడ్స్​ రైలు వెనుక నుంచి ఢీకొట్టింది. ఈ ఘటనలో 15మంది మరణించారు. మరో 60మంది గాయపడ్డారు. అయితే.. ఈ రైలు ప్రమాదం వెనుక మానవ తప్పిదం ఉండొచ్చని అనుమానాలు వ్యక్తమవుతున్నాయి.

పశ్చిమ్​ బెంగాల్​ రైలు ప్రమాదం ఎలా జరిగింది..?

పశ్చిమ్​ బెంగాల్​ రైలు ప్రమాదం ఘటనపై సమాచారం అందుకున్న వెంటనే సహాయక చర్యలు ముమ్మరంగా చేపట్టారు అధికారులు. మరోవైపు.. సీనియర్​ అధికారులు సైతం ఘటనాస్థలాన్ని పరిశీలించారు.

ప్రాథమిక దర్యాప్తు ప్రకారం.. గూడ్స్​ రైలు.. సిగ్నల్​ని పట్టించుకోకుండా ముందుకు వెళ్లి, కాంచన్​జంగ ఎక్స్​ప్రెస్​ని ఢీకొట్టినట్టు తెలుస్తోందని అధికారులు వివరించారు.

"ప్రాథమిక దర్యాప్తు ప్రకారం.. ఇదొక మానవ తప్పిందగా అనిపిస్తోంది. సిగ్నల్​ని పట్టించుకోకపోవడం ప్రమాదానికి కారణం అని పరిస్థితిని చూస్తే అనిపిస్తోంది. ఈ ఘటనలో.. గూడ్స్​ రైలు డ్రైవర్​, అసిస్టెంట్​ డ్రైవర్​ మరణించారు. కాంచన్​జంగ ఎక్స్​ప్రెస్​ గార్డు కూడా ప్రాణాలు కోల్పోయాడు," అని రైల్వే బోర్డు ఛైర్మన్​- సీఈఓ జయ వర్మ సిన్హ తెలిపారు.

West Bengal train accident today : అసోంలోని సిల్చార్​ నుంచి కోల్​కతాలోని సిల్దాహ్​ మధ్య నడుస్తుంది కాంచన్​జంగ ఎక్స్​ప్రెస్​. ఈశాన్య భారతంలో ప్రస్తుతం పర్యటన సీజన్​ నడుస్తోంది. ఫలితంగా.. చాలా మంది రైలు సేవలను వినియోగించుకుంటున్నారు. ఈ సమయంలో.. రైలు ప్రమాదం జరగడం సర్వత్రా ఆందోళనకు గురిచేస్తోంది.

ఉత్తర బంగాల్​లోని న్యూ జల్​పైగురిలోని రంగపాణి స్టేషన్​కి సమీపంలో ఈ ఘటన. ఇక్కడ కవచ్​ వ్యవస్థని వేగంగా విస్తరించాలని జయ వర్మ అభిప్రాయపడ్డారు.

మరోవైపు.. ఎన్​డీఆర్​ఎఫ్​, ఎస్​డీఆర్​ఎఫ్​ బృందాలు ప్రమాద ఘటనలో సహాయక చర్యలను కొనసాగిస్తున్నాయి.

మరోవైపు.. ఎన్​డీఆర్​ఎఫ్​, ఎస్​డీఆర్​ఎఫ్​ బృందాలు ప్రమాద ఘటనలో సహాయక చర్యలను కొనసాగిస్తున్నాయి. ఉదయం 8 గంటల 30 నిమిషాలకు ఈ ప్రమాదం జరిగ్గా.. ఆ సమయంలో.. ఐదుగురు మరణించినట్టు, మరో 30మంది గాయపడినట్టు అధికారులు చెప్పారు.

West Bengal train accident death toll : పశ్చిమ్​ బెంగాల్​ రైలు ప్రమాదంపై ప్రధానమంత్రి నరేంద్ర మోదీ స్పందించారు.

"పశ్చిమ్​ బెంగాల్​ రైలు ప్రమాద ఘటన బాధాకరం. మృతుల కుటుంబాలకు ప్రగాఢ సానుభూతి. గాయపడినవారు వేగంగా కోలుకోవాలని ప్రార్థిస్తున్నాను. అధికారులతో మాట్లాడి, తాజా పరిస్థితులను తెలుసుకున్నాను. సహాయక చర్యలు కొనసాగుతున్నాయి. రైల్వే మంత్రి అశ్విణి వైష్ణవ్​ కూడా ఘటనాస్థలాన్ని పరిశీలిస్తారు," అని ఎక్స్​లో ట్వీట్​ చేశారు మోదీ.

మరోవైపు.. పీఎం రిలీఫ్​ ఫండ్​ నుంచి మృతుల కుటుంబాలకు రూ. 2 లక్షల ఎక్స్​గ్రేషియా, గాయపడిన వారికి రూ. 50వేల పరిహారాన్ని ఇస్తున్నట్టు పీఎంఓ ప్రకటించింది.

West Bengal train accident live updates : పశ్చిమ్​ బెంగాల్​ సీఎం మమతా బెనర్జీ సైతం.. ఘటనాస్థలాన్ని పరిశీలించనున్నారు. డార్జిలింగ్​ ఎంపీ రాజు బిస్తా.. ఇప్పటికే ఘటనాస్థలం వద్ద సహాయక చర్యలను పరిశీలిస్తున్నారు.