Navarathri Prasadams: నవరాత్రుల్లో ఏ రోజు ఏ అమ్మవారికి ఎలాంటి ప్రసాదం సమర్పించాలి?

హిందువుల పవిత్ర పండుగ దుర్గా నవరాత్రులు. ఇవి అక్టోబర్ 3 నుంచి ప్రారంభం కానున్నాయి. ఈ పండుగ తొమ్మిది రోజుల పాటు జరుగుతుంది, ఈ రోజుల్లో దుర్గామాత తొమ్మిది రూపాలను పూజిస్తారు. ఈ సమయంలో భక్తులు దుర్గాదేవిని పూజించి ఉపవాసం కూడా చేస్తారు. ఈ రోజుల్లో దుర్గా దేవి తొమ్మిది విభిన్న రూపాల్లో, తొమ్మిది రకాలైన నైవేద్యాన్ని సమర్పిస్తారు. ఇలా చేయడం ద్వారా అమ్మవారు ఎంతో సంతోషించి భక్తుల కోర్కెలు తీరుస్తుందని చెబుతారు. నవరాత్రుల్లో తొమ్మిది రోజులూ అమ్మవారికి ఎలాంటి భోగాలు సమర్పిస్తారో తెలుసుకుందాం.

మొదటి రోజు

నవరాత్రులలో మొదటి రోజు శైలపుత్రి మాతను పూజిస్తారు. ఈ రోజున ఘటస్థాపన చేస్తారు, తరువాత నవరాత్రులు 9 రోజులు పండుగ చేసుకుంటారు. నవరాత్రులలో మొదటి రోజున ఆవు నెయ్యితో చేసిన భోగాన్ని అమ్మవారికి సమర్పించడం ఆనవాయితీ. ఈ రోజున ప్రసాదం కోసం ఆవు నెయ్యితో హల్వా, రబ్రీ లడ్డూలు తయారు చేసుకోవచ్చు.

రెండో రోజు

శారదా నవరాత్రులలో రెండవ రోజున బ్రహ్మచారిణి అమ్మవారిని పూజిస్తారు. ఈ రోజున, మీరు రాణి తల్లికి పంచదార (చక్కెర మిఠాయి), పంచామృతాన్ని సమర్పించవచ్చు. నవరాత్రులలో 9 రోజుల ఉపవాసం ఉంటే పంచదార, పంచామృతాన్ని ప్రసాదంగా కూడా తినవచ్చు.

మూడో రోజు

శారదా నవరాత్రులలో మూడవ రోజు చంద్రఘంటా దేవికి అంకితం చేశారు. మత విశ్వాసాల ప్రకారం అమ్మవారికి పాలు అంటే చాలా ఇష్టం. అందుకే నవరాత్రుల్లో మూడో రోజున పాలతో చేసిన వంటకాన్ని భోగంగా సమర్పించాలన్న నియమం ఉంది. అమ్మవారికి పాలతో చేసిన స్వీట్లు, ఖీర్ సమర్పించవచ్చు.

నాల్గో రోజు

నవరాత్రులలో నాల్గవ రోజు కూష్మాండ దేవికి అంకితం చేశారు. వీరికి మాల్పూస్ అంటే చాలా ఇష్టమని చెబుతారు. అందువలన నవరాత్రులలో నాల్గవ రోజున తల్లికి మాల్పువా సమర్పించడం అత్యంత పవిత్రమైనదిగా భావిస్తారు.

అయిదో రోజు

నవరాత్రులలో ఐదవ రోజున స్కంధమాత అమ్మవారిని పూజిస్తారు. ఈ రోజున రాణిమాతకు పండ్లు నైవేద్యంగా సమర్పించాలనే నియమం ఉంది. నవరాత్రులలో ఐదో రోజున ఆపిల్, అరటిపండ్లతో పాటు ఇతర సీజనల్ పండ్లను సమర్పించవచ్చు.

ఆరో రోజు

శారదా నవరాత్రులలో ఆరవ రోజు ఋషి కుమార్తె కాత్యాయనికి అంకితం. నవరాత్రుల్లో ఆరో రోజు ఇతర వంటకాలతో పాటు సొరకాయ, తేనె, తీపి పాన్ చేర్చాలి.

ఏదో రోజు

నవరాత్రులలో ఏడవ రోజున కాళరాత్రి దేవిని పూజిస్తారు. ఈమెను దుష్టుల వినాశకురాలిగాగా పిలుస్తారు. శరన్నవ రాత్రుల్లో ఏడో రోజున బెల్లంతో చేసిన ప్రసాదాన్ని నివేదిస్తారు.

ఎనిమిదో రోజు

శారదా నవరాత్రులలో ఎనిమిదవ రోజు మహాగౌరీ దేవి పూజిస్తారు. నవరాత్రులలో ఎనిమిదో రోజున కొబ్బరి నైవేద్యాలు సమర్పించడం మంచిది. ఈ రోజున పచ్చికొబ్బరి సమర్పించడంతో పాటు కొబ్బరి లడ్డూలను ప్రసాదంగా కూడా సమర్పించవచ్చు.

తొమ్మిదో రోజు

నవరాత్రులలో తొమ్మిదవ రోజు సిద్ధి ధాత్రి మాతకు అంకితం చేశారు. ఈ రోజుతో నవరాత్రుల పండుగ ముగుస్తుంది. నవరాత్రులలో మొదటి రోజు ఘట స్థాపన తరువాత తొమ్మిదవ రోజున అమ్మవారికి వీడ్కోలు పలుకుతారు. అందువల్ల ఈ రోజున ప్రసాదంలో శనగలు, హల్వా, పూరీ, ఖీర్ నైవేద్యాలు సమర్పించాలనే నియమం ఉంది.