Sunday Motivation : నిజమైన సక్సెస్​ కావాలంటే.. మీ కంఫర్ట్ జోన్​ నుంచి బయటకు రండి-sunday motivation on if everything was perfect you would never earn and you would never grow ,లైఫ్‌స్టైల్ న్యూస్
తెలుగు న్యూస్  /  Lifestyle  /  Sunday Motivation On If Everything Was Perfect You Would Never Earn And You Would Never Grow

Sunday Motivation : నిజమైన సక్సెస్​ కావాలంటే.. మీ కంఫర్ట్ జోన్​ నుంచి బయటకు రండి

Geddam Vijaya Madhuri HT Telugu
Jul 17, 2022 09:01 AM IST

అబ్బా నేను కంఫర్ట్ జోన్​లో ఉన్నాను. నాకేమి ప్రాబ్లమ్ లేదు అనుకుంటాము కానీ. కంఫర్ట్ జోన్​లో ఉంటేనే ప్రాబ్లమ్స్ వస్తాయి. మనం కొత్తగా ఏమి నేర్చుకోము. నేర్చుకోవాలనే ఆసక్తి కూడా ఉండదు. ఏది నేర్చుకోకపోతే ఇక బతికి ఉండేది ఎందుకు. బావిలో కప్పల్లా మిగిలిపోవడానికా? కాదు అనుకుంటే దాని నుంచి బయటకు రండి. మిగిలిన ప్రపంచాన్ని చూడండి.

కోట్ ఆఫ్ ద డే
కోట్ ఆఫ్ ద డే

Sunday Motivation : కంఫర్ట్ జోన్. చాలా మంది కోరుకునేది ఇదే. ఈ కంఫర్ట్ జోన్ అనేది చాలా డేంజర్. అందరికీ కావాలి అనిపిస్తుంది. కానీ ఒక్కసారి దానిలోకి వెళ్లామంటే మనల్ని సోమరిపోతుల్ని చేసేస్తుంది. అదేంటి అనుకుంటున్నారా? అవును నిజమే మరి. ఒక్కసారి కంఫర్ట్ జోన్​లోకి వెళ్తే.. మనం నేర్చుకునేది ఏమి ఉండదు. కొత్తగా ఏది ప్రయత్నించము. ఒక చిన్న సర్కిల్ ఉంటుంది. దానిలో ఉండిపోతాము. బయటప్రపంచంతో సంబంధం లేదన్నట్లు మారిపోతాము. మీరు కంఫర్ట్ జోన్​లో ఉంటే.. మీరు ఎప్పటికీ ఏది నేర్చుకోలేరు. ఎప్పటికీ ఎదగలేరు.

ట్రెండింగ్ వార్తలు

ఉదాహరణకు.. చిన్నప్పుడు మనల్ని అమ్మ ఎత్తుకునేది. కానీ ఒక దశకు వచ్చాక.. మనల్ని తన ఒడి నుంచి కిందకి దించుతుంది. అమ్మ ఒడి కంఫర్ట్ జోన్​ అనుకుంటే.. దాని నుంచి అమ్మే బయటకు పంపిస్తుంది. కానీ ఎందుకు మనం నడక నేర్చుకోవాలని. ముందు అమ్మ దించేసింది అని ఏడ్చినా.. నడవడం కష్టం అయినా.. మనం ట్రై చేస్తాము. తర్వాత మెల్లిమెల్లిగా నడవడం ప్రారంభిస్తాము. ఆ తర్వాత పరుగెడతాము. తర్వాత అథ్లెటిక్​ అయినా ఆశ్చర్యం లేదు. ఇవన్నీ ఎలా జరిగాయంటే.. అమ్మ మన కంఫర్ట్​ జోన్ నుంచి మనల్ని బయటకి తీసుకొచ్చినప్పుడు.

అన్నీ అంతే అబ్బా. కంఫర్ట్ జోన్​ నుంచి బయటకు వచ్చినప్పుడు అన్ని విషయాలు మనకు అనుకూలంగా ఉండవు. ఒకరోజు కష్టంగా ఉండొచ్చు. రెండో రోజు ఇంకా కష్టంగా ఉండొచ్చు. అలాంటప్పుడే నువ్వు ఏమి చేస్తే లైఫ్​ బాగుంటుందో అని ఆలోచిస్తావు. ఇంకా ఎక్కువ కష్టపడతావు. ఒక్కరోజులో నడక నేర్చుకోగలమా ఏంటి? అలాగే ఎక్కువ రోజులే పడుతుంది. నువ్వు సక్సెస్ రుచి చూడడానికి. కానీ అప్పటివరకు నువ్వు ప్రయత్నం ఆపకూడదు.

లైఫ్​లో సక్సెస్​ కావాలంటే ముందు కంఫర్ట్ జోన్​ నుంచి బయటకు రావాలి. మనమే కాదు కొందరు కూడా అనుకోవచ్చు. వీడేం చేస్తున్నాడు రా మంచి లైఫ్ వదిలేసి ఇంత కష్టపడుతున్నాడని.. కానీ మీరు సక్సెస్​ అయిన రోజు.. వారే మిమ్మల్ని పొగుడుతారు. ఇవన్నీ మీరు కంఫర్ట్ జోన్​లో ఉంటే జరిగేదా? ఈ విషయాలు మీరు నేర్చుకునేవారా? పైగా ఈ సమయంలోనే మీకు ఎవరు ఎలాంటి వారో తెలుస్తుంది. కాబట్టి ఫ్యూచర్​లో వారితో మరింత జాగ్రత్తగా ఉండొచ్చు. పైగా మనం ఎదుర్కునే క్లిష్ట పరిస్థితులు మనకు చాలా పాఠాలు నేర్పిస్తాయి. మనం నేర్చుకున్న వాస్తవాల వల్ల మాత్రమే మనం ఎదుగుతాము.

WhatsApp channel

సంబంధిత కథనం

టాపిక్