Parenting Tips : ఎండలు ఎక్కువగా ఉన్నాయని పిల్లలను ఏసీ గదిలో పడుకోబెట్టకూడదు
Parenting Tips In Telugu : ఈ కాలంలో చాలా మంది వేసవి వస్తే చాలు ఏసీని ఆఫ్ చేయరు. శిశువులను కూడా ఏసీ గదుల్లో పడుకోబెడతారు. ఇది చాలా ప్రమాదకరం.
ప్రస్తుతం వేసవి కాలం కొనసాగుతోంది. దీంతో చాలా మంది తమ ఇళ్లలో ఏసీని ఎక్కువగా వాడడం చేస్తుంటారు. భారతదేశంలోని పలు రాష్ట్రాల్లో ఇప్పటికే ఉష్ణోగ్రతలు అధికంగా నమోదు అవుతున్నాయి. దీనితో ఏసీని వాడడం చాలా మంది ఇళ్లలో ఆనవాయితీగా వస్తోంది. అయితే చిన్న పిల్లలకు ఏసీ వల్ల మేలు కంటే చెడే ఎక్కువ జరుగుతుంది.
రోగనిరోధక వ్యవస్థపై ప్రభావం
అయితే నిత్యం ఏసీని వాడటం వల్ల పిల్లల శారీరక ఎదుగుదల తగ్గుతుంది. రోగనిరోధక వ్యవస్థపై ప్రభావం పడుతుందని నిపుణులు చెబుతున్నారు. ఎందుకంటే శిశువు చర్మం చాలా సున్నితంగా ఉంటుంది. AC నిరంతరం చల్లని, పొడి గాలిని విడుదల చేస్తుంది. ఇది పిల్లలలో దురద చర్మాన్ని కలిగిస్తుంది. ఇది కాకుండా ఆ చల్లని గాలి పిల్లల ముక్కు, గొంతుపై ప్రభావం చూపుతుంది. ఇది వారి శ్వాసకోశ సమస్యల ప్రమాదాన్ని పెంచుతుంది.
గాలిలో తేమను తగ్గిస్తుంది
సాధారణంగా AC గాలిని శుభ్రపరుస్తుంది. అయితే ఇది గాలిలో తేమను తగ్గిస్తుందని గుర్తుంచుకోవాలి. దీని నుండి వచ్చే పొడి గాలి శ్వాసకోశ వ్యవస్థను చికాకుపెడుతుంది. ముఖ్యంగా ఇప్పటికే ఉబ్బసం లేదా శ్వాస సమస్యలు ఉన్న పిల్లలకు, పొడి గాలి వారి నాసికాపై ప్రభావం చూపిస్తుంది. దీని వల్ల పిల్లల శరీరంలోకి దుమ్ము, బాక్టీరియా సులభంగా చేరుతాయి.
ఎదుగుదలపై ప్రభావం
శిశువులకు చల్లని వాతావరణం అవసరం లేదు. ఎందుకంటే వారి పెరుగుదలకు సమతుల్య ఉష్ణోగ్రత చాలా అవసరం. పిల్లలు అతి శీతల వాతావరణానికి గురైనట్లయితే, అది వారి శరీర ఉష్ణోగ్రతను నియంత్రించే సామర్థ్యాన్ని బలహీనపరుస్తుంది. ఫలితంగా వాతావరణ మార్పులతో ముందుగానే జలుబు చేసే ప్రమాదాన్ని పెంచుతాయి. అంతే కాకుండా చల్లని వాతావరణంలో పిల్లల శరీర పనితీరు కొద్దికొద్దిగా తగ్గడం మొదలవుతుంది. దీని వల్ల పిల్లల శారీరక ఎదుగుదల బాగా దెబ్బతింటుంది.
గదిలో తేమ ఉండేలా చూసుకోండి
అంటే ఏసీ అస్సలు వాడకూడదని కాదు. వేసవి కాలంలో ఏసీని అవసరాన్ని బట్టి కొద్దిసేపు మాత్రమే ఉపయోగించండి. అలాగే AC ఉష్ణోగ్రత 24, 26 డిగ్రీల సెల్సియస్ మధ్య ఉండేలా చూసుకోండి. ముఖ్యంగా, గది ఉష్ణోగ్రత అకస్మాత్తుగా పడిపోకుండా ఉండేలా చూసుకోవాలి. గదిలో తేమను తగినంత మొత్తంలో ఉండేలా చేయాలి. గాలిలో తేమను నిర్వహించడం చాలా ముఖ్యం.
సహజ గాలి అవసరం
సహజ గాలి వాతావరణం చిన్న పిల్లలకు చాలా మంచిది. గది కిటికీలను వీలైనంత వరకు తెరిచి ఉంచండి. అదేవిధంగా, పిల్లలను క్రమం తప్పకుండా ఉదయం సూర్యరశ్మికి తీసుకెళ్లండి. ఇది వారి ఆరోగ్యానికి కూడా చాలా మేలు చేస్తుంది. ముఖ్యం గా ఏసీ వాడేటపుడు చాలా జాగ్రత్తగా ఉండండి. పిల్లల ఆరోగ్యం విషయంలో జాగ్రత్తలు తీసుకోండి. ఎందుకంటే, చిన్నపాటి అజాగ్రత్త కూడా మీ పిల్లల ఆరోగ్యాన్ని బాగా ప్రభావితం చేస్తుందని గుర్తుంచుకోండి.
వేసవిలో ఇంట్లోకి సహజంగా గాలి వచ్చేలా చేయండి. ఇంటిని చల్లగా ఉంచుకునేందుకు చిట్కాలు పాటించండి. రాత్రిపూట కిటికీలను తెరిచి ఉంచండి. ఉదయంపూట తెరిచినా కర్టెన్లు ఉపయోగించండి. వేసవిలో ఫ్రిజ్ నీటిని కాకుండా కుండలో పెట్టిన నీటిని తాగండి. అవి కూడా చల్లగానే ఉంటాయి. ఫ్రిజ్ నీరు ఆరోగ్యానికి మంచివి కావు.
