డెంగీ లక్షణాలుంటే ఒక్క బొప్పాయి పండు తినిచూడండి..ఈ పండులో ఎన్నెన్ని ఔషధ గుణాలో-get to know the health benefits of papaya fruit ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  డెంగీ లక్షణాలుంటే ఒక్క బొప్పాయి పండు తినిచూడండి..ఈ పండులో ఎన్నెన్ని ఔషధ గుణాలో

డెంగీ లక్షణాలుంటే ఒక్క బొప్పాయి పండు తినిచూడండి..ఈ పండులో ఎన్నెన్ని ఔషధ గుణాలో

Manda Vikas HT Telugu
Dec 27, 2021 06:08 PM IST

సీజనల్‌గా లభించే ఏ పండ్లు తినడమైనా ఆరోగ్యానికి మంచిదే, అయితే బొప్పాయి అదనంగా ఔషధ గుణాలను కలిగి ఉంటుంది. దీని పండ్లు, ఆకులు అనేక ఆరోగ్య ప్రయోజనాలను అందిస్తుంది. బొప్పాయి మొక్కలోని ప్రతి భాగం యాంటీ బాక్టీరియల్ లక్షణాలను కలిగి ఉంటుంది.

Papaya Fruit.
Papaya Fruit. ( Shutterstock)

బొప్పాయి, బొప్పాసి  లేదా పాపిటా, మరికొన్ని చోట్ల కొప్పడి పండు అని కూడా పిలుస్తారు. పేర్లు ఎన్ని ఉన్నా ఈ పండు వల్ల ఎన్నో ఆరోగ్య ప్రయోజనాలు ఉన్నాయి. దీని శాస్త్రీయ నామం కారికా బొప్పాయి. ఇది ఉష్ణమండల ప్రాంతాల్లో పెరుగుతుంది, మన దేశంలో అత్యంత ఇష్టపడే పండ్లలో బొప్పాయి ఒకటి. 

సీజనల్‌గా లభించే ఏ పండ్లయినా ఆరోగ్యానికి మంచిదే, అయితే బొప్పాయి అదనపు ఔషధ గుణాలను కలిగి ఉంటుంది. దీని పండ్లు, ఆకుల వల్ల అనేక ఆరోగ్య ప్రయోజనాలు ఉన్నాయి. బొప్పాయి మొక్కలోని ప్రతి భాగం యాంటీ బాక్టీరియల్ లక్షణాలను కలిగి ఉంటుంది. ఇంకో గొప్ప విషయం ఏమిటంటే, సీజన్‌తో సంబంధం లేకుండా ఏడాది పొడవునా బొప్పాయి లభ్యమవుతుంది.

బొప్పాయి ఆకుతోనూ ప్రయోజనమే

ఇటీవల కాలంలో బొప్పాయి పండు చాలా ప్రాముఖ్యతను సంతరించుకుంది. డెంగీ జ్వరం బారినపడిన వారికి వైద్యులు బొప్పాయి తినాల్సిందిగా సూచిస్తున్నారు. డెంగీ జ్వరానికి ఇప్పటివరకు నిర్ధిష్ట చికిత్స అంటూ ఏదీ లేదు. ముఖ్యంగా వారి రక్తంలో ప్లేట్‌లెట్‌ కణాల సంఖ్య పడిపోతుంది. అయితే బొప్పాయి పండు తినడం ద్వారా ప్లేట్‌లెట్‌ల సంఖ్యను పెంచడంలో సహాయపడుతుంది. అలాగే బొప్పాయి ఆకు రసాన్ని కూడా డెంగీ లక్షణాలకు చికిత్సగా అందించవచ్చు. బొప్పాయి ఆకు రసం తీసుకున్నవారి రక్తంలో ప్లేట్‌లెట్ల స్థాయి విపరీతంగా పెరిగినట్లు పలు అధ్యయనాలు నిరూపించాయి.  ఇక్కడ గమనించాల్సిన విషయం ఏమిటంటే బొప్పాయి ఆకు రసం అందరి శరీరానికి పడకపోవచ్చు అలాంటి సమయంలో బొప్పాయి పండు తినడం మేలు.

బొప్పాయి పండు అందించే మరికొన్ని ఆరోగ్య ప్రయోజనాలు ఇక్కడ చూద్దాం:

  • హృదయనాళవ్యవస్థ పనితీరుకు తోడ్పడే విటమిన్లు, ఖనిజాలు బొప్పాయిలో పుష్కలంగా లభిస్తాయి. ఈ పండు గుండెపోటుప్రమాదాన్ని తగ్గించడంలో సహాయపడుతుంది, ఇందులో ఉండే ఫైబర్, పొటాషియం, విటమిన్ కంటెంట్ గుండె ఆరోగ్యాన్ని మెరుగుపరుస్తుంది.
  • గర్భాశయ, రొమ్ము, కాలేయం, ఊపిరితిత్తులు, పాంక్రియాస్‌ సహా వివిధ రకాలక్యాన్సర్‌ల నుండి కాపాడే క్యాన్సర్ నిరోధక లక్షణాలు బొప్పాయిలో ఉన్నాయని కొన్ని అధ్యయనాలు సూచిస్తున్నాయి. లైకోపీన్, బీటా కెరోటిన్స్, కెరోటినాయిడ్స్ లాంటి యాంటీఆక్సిడెంట్లు అధికంగా ఉండే ఈ పండుశరీరంలో ఫ్రీ రాడికల్స్ వల్లకలిగే నష్టాన్ని తగ్గిస్తుంది.
  • రక్తంలో చక్కెర స్థాయిని సమతుల్యం చేయడంలో సహాయపడుతుంది. బొప్పాయి ఆకుతో చేసిన రసం డయాబెటిక్ రోగులకుచికిత్స చేయడానికి సహజ ఔషధంగా ఉపయోగపడుతుంది. బొప్పాయిలో జీర్ణక్రియను మెరుగుపరిచే రెండు ప్రోటీయోలైటిక్ ఎంజైమ్‌లు, పాపైన్, చైమోపాపైన్ ఉన్నాయి. ఈ ఎంజైమ్‌లు ప్రోటీన్‌లనువిచ్ఛిన్నం చేయడానికి, జీర్ణం చేయడానికి సహాయపడతాయి. అంతేకాకుండా దీనిని శక్తివంతమైన జీర్ణ సహాయకారిగా పిలుస్తారు.
  • బొప్పాయిలోయాంటీ ఇన్‌ఫ్లమేటరీ లక్షణాలు కూడా ఉన్నాయి, పాపైన్సమ్మేళనం కారణంగా. ఇది ఆర్థరైటిస్, డయాబెటిస్, అధిక రక్తపోటు లాంటి వ్యాధులకు వ్యతిరేకంగా పోరాడే శక్తివంతమైన ఆహారంగా సహాయపడుతుంది. ఇది కాకుండా, బొప్పాయిఛాతిలో మంట, ఆసిడిటీ లక్షణాలు, మలబద్ధకాన్ని కూడా తగ్గిస్తుంది. ఒకఅధ్యయనం ప్రకారం బొప్పాయి ఆకు సారం పాదాలలోవాపు, మంటను గణనీయంగా తగ్గించడంలో సహాయపడిందని పేర్కొంది.
  • తరచుగాఋతుక్రమం సక్రమంగా లేని మహిళలకు బొప్పాయిపండును తినాల్సిందిగా సూచిస్తారు. వీటిలో ఉండే ఎంజైమ్‌లు పీరియడ్స్ సమయంలో రక్త ప్రవాహాన్ని నియంత్రించడానికి, సులభతరం చేయడానికి సహాయపడతాయి. పీరియడ్స్ సమయంలో కలిగే నొప్పి నివారిస్తుంది, మహిళల్లో ఈస్ట్రోజన్ హార్మోన్ ఉత్పత్తిని పెంచుతుంది.
  • బొప్పాయిజుట్టు పెరుగుదలను ప్రోత్సహిస్తుంది. బొప్పాయి ఆకు రసాన్ని తలకు- అప్లై చేయడం వల్ల జుట్టు పెరుగుదలతోపాటు జుట్టు ఆరోగ్యాన్ని మెరుగుపరుస్తుంది. బొప్పాయి రసంలో యాంటీ ఫంగల్ లక్షణాలు ఉన్నాయి, ఇవి చుండ్రుకు కారణమయ్యేమలాసెజియా అనే ఫంగస్‌ను నియంత్రించడంలోసహాయపడతాయి.
  • బొప్పాయి మెరిసే చర్మాన్ని ఇస్తుంది. ఎందుకంటే ఇది మృత కణాలనుతొలగించడానికి సహాయపడుతుంది. అంతేకాదు, ఈ పండులో బీటాకెరోటిన్ సమృద్ధిగా ఉండటం వల్ల చర్మం ప్రకాశవంతంగా మారడానికి సహాయపడుతుంది. ఇది మీ చర్మాన్నిహైడ్రేట్ గా ఉంచుతుంది. పగిలిన మడమలకు చికిత్స చేయడానికి కూడా దీనిని ఉపయోగించవచ్చు.

 

WhatsApp channel

సంబంధిత కథనం

టాపిక్