Fitness Tips | వేసవిలో ఈ వ్యాయామాలు, చిట్కాలు పాటిస్తే.. బరువు ఇట్టే తగ్గొచ్చు..
పెరుగుతున్న ఉష్ణోగ్రత మీ రోజువారీ వ్యాయామాలను దాటవేయడానికి, సంవత్సరం ప్రారంభంలో మీరు నిర్దేశించుకున్న ఫిట్నెస్ లక్ష్యాలను వదిలేయడానికి ఒక సాకుగా ఉండకూడదు. శీతాకాలంలో చలికి లేవలేక.. వ్యాయామాలు చేయకుండా.. తిని పెంచుకున్న శరీరాన్ని.. తగ్గించుకోవడానికి ఇదే సరైన సమయం. వేసవిలో ఫిట్నెస్ నిపుణుల సహాయంతో బరువు తగ్గేందుకు ప్రయత్నించండి.
Summer Fitness Tips | ప్రతిరోజూ వ్యాయామం చేయడం వల్ల బీఎంఐ ఆరోగ్యంగా ఉండటమే కాకుండా.. మీ రోగనిరోధక శక్తిని బలపరుస్తుంది. ఇది దీర్ఘకాలిక వ్యాధులను కూడా దూరం చేస్తుంది. కాబట్టి వ్యాయామాలకు వేసవి అడ్డుకాకుండా చూసుకోవాలి అంటున్నారు నిపుణులు. కానీ వేసవిలో కొన్ని జాగ్రత్తలు తీసుకుని వ్యాయామాలు చేయాలని సూచిస్తున్నారు. ఆ చిట్కాలు పాటిస్తే.. వేసవిలోనూ ఫిట్నెస్ను కాపాడుకోవచ్చు అంటున్నారు. మరి ఆ చిట్కాలేంటో ఇప్పుడు చుద్దాం.
హైడ్రేటెడ్గా ఉండాలి..
వ్యాయామం చేసే సమయంలో చెమట రావడం సాధారణమే. కానీ వేసవి కాలంలో వర్క్అవుట్స్ చేస్తున్నప్పుడు చెమట మరింత ఎక్కువగా వస్తుంది. ఎక్కువ చెమట బయటకు రావడం వల్ల నీరు, లవణాలు కోల్పోయే అవకాశం ఉంది. కాబట్టి.. నీరు ఎక్కువగా తీసుకుని.. హైడ్రేటెడ్గా ఉండేందుకు శ్రద్ధ వహించాలి. తగినంత నీరు తీసుకోకపోవడం వల్ల అలసట, కళ్లు తిరగడం, నోరు, పెదవులు పొడిబారినట్లు అనిపించే అవకాశముంది.
పోషణపై శ్రద్ధ అవసరం..
ఫిట్నెస్ రొటీన్‌ను పెంచుకునేటప్పుడు తగినంత కేలరీలు లేదా మాక్రోన్యూట్రియెంట్‌లను తీసుకోవడం చాలా ముఖ్యం. మాక్రో లేదా మాక్రోన్యూట్రియెంట్లు కొవ్వు, ప్రోటీన్, పిండి పదార్థాలు, నీరు, ఫైబర్ రూపంలో మీ శరీరానికి పెద్ద పరిమాణంలో అవసరమయ్యే ముఖ్యమైన ఇంధనం. ఇవి శరీరానికి ఎంతో బలాన్ని అందిస్తాయి. వర్క్ అవుట్స్ చేసే సమయంలో ఈ శక్తి మీకు అలసట రానివ్వకుండా ఉపయోగపడుతుంది.
కొన్ని వ్యాయామాలు చేస్తే.. ఫలితాలు మరింత మెరుగ్గా ఉంటాయని సూచిస్తున్నారు. ఆ వ్యాయామాలు ఏంటంటే..
బరువులు ఎత్తడం..
బరువులు ఎత్తడమనేది మీ ఫిట్నెస్ లక్ష్యాలను సాధించడంలో మీకు బాగా సహాయపడుతుంది. ప్రతి కండరానికి.. వారానికి రెండుసార్లు వ్యాయామం చేసుకునేలా ప్లాన్ చేయవచ్చు. శిక్షణ తీసుకున్నప్పుడల్లా.. ప్రతి వ్యాయామాన్ని 4 నుంచి 12 సెట్లు చేయవచ్చు.
కార్డియో
మీ వ్యాయామాలలో కార్డియో చాలా కీలకమైన పాత్ర వహిస్తుంది. కార్డియోవాస్కులర్ వ్యాయామాలు మనకు కేలరీలను బర్న్ చేయడంలో సహాయపడతాయి. అంతేకాకుండా మనలో ఓర్పును పెంచుతాయి. రన్నింగ్, చురుకైన నడక, సైక్లింగ్, హైకింగ్, స్విమ్మింగ్, డ్యాన్స్, మెట్లు ఎక్కడం, క్రీడలు ఆడటం లేదా బర్పీలు చేయడం వంటి వ్యాయామాలు కార్డియో వ్యాయామాలకు కొన్ని ఉదాహరణలు.
HIIT
హై-ఇంటెన్సిటీ ఇంటర్వెల్ ట్రైనింగ్‌లో తీవ్రమైన పని, చిన్న పోరాటాలు ఉంటాయి. ఇవి చేయడం తప్పనిసరి కానప్పటికీ... బిజీ షెడ్యూల్ ఉండేవారికి ఇవి చాలా ఉపయోగపడతాయి. ఎక్కువ సమయం వ్యాయామాలకు వెచ్చించని వారికి.. కేలరీలను బర్న్ చేయడానికి ఇది మంచి ఎంపిక.
సంబంధిత కథనం