Egg diet food : గుడ్లతో ఈ ఆహారాలను తినడం మానుకోండి- లేకపోతే..!

Avoid these mistakes while eating health : గుడ్లు.. ఆరోగ్యానికి ఎంత మంచిదో అందరికి తెలిసిన విషయమే. డైట్​, వెయిట్​లాస్​, వెయిట్​ గెయిన్​.. ఏదైనా గుడ్లను చాలా మంది తమ ఆహారంలో తీసుకుంటారు. గుడ్లు తీసుకోవాలని వైద్యులు, ఫిట్​నెస్​ ట్రైనర్లు కూడా సూచిస్తూ ఉంటారు. గుడ్లు తినడం ఆరోగ్యానికి మంచిదే అయినా.. చాలా మందికి తెలియని విషయం ఒకటి ఉంది. గుడ్లతో పాటు ఇతర ఆహారాలను తినడం వల్ల ఎన్నో అనారోగ్య సమస్యలు వస్తాయి! ఈ విషయం గురించి ఇప్పుడు మనం తెలుసుకుందాము.

ఇవి తినకూడదు..

Eggs in Breakfast : అరటిపండి:- చాలా మంది ప్రతిరోజూ అల్పాహారంగా గుడ్లు, అరటిపండ్లు తినడానికి ఇష్టపడతారు. కానీ బ్రేక్​ఫాస్ట్​లో అరటిపండ్లతో గుడ్లు కలిపి తినడం ఆరోగ్యానికి ప్రమాదకరం. ఎందుకంటే ఈ రెండు ఆహార పదార్థాలను కలిపి తింటే రకరకాల జబ్బులు వస్తాయి. అరటిపండ్లు, గుడ్లు తినడం మీ ఆరోగ్యానికి ఎల్లప్పుడూ ప్రయోజనకరమే. కానీ ఈ రెండు ఆహారాలను వేర్వేరుగా తీసుకోవాల్సి ఉంటుంది.

నిమ్మకాయలు:- నిమ్మకాయను గుడ్డుతో కలపి ఎప్పుడూ తినకండి. ఇలా చేస్తే గుండె సంబంధిత వ్యాధులు వస్తాయి అని వైద్యులు చెబుతున్నారు. అలాగే, గుడ్లు చాలా వేడిని కలిగి ఉంటాయి కాబట్టి, వేసవిలో వాటిని తక్కువ తినడం శరీరానికి, గుండెకు మంచిది.

పుచ్చకాయలు:- పుచ్చకాయను గుడ్లతో కలిపి తీసుకోవడం వల్ల కడుపు నొప్పి, జీర్ణ సమస్యలు వస్తాయి. ఇది గ్యాస్ట్రోఎంటెరిటిస్ ప్రమాదాన్ని కూడా పెంచుతుంది. అందుకే ఈ రెండింటినీ ఒకేసారి తినకూడదని వైద్యులు సూచిస్తున్నారు.

Egg and cheese : చీజ్​:- గుడ్లను.. చీజ్‌తో సహా ఏ రకమైన పాల ఉత్పత్తులతో కలపకూడదు. ఇలా కలిపి తినడం ఆరోగ్యానికి ప్రమాదకరం. ఫలితంగా శరీరంలో ప్రొటీన్ల స్థాయిలు పెరిగి జీర్ణ సమస్యలు తలెత్తుతాయి.

టీ- కాఫీ:- చాలా మంది అల్పాహారంగా గుడ్లు తీసుకుంటారు. ఆ వెంటనే.. టీ లేదా కాఫీని కడుపులో తోస్తారు. ఇది కూడా చెడ్డ అలవాటే! ఇలా చేసినా ఆరోగ్య సమస్యలు తప్పవు. రెండింటి మధ్య కాస్త గ్యాప్​ ఇస్తే సరిపోతుంది.

చేపలు:- గుడ్లు, చేపలను కలిపి తినడం వల్ల అలెర్జీలు ఎక్కువగా వస్తాయి. ఈ రెండు ఆహార పదార్థాలను విడివిడిగా తీసుకుంటేనే మంచిది. ఇలా చేస్తేనే శరీరానికి కూడా మేలు జరుగుతుంది.

Eggs for good health : బ్రెడ్​:- బ్రేక్‌ఫాస్ట్‌లో గుడ్లతో పాటు సాధారణంగా కనిపించేది బ్రెడ్. కానీ ఈ రెండింటినీ కలిపి తింటే.. కడుపు నొప్పి, గ్యాస్‌ సమస్యలు తలెత్తుతాయి. రోజంతా ఇబ్బందికరంగానే ఉండొచ్చు. అందువల్ల.. బ్రెడ్​, గుడ్లను వేరువేరుగా తీసుకోవాలి.

ఆహారం విషయంలో ఇలాంటి చిన్న చిన్న మార్పులు చేయండి.. ఫలితాలను మీరే చూడండి!