Dhanteras 2023 : ధన త్రయోదశి రోజున చేయాల్సినవి, చేయకూడనివి ఏంటో మీకు తెలుసా?
Dhana Trayodashi : ధన త్రయోదశిని అత్యంత పవిత్రంగా భావిస్తారు. ఈ సందర్భంగా మీ జీవితంలో సంపద, శ్రేయస్సును ఆహ్వానించడానికి ముఖ్యమైన నియమాలు, సంప్రదాయాలను కచ్చితంగా పాటించండి.
ధంతేరస్‍ను ధన త్రయోదశి అని కూడా పిలుస్తారు. ఇది భారతీయ గొప్ప పండుగ దీపావళికి ప్రారంభం. కార్తీక మాసం కృష్ణ పక్షం 13వ రోజు వస్తుంది. ఈ పవిత్రమైన రోజున ధన్వంతరి, సంపదల దేవత అయిన లక్ష్మీ దేవిని పూజిస్తారు. ఈ ముఖ్యమైన రోజున కొన్ని చేయవలసినవి, చేయకూడనివి ఉన్నాయి. వాటిని పాటించాలి. అవేంటో తెలుసుకుందాం..
చేయవలసినవి:
మీ ఇంటిని శుభ్రపరచండి, అలంకరించండి : మీ ఇంటిని బాగా క్లీన్ చేయడం ద్వారా రోజును ప్రారంభించండి. మీ ఇంటికి సానుకూల శక్తి, లక్ష్మీ దేవిని స్వాగతించడానికి రంగురంగుల రంగోలిలు, శక్తివంతమైన లైట్లతో అందంగా ఇంటిని అలకరించండి.
బంగారం కొనండి : ధంతేరస్ రోజున సాంప్రదాయకంగా బంగారం, వెండి, పాత్రల కొనుగోలు ఉంటుంది. ఈ రోజున కొన్ని వస్తువులను కొనుగోలు చేయడం వల్ల అదృష్టం, శ్రేయస్సు లభిస్తుందని నమ్ముతారు.
దీపాలు, ధూపాలను వెలిగించండి : సాయంత్రం నూనె దీపాలు, అగరబత్తులు వెలిగించండి. దీపాల మెరుపు చీకటిని, దుష్టశక్తులను పారద్రోలుతుందని నమ్ముతారు. దీపం దైవిక ఆశీర్వాదాలను ఆకర్షిస్తుంది.
లక్ష్మీ పూజ చేయండి : సూర్యాస్తమయం తర్వాత మీ కుటుంబాన్ని ఒక్క దగ్గరకు చేర్చి.., ప్రత్యేకంగా లక్ష్మీ పూజ చేయండి. అమ్మవారికి ఇష్టమైన తీపి పదార్థాలు, పండ్లు, పువ్వులు, ఇతర వస్తువులను సమర్పించండి. లక్ష్మీ మంత్రాలను జపించండి. సంపద, శ్రేయస్సు కోసం ఆశీర్వాదాలు పొందండి.
ధన్వంతరి మంత్రాన్ని పఠించండి : ధన్వంతరి పూజ తప్పకుండా చేయాలి. ధన్వంతరి మంత్రాన్ని జపించడం మంచి అభ్యాసం. మంచి ఆరోగ్యం, శ్రేయస్సు కోరుకునే వారికి ఇది చాలా ఉపయోగకరంగా ఉంటుంది.
నిరుపేదలకు ఇవ్వండి : మీ సంపదను అవసరమైన వారితో పంచుకోవడం ధంతేరస్ రోజున ముఖ్యమైన అంశం. స్వచ్ఛంద సంస్థలకు విరాళం ఇవ్వడం లేదా నిరుపేదలకు సహాయం చేయడం వల్ల ఆశీర్వాదాలు లభిస్తాయి. సంపద పెరుగుతుందని నమ్ముతారు.
చేయకూడనివి :
వాదనలు, ప్రతికూలతను నివారించండి : ధన త్రయోదశి రోజున మీ ఇంటిలో సానుకూల, సామరస్య వాతావరణాన్ని నిర్వహించడం చాలా ముఖ్యం. వాదనలు, ప్రతికూలతలను నివారించండి. ఎందుకంటే అవి సానుకూల శక్తి ప్రవాహాన్ని నిరోధించగలవు.
ఇనుము, ఉక్కు వస్తువులను కొనవద్దు : ధంతేరస్ రోజున ఇనుము, ఉక్కు వస్తువులను కొనకపోవడమే మంచిది. దీనివలన అదృష్టం పోతుందని నమ్ముతారు.
రుణాలు తీసుకోవడం మానుకోండి : ధన త్రయోదశి రోజున డబ్బు తీసుకోవడం లేదా రుణం తీసుకోవడం శుభప్రదంగా పరిగణించబడదు. ఇది భవిష్యత్తులో ఆర్థిక సమస్యలకు దారితీస్తుందని భావిస్తున్నారు. అందుకే ధంతేరస్ రోజున అప్పులు తీసుకోవడం వద్దు.
మాంసం, ఆల్కహాల్‌ను తీసుకోవద్దు : ధంతేరస్‌లో మాంసం, ఆల్కహాల్ తీసుకోవడం మానుకోండి. స్వచ్ఛమైన, సానుకూల మానసిక స్థితిని నిర్వహించడానికి శాకాహార ఆహారాన్ని మాత్రమే తినండి.
