Horoscope Today। ఆగష్టు 29 రాశి ఫలాలు.. ఆ రాశి వారు ప్రయాణాలు వాయిదా వేసుకోవాలి!

చంద్రమానంను అనుసరించి జ్యోతిష్య శాస్త్ర నిపుణులు ప్రేమ్ కుమార్ శర్మ తేదీ ఆగష్టు 29, 2022కు సంబంధించిన రాశి ఫలాలను ఈ విధంగా అందజేశారు.

మేష రాశి

ఈరోజు మేష రాశి వారికి సాధారణంగా గడుస్తుంది, అయినప్పటికీ పనుల్లో పురోగతి ఉంటుంది. వ్యాపారంలో మందగమనం కారణంగా కొంత ఆందోళన ఉండవచ్చు. అవసరానికి సరిపడా డబ్బు ఉంటుంది. కానీ ఖర్చులు అదే రీతిలో ఉండవచ్చు. ఈరోజు ప్రయాణాలు వాయిదా వేసుకోవడం మంచిది. మీకు సంబంధించిన విలువైన వస్తువులు జాగ్రత్త. వాహనం నడిపేవారు అప్రమత్తంగా వ్యవహరించండి. స్వల్ప అనారోగ్య సమస్యలు ఉంటాయి, గాయాలు అయ్యే ప్రమాదం ఉంది.

వృషభ రాశి

వృషభ రాశి వారికి ఈరోజు అనుకూలంగా ఉంది. మీ చుట్టూ ఉన్న వాతావరణం ఆహ్లాదకరంగా ఉంటుంది. ఆధ్యాత్మిక కార్యక్రమాలపై ఆసక్తి పెరుగుతుంది. స్నేహితులతో కలిసి సరదాగా గడపవచ్చు. విందులు, వినోదాల్లో పాల్గొనవచ్చు. కొత్తగా ఏదైనా పని ప్రారంభించేవారు పూర్వాపరాలు పరిశీలించటం మంచిది. విదేశాల్లో విద్యను అభ్యసించాలనుకునే వారికి మంచి అవకాశాలు లభిస్తాయి. ఆఫీసులో ఉద్యోగం చేసే వారికి కొత్త విధులు స్వీకరించాల్సి రావచ్చు.

మిథున రాశి

ఈ రోజు మీకు తీరిక లేకుండా గడుస్తుంది. నూతన కార్యక్రమాలను చేపట్టే అవకాశం ఉంది. మీ వ్యాపారం మెరుగైన రీతిలో పురోగమిస్తుంది. ఆగిపోయిన పనులు పూర్తవుతాయి. కార్యాలయంలో పదోన్నతి పొందే అవకాశాలు ఉన్నాయి. ఈరోజు మీ రంగంలో చేసే ప్రయత్నాలన్నీ విజయవంతమవుతాయి. విద్యార్థుల ప్రతిభ వెలుగులోకి వస్తుంది. వృత్తి జీవితానికి, కుటుంబ జీవితానికి మధ్య సమతుల్యత లోపించవచ్చు.

కర్కాటక రాశి

ఈరోజు కర్కాటక రాశి వారు ప్రతీ విషయంలోనూ అప్రమత్తంగా ఉండాలి. ఆఫీసులో పనిచేసే వారికి సహోద్యోగుల నుంచి కొత్త సమస్యలు కలుగవచ్చు. ఎవరైనా మీ ప్రతిష్టను దెబ్బతీయడానికి ప్రయత్నించవచ్చు. అయితే మీ తెలివితేటలతో సమస్యల నుంచి బయటపడగలుగుతారు. ఆర్థిక పరిస్థితి మునుపటి కంటే బలంగా ఉంటుంది. ప్రయాణాలు లేదా విహారయాత్రలకు వెళ్లే అవకాశం ఉంటుంది. ఆరోగ్యంపై శ్రద్ధ, ఆహరం విషయంలో నియంత్రణ అవసరం.

సింహ రాశి

ఈరోజు మీకు మిశ్రమ రోజుగా ఉంటుంది. సోదరులతో వివాదాలు ఉంటే మీరే ఒక అడుగు వెనకకు తగ్గాల్సి రావచ్చు. పిల్లల చదువుల కోసం ఎక్కువ మొత్తంలో డబ్బు ఖర్చు జరుగుతుంది. వృత్తిరంగంలో ఉన్నవారికి ఈరోజు అనుకూలంగా ఉంది. కొత్త ఉద్యోగం కోసం చూస్తున్న వారికి అవకాశాలు లభిస్తాయి. వైవాహిక జీవితంలో మాధుర్యం ఉంటుంది. మీ వ్యక్తిత్వం పెరుగుతుంది. పిల్లల వైపు నుంచి శుభవార్తలు వింటారు. ఏదైనా విహారయాత్రకు వెళ్లాలని ప్లాన్ వేస్తారు. మీ ఆరోగ్యం బాగానే ఉంటుంది.

కన్య రాశి

ఈరోజు మీకు సంతోషంగా గడిచిపోతుంది. వ్యాపార రంగంలో ఉన్నవారు అనుభవజ్ఞుల నుంచి సలహాలను పొందవచ్చు. మీ జీవిత భాగస్వామి నుంచి ఏదైనా బహుమతి పొందవచ్చు. బట్టల వ్యాపారం చేసే వ్యక్తులు ఆన్‌లైన్ మాధ్యమం ద్వారా మంచి లాభాలను ఆర్జించవచ్చు. వైద్య విద్యార్థులకు ఈరోజు మంచి రోజు అవుతుంది. కుటుంబంలో శాంతి వాతావరణం నెలకొంటుంది. ఉద్యోగులకు స్థానచలనం ఉండవచ్చు. ఖర్చులు అదుపులో ఉంచుకోండి.

తులా రాశి

ఈ రోజు మీకు చాలా ఫలవంతంగా ఉంటుంది. వ్యాపారాలు లాభాసాటిగా సాగుతాయి. మీ అహాన్ని విడిచిపెట్టి, ఇతరుల మాటలను వినడం ద్వారా మీరు ప్రయోజనం పొందవచ్చు.రియల్ ఎస్టేట్ సంబంధిత పనుల్లో ఇబ్బందులు ఎదురుకావొచ్చు. మీరు చేసే ఓ మంచి పనికి సమాజంలో ప్రశంసలు అందుకుంటారు.చాలా కాలంగా కుటుంబానికి దూరంగా ఉన్న వ్యక్తులు కుటుంబ సభ్యులను కలిసే అవకాశం ఉంటుంది. ఈరోజు మీ భాగస్వామి కొన్ని ముఖ్యమైన విషయాలను మీతో పంచుకోవచ్చు.

వృశ్చిక రాశి

ఈ రోజు మీకు గొప్ప రోజు కానుంది. కొత్త వ్యాపారం ప్రారంభించే ముందు పెద్దల సలహా తీసుకోండి. కార్యాలయంలో చాలా రోజులుగా పెండింగ్‌లో ఉన్న పనులను ఈరోజు పూర్తి చేస్తారు. మీ పనికి ప్రశంసలు దక్కుతాయి. చాలా కాలంగా ఒకేచోట పనిచేసే వారి జీతంలో ఇంక్రిమెంట్ ఉంటుంది. ఈరోజు ప్రత్యేక బంధువు రాకతో ఇంటి వాతావరణం ఆహ్లాదకరంగా ఉంటుంది. వైవాహిక బంధంలో మాధుర్యం ఉంటుంది. ఏదైనా ఆధ్యాత్మిక కార్యక్రమంలో పాల్గొనవచ్చు.

ధనుస్సు రాశి

ఈరోజు మీకు చాలా సంతోషకరమైన రోజు. విందులు, వినోదాల్లో పాల్గొంటారు. రాజకీయ రంగంలో పని చేసే వారికి ఉన్నత స్థానం లభిస్తుంది. ఆర్థిక పరిస్థితి బలంగా ఉంటుంది. మీరు మీ పెట్టుబడుల గురించి ఇతరులతో పంచుకోకపోవడం మంచిది. మీడియాతో అనుబంధం ఉన్న వ్యక్తులు కొన్ని శుభవార్తలను అందుకుంటారు. ఇష్టమైనవారితో కలిసి షాపింగ్ చేస్తారు. ప్రవేశ పరీక్షకు సిద్ధమవుతున్న విద్యార్థులకు మంచి ఫలితాలు వచ్చే అవకాశాలు ఉన్నాయి.

మకర రాశి

ఈ రోజు మీకు అద్భుతమైన రోజుగా ఉంటుంది. కుటుంబంలో వాతావరణం ఆహ్లాదకరంగా మారుతుంది. కొత్త ఆలోచనతో వ్యాపారాన్ని ముందుకు తీసుకెళ్లగలరు. ప్రేమికులకు ఈరోజు ప్రత్యేకమైన రోజు అవుతుంది. వ్యాపారం చేసే వ్యక్తులు మంచి లాభాలను పొందుతారు. మీ జీవిత భాగస్వామితో బంధం బలపడుతుంది. ఆరోగ్యం మెరుగుపడుతుంది. ఈరోజు మీరు కొన్ని ముఖ్యమైన అంశాన్ని క్లియర్ చేస్తారు. పెరుగుతున్న ఖర్చులు కొన్ని మీకు ఆందోళన కలిగించవచ్చు.

కుంభ రాశి

ఈరోజు మీకు మిశ్రమ ఫలితాలు ఉన్నాయి. వృత్తి, వ్యాపారాల్లో ఒడిదుడుకులు ఉండవచ్చు. కొత్త ఆదాయ వనరుల కోసం అన్వేషిస్తారు. మీ సంపాదన పెరిగినా, అనవసర ఖర్చులు కూడా పెరుగుతాయి. ఉద్యోగాల కోసం వెతుకుతున్న వ్యక్తులకు మంచి కంపెనీ నుంచి అవకాశం లభించవచ్చు. పిల్లల వైపు నుండి కొన్ని శుభవార్తలను వింటారు, ఇది మీ మనస్సును సంతోషపరుస్తుంది. ఆరోగ్యంపై శ్రద్ద అవసరం. స్వల్ప అనారోగ్య సమస్యలు ఇబ్బంది పెట్టవచ్చు.

మీన రాశి

ఈ రోజు మీకు ఉత్సాహంగా ఉంటుంది. మీ వైవాహిక జీవితంలో మాధుర్యం పెరుగుతుంది. అసంపూర్తిగా మిగిలిపోయిన పనులను పూర్తి చేయడానికి ఇది సరైన సమయం. వ్యాపారం చేసే వారికి ఈ రోజు ప్రయోజనకరంగా ఉంటుంది. వ్యాపారంలో ఇంతకుముందు ఎవరికైనా డబ్బు అప్పుగా ఇచ్చినట్లయితే తిరిగి పొందుతారు. పెట్టుబడులు పెట్టడానికి ఇది సరైన సమయం కాదు. సామాజిక కార్యక్రమాలలో పాల్గొనే అవకాశం ఉంటుంది. విభేదాలు మీకు తలనొప్పిగా మారతాయి. ఆరోగ్యంపై శ్రద్ధ అవసరం.