UGC బిగ్ అనౌన్స్‌మెంట్.. వెబ్‌సైట్‌లో 23,000కు పైగా కోర్సులు.. అన్ని ఉచితమే!
Over 23,000 Higher Education Courses in UGC Web Portal: జాతీయ విద్యా విధానం-2020 రెండవ వార్షికోత్సవంలో భాగంగా దేశంలోని మారుమూల ప్రాంతాలలో డిజిటల్ అంతరాన్ని తగ్గించడం, ఉన్నత విద్య ప్రాప్యతను మెరుగుపరచడం లక్ష్యంగా పెట్టుకున్న UGC దాని కోసం కొత్త పోర్టల్‌ను శుక్రవారం ప్రారంభించింది.
ఆర్టిఫిషియల్ ఇంటెలిజెన్స్, సైబర్ సెక్యూరిటీ, బాల్య సంరక్షణ కార్యక్రమాలతో సహా 23,000కు పైగా ఉన్నత విద్యా కోర్సులు ఇప్పుడు కొత్త వెబ్ పోర్టల్‌లో ఉచితంగా అందుబాటులో ఉంటాయని యూనివర్సిటీ గ్రాంట్స్ కమిషన్ (యూజీసీ) తెలిపింది. జాతీయ విద్యా విధానం-2020 రెండవ వార్షికోత్సవంలో భాగంగా దేశంలోని మారుమూల ప్రాంతాలలో డిజిటల్ అంతరాన్ని తగ్గించడానికి, ఉన్నత విద్య ప్రాప్యతను మెరుగుపరచడం లక్ష్యంతో ఏర్పాటు చేసిన పోర్టల్‌ను యూజీసీ శుక్రవారం ప్రారంభించింది.
UGC.. ఎలక్ట్రానిక్స్ & ఇన్ఫర్మేషన్ టెక్నాలజీ మంత్రిత్వ శాఖ (MeitY) సహయంతో 7.5 లక్షలకు పైగా కామన్ సర్వీస్ సెంటర్‌ (CSC)లతో స్పెషల్ పర్పస్ వెహికల్ (SPV) సెంటర్‌లను అనుసంధానం చేసి రాబోయే అకడమిక్ సెషన్ నుండి ఈ-వనరులతో కూడిన ఈ కోర్సులను అందించనున్నారు. "అందరికీ ఉన్నత విద్యను అందుబాటులోకి తీసుకురావాలనే ప్రయత్నాలలో భాగంగా, ఇంగ్లీష్, ప్రాంతీయ భాషలలో విద్యార్థులకు డిజిటల్ వనరులను అందుబాటులో ఉంచడంలో UGC నిరంతరం కృషి చేస్తోంది" అని UGC ఛైర్మన్ M జగదీష్ కుమార్ తెలిపారు. సిఎస్‌సిల మెుదటి లక్ష్యం డిజిటల్ యాక్సెస్‌ను అందించడంతో పాటు ఈ-గవర్నెన్స్ సేవలను పౌరులకు ముఖ్యంగా గ్రామీణ భారతదేశంలో నివసిస్తున్న వారికి అందుబాటులో ఉంచడం. గ్రామ పంచాయతీలలో దాదాపు 2.5 లక్షల CSCలు, SPVలు పనిచేస్తున్నాయి. మెుత్తం దేశవ్యాప్తంగా 5 లక్షలకు పైగా CSCలు/SPV కేంద్రాలు ఉన్నట్లు వెల్లడించారు.
"CSCలు SPVలు స్థానిక కమ్యూనిటీకి చెందిన, గ్రామ స్థాయి వ్యవస్థాపకులు (VLEలు)గా సూచించబడే వ్యవస్థాపకులు నిర్వహిస్తున్నారు. ఆన్‌లైన్ సేవలను అందించడం ద్వారా వ్యక్తుల జీవనోపాధిని పొందేందుకు VLEలు కేంద్రాలు పని చేస్తాయి. ఈ కేంద్రాలలో కంప్యూటర్లు, ఇంటర్నెట్ కనెక్టివిటీ ఉన్నాయి, ”అని కుమార్ చెప్పారు.
కోర్సులలో 23,000 పోస్ట్ గ్రాడ్యుయేట్ కోర్సులు, 137 స్వయం మూక్ కోర్సులు అభివృద్ధి చెందుతున్న ప్రాంతాలు, 25 నాన్-ఇంజనీరింగ్ స్వయం కోర్సులు ఉన్నాయి. UGC పోర్టల్‌లో వీటిని యాక్సెస్ చేయడానికి ఎటువంటి ఛార్జీలు లేవు.
“అన్ని కోర్సులు ఉచితం. అయినప్పటికీ, CSC/SVP యొక్క సేవలు, మౌలిక సదుపాయాలను పొందడం కోసం, VLEల ప్రయత్నాలకు, వారి అవస్థాపన ఖర్చులను రీయింబర్స్ చేయడానికి వినియోగదారు రోజుకు రూ. 20 లేదా నెలకు రూ. 500 చెల్లించాలి, ”అని కుమార్ తెలిపారు. “ఇది ఆయుష్మాన్ భారత్ యోజన, పీఎం కిసాన్ సమ్మాన్ నిధి యోజన, ఇ-శ్రమ్, పాన్ కార్డ్, ప్రధాన్ మంత్రి శ్రమ యోగి మంధన్ యోజన (పీఎంఎస్‌వైఎం) వంటి ఇతర ప్రభుత్వ ప్రాజెక్టుల మాదిరిగానే ఉంటుదని వివరించారు.
సంబంధిత కథనం