Vijay Deverakonda: సూపర్ స్టార్ అని పిలుస్తుంటే భయమేస్తుంది: విజయ్ దేవరకొండ

అభిమానులు తనపై చూపిస్తున్న అంతులేని ప్రేమను ఆగస్ట్ 25న లైగర్ సినిమాతో తిరిగి ఇచ్చేస్తాననని అన్నాడు విజయ్ దేవరకొండ. సినిమా ఫలితం మీద ఎలాంటి డౌట్ లేదని, పక్కా బ్లాక్ బస్టర్ హిట్ కొడుతున్నామని చెప్పాడు. విజయ్ దేవరకొండ హీరోగా పూరి జగన్నాథ్ (puri jagannadh) దర్శకత్వంలో రూపొందుతున్న లైగర్ సినిమా ఆగస్ట్ 25న రిలీజ్ కానుంది. ఆదివారం వరంగల్ లో లైగర్ ఫ్యాన్ డమ్ (liger fandom tour)పేరుతో స్పెషల్ ఈవెంట్ ను నిర్వహించారు.

ఈ వేడుకలో విజయ్ దేవరకొండ మాట్లాడుతూ ప్రమోషన్స్ కోసం ఇండియాలో తెలియని ఊర్లు చాలా తిరిగానని అన్నాడు. ప్రతి చోట నాపై అభిమానులు విపరీతమైన ప్రేమను చూపించారని పేర్కొన్నాడు. ‘ఆ అభిమానానికి కారణం అర్థం కాలేదు. కానీ ఒక్కటి అయితే చెప్పగలను. ఆ ప్రేమ తెలంగాణ, ఆంధ్రా ప్రజల నుంచే మొదలైంది. మీరు చూపించిన ఆదరణ వల్లే ఇక్కడ నిలబడ్డా. మీ అభిమానాన్ని జీవితాంతం గుర్తుపెట్టుకుంటా. మీరు అరిచిన ప్రతి అరుపుకు, చూపించిన ప్రేమను ఆగస్ట్ 25న లైగర్ సినిమాతో తిరిగి ఇచ్చేస్తా’ అని విజయ్ దేవరకొండ తెలిపాడు..

లైగర్ ఫలితం తనలో ఎలాంటి డౌట్ లేదని, పక్కా బ్లాక్ బస్టర్ హిట్ కొట్టబోతున్నామని అన్నాడు. సినిమా ఇండియా మొత్తాన్ని షేక్ చేస్తుందని పేర్కొన్నాడు. ‘లైగర్ సినిమాలో తల్లీతనయుడు కరీంనగర్ నుండి ముంబైకి వెళతారు. ముంబై సిటీని షేక్ చేయాలని అనుకుంటారు. ఈ క్యారెక్టర్స్ మాదిరిగానే నేను పూరి జగన్నాథ్, ఛార్మి ఇండియాను షేక్ చేయాలని ముంబై వెళ్లాం. ఎన్ని అడ్డంకులు ఎదురైనా హిట్ కొట్టాలని ఫిక్స్ అయిపోయాం’ అని విజయ్ దేవరకొండ అన్నాడు.

ఇండస్ట్రీలో తాను ఇంకా చిన్న పిల్లాడినేనని, సూపర్ స్టార్ అంటూ అందరూ పిలుస్తుంటే భయమేస్తుందని విజయ్ దేవరకొండ అన్నాడు. ఆ పేరు తగినంత సినీ పరిశ్రమలో తాను చేయలేదని, భవిష్యత్తులో చేయాల్సింది చాలా ఉందని అన్నాడు. పూరి రాసిన డైలాగ్స్ వెండితెరపై చెప్పడానికి హీరోలకు అదృష్టం ఉండాలని, దేవుడి ఆశీస్సులతో ఆ అవకాశం తనకు దక్కిందని చెప్పాడు. విజయ్ వ్యక్తిత్వంలో నిజాయితీ కనిపిస్తుందని, అది అతడి నటనలో ఉందని పూరి జగన్నాథ్ అన్నారు.