Vijay Antony Vikram Rathod: విక్ర‌మార్కుడు సెంటిమెంట్‌ను ఫాలో అవుతోన్న విజ‌య్ ఆంటోనీ - నెక్స్ట్ మూవీ టైటిల్ ఫిక్స్‌

Vijay Antony Vikram Rathod: తెలుగులో చాలా కాలంగా స‌క్సెస్ కోసం ఎదురుచూస్తోన్నవిజ‌య్ ఆంటోనీ నిరీక్ష‌ణ‌కు బిచ్చ‌గాడు -2తో (Bichagadu 2) తెర‌ప‌డింది. మే 19న థియేట‌ర్ల‌లో రిలీజైన ఈ మూవీ ఇర‌వై కోట్ల వ‌ర‌కు వ‌సూళ్ల‌ను రాబ‌ట్టి నిర్మాత‌ల‌కు మంచి లాభాల‌ను మిగిల్చింది. ఈ సినిమాతోనే ద‌ర్శ‌కుడిగా అరంగేట్రం చేశాడు విజ‌య్ ఆంటోనీ. హీరోగా, ద‌ర్శ‌కుడిగా డ‌బుల్ స‌క్సెస్‌ను బిచ్చ‌గాడు -2 తెచ్చిపెట్టింది.

ఈ స‌క్సెస్ జోష్‌లో త్వ‌ర‌లోనే మ‌రో తెలుగు డ‌బ్బింగ్ సినిమాతో విజ‌య్ ఆంటోనీ ప్రేక్ష‌కుల్ని ప‌ల‌క‌రించ‌బోతున్నాదు. యాక్ష‌న్ థ్రిల్ల‌ర్ క‌థాంశంతో రూపొందిన ఈ మూవీకి విక్ర‌మ్ రాథోడ్ అనే పేరును ఖ‌రారు చేశారు. త్వ‌ర‌లోనే విక్ర‌మ్ రాథోడ్ మూవీని థియేట‌ర్ల‌లో రిలీజ్ చేయ‌బోతున్న‌ట్లు నిర్మాత‌లు ప్ర‌క‌టించారు . ఈ సినిమా ఫ‌స్ట్‌లుక్‌ను మంగ‌ళ‌వారం రిలీజ్ చేశారు.

ముఖం నిండా గాయాల‌తో సీరియ‌స్ లుక్‌లో విజ‌య్ ఆంటోనీ క‌నిపిస్తోన్నారు. త‌మిళంలో ఈ ఏడాది రిలీజైన త‌మిళ‌రాస‌న్ మూవీగా అనువాదంగా విక్ర‌మ్ రాథోడ్ మూవీ తెర‌కెక్కుతోంది. రాజ‌మౌళి (Rajamouli) ద‌ర్శ‌క‌త్వం వ‌హించిన విక్ర‌మార్కుడు సినిమాలో ర‌వితేజ విక్ర‌మ్ రాథోడ్ అనే పోలీస్ పాత్ర‌లో న‌టించారు. పాపుల‌ర్‌గా మారిన ఆ క్యారెక్ట‌ర్ పేరును విజ‌య్ ఆంటోనీ మూవీకి టైటిల్‌గా పెట్ట‌డం ఆస‌క్తిక‌రంగా మారింది.

యాక్ష‌న్ థ్రిల్ల‌ర్ క‌థాంశంతో రూపొందిన విక్ర‌మ్ రాథోడ్ సినిమాకు బాబు యోగిశ్వ‌ర‌న్ ద‌ర్శ‌క‌త్వం వ‌హించాడు.తెలుగులో ఈ సినిమాను రావూరి వెంక‌ట‌స్వామి, కౌస‌ల్య‌రాణి నిర్మిస్తోన్నారు.

ఈ సినిమాలో సోనూసూద్‌, సురేష్ గోపి ప్ర‌ధాన పాత్ర‌ల్లో న‌టించారు. త‌మిళంలో ఈ ఏడాది ఫిబ్ర‌వ‌రిలో రిలీజైన ఈ మూవీ మిక్స్‌డ్ టాక్‌ను సొంతం చేసుకున్న‌ది. ఇందులో విజ‌య్ ఆంటోనీ పోలీస్ ఆఫీస‌ర్‌గా న‌టించాడు. ఈ సినిమాకు ఇళ‌య‌రాజా సంగీతాన్ని అందించ‌డం గ‌మ‌నార్హం.