Matka: 40 ఏళ్ల క్రితం జరిగిన నిజ జీవిత సంఘటనతో మట్కా.. మెగా అభిమానులకు ప్రామిస్ చేసిన వరుణ్ తేజ్ డైరెక్టర్

Director Karuna Kumar Promise To Mega Fans: ఆపరేషన్ వాలంటైన్ సినిమా తర్వాత మెగా ప్రిన్స్ వరుణ్ తేజ్ యాక్ట్ చేసిన మూవీ మట్కా. ఇందులో వరుణ్ తేజ్‌కు జోడీగా హీరోయిన్ మీనాక్షి చౌదరి నటించింది. వైరా, ఎస్‌ఆర్‌టీ ఎంటర్‌టైన్‌మెంట్స్ బ్యానర్స్‌పై డాక్టర్ విజయేందర్ రెడ్డి తీగల, రజనీ తాళ్లూరి మట్కా సినిమాను నిర్మించారు.

చిల్డ్రన్స్ డే సందర్భంగా

మట్కా చిత్రానికి కథ, స్క్రీన్‌ ప్లే, మాటలు, దర్శకత్వం వహించారు డాక్టర్ కరుణ కుమార్. నవంబర్ 14న చిల్డ్రన్స్ డే సందర్భంగా మట్కా మూవీ థియేటర్లలో గ్రాండ్‌గా రిలీజ్ కానుంది. ఈ నేపథ్యంలో ప్రమోషన్స్‌లో భాగంగా నవంబర్ 2న మట్కా ట్రైలర్‌ను రిలీజ్ చేశారు. మెగాస్టార్ చిరంజీవి చేతుల మీదుగా మట్కా ట్రైలర్ విడుదల అయింది.

అవి పుష్కలంగా ఉన్న మూవీ

ఈ సందర్భంగా మట్కా ట్రైలర్ లాంచ్ ఏర్పాటు చేశారు. ఈ కార్యక్రమంలో ఆసక్తికర విశేషాలను తెలిపారు డైరెక్టర్ కరుణ కుమార్. "అందరికి నమస్కారం. మెగా అభిమానులందరికీ నేను ఒక ప్రామిస్ చేదల్చుకున్నాను. వరుణ్ బాబుని మీరు ఎలా చూద్దామనుకుంటున్నారో, ఎలాంటి సినిమాలో చూద్దాం అనుకుంటున్నారో, ఆ ఎలిమెంట్స్ పుష్కలంగా ఉన్న సినిమా ఇది. ఆయనలో ఉన్న నటుడు, ఆయనలోని యాక్షన్ హీరో.. అన్ని కోణాల్ని ఈ సినిమా ఆవిష్కరిస్తుంది" అని కరుణ కుమార్ తెలిపారు.

వైజాగ్ ఎలా ఉండేది

"40 ఏళ్ల క్రితం జరిగిన ఒక ట్రూ ఇన్సిడెంట్‌ని బేస్ చేసుకుని తీసిన సినిమా ఇది. 40 ఏళ్ల క్రి వైజాగ్ ఎలా ఉండేది, వైజాగ్‌లో మనుషులు ఎలా ఉండేవారు, వైజాగ్‌లో జరిగిన కథలు ఎలా ఉండేవి, వాటి మధ్యలో హీరో తాలూకా ప్రస్థానం ఎలా ఉంటుంది, అంతా కూడా ఈ సినిమాలో చూపించడానికి నా 100% ప్రయత్నం చేశాను. హీరో గారు, టెక్నీషియన్స్, నిర్మాతలు అందరూ కూడా సహకరించారు" అని డైరెక్టర్ కరుణ కుమార్ అన్నారు.

విజయం సాధించేలా

"ఈ మట్కా సినిమా డే వన్ ఎలా అనుకున్నామో అదే సినిమాని ఈరోజు తెర మీదకి తీసుకురాగలిగాము. దానికి సహకరించిన ప్రతి ఒక్కరికి పేరుపేరునా కృతజ్ఞతలు తెలుపుతున్నాను. ఈరోజు ఈ సినిమా నుంచి ఒక్కొక్క సర్‌ప్రైజ్ వదులుతుంటాము. మీరు అన్ని ఎంజాయ్ చేస్తారు. ఈ సినిమాని పెద్ద విజయం సాధించే దిశగా మీరంతా తీసుకెళ్తారని మనస్పూర్తిగా నమ్ముతున్నాను. నవంబర్ 14న మీ ఫ్యామిలీస్‌తో సినిమా హాల్స్‌లో కలుద్దాం థాంక్యూ" అని కరుణ కుమార్ తన స్పీచ్ ముగించారు.

అన్న నువ్ సో స్వీట్

ఇదే ఈవెంట్‌లో యాక్టర్ కార్తికేయ మాట్లాడుతూ.. "నన్ను నమ్మి ఈ క్యారెక్టర్ ఇచ్చిన డాక్టర్ కరుణ కుమార్ గారికి థాంక్యూ సో మచ్. నేను నా బెస్ట్ ఇచ్చాను. వరుణ్ తేజ్ అన్న యువర్ సో స్వీట్ థాంక్యూ సో మచ్. నవంబర్ 14న ఆడియన్స్ థియేటర్లలో ఒక కొత్త వరల్డ్‌ని చూడబోతున్నారు. మిస్ అవ్వకుండా మీ ఫ్యామిలీతో పాటు వెళ్లి చూడండి థాంక్యూ" అని తెలిపాడు.

కాన్ఫిడెంట్‌గా చెప్తున్నా

అలాగే మట్కా ట్రైలర్ లాంచ్‌లో ప్రొడ్యూసర్ రజిని తాళ్లూరి మాట్లాడుతూ.. "అందరికీ నమస్కారం. చాలా కాన్ఫిడెంట్‌గా చెప్తున్నాను మట్కా మీ అందరికీ మంచి మాస్ ఎంటర్‌టైనర్. థాంక్యూ సో మచ్" అని స్పీచ్ ముగించారు.