Vantalakka Sequel: వంటలక్క సీరియ‌ల్‌కు సీక్వెల్ వ‌స్తోంది - కొత్త హీరోయిన్ ఎవ‌రంటే?
Vantalakka Sequel: వంటలక్క సీరియ‌ల్‌కు సీక్వెల్ రాబోతోంది. వంటలక్క టైటిల్‌తోనే కొత్త క‌థ, క్యారెక్ట‌ర్స్‌తో ఈ సీరియ‌ల్‌ను టెలికాస్ట్ కానుంది. వంటలక్క స్టార్ మాలో సోమ‌వారం నుంచి శ‌నివారం వ‌ర‌కు మ‌ధ్యాహ్నం 2.30 గంట‌ల‌కు ఈ సీరియల్ ప్ర‌సార‌మ‌వుతుంది
Vantalakka Sequel: సినిమాల‌కు మాత్ర‌మే కాదు...సీరియ‌ల్స్‌కు కూడా సీక్వెల్స్ రావ‌డం ఇప్పుడు ట్రెండ్‌గా మారింది. కార్తీక దీపం సీరియ‌ల్‌కు కార్తీక దీపం 2 పేరుతో సీక్వెల్‌ను రూపొందించారు మేకర్స్. ఈ సీక్వెల్ బుల్లితెర‌పై పెద్ద హిట్ట‌యింది. టీఆర్‌పీలో టాప్‌లో నిలిచింది. కార్తీక దీపం స్ఫూర్తితో మ‌రికొన్ని తెలుగు సీరియ‌ల్స్‌కు త్వ‌ర‌లో సీక్వెల్స్ రాబోతున్నాయి. అందులో వంటలక్క ఒక‌టి.
క‌న్న‌డ బిగ్‌బాస్‌లోకి ఎంట్రీ...
వంటలక్క సీరియల్ స్టార్ మాలో టెలికాస్ట్ అవుతోంది. ప్ర‌స్తుతం ఈ సీరియల్ ఎండింగ్‌కు చేరుకున్న‌ది. ఈ సీరియ‌ల్‌లో హీరోగా న‌టించిన శిశిర్ శాస్త్రితో ఇటీవ‌లే క‌న్న‌డ బిగ్‌బాస్‌లోకి కంటెస్టెంట్‌గా ఎంట్రీ ఇచ్చాడు. అత‌డువంట‌ల‌క్క నుంచి త‌ప్పుకోవ‌డంతో సీరియల్ క్రేజ్ ప‌డిపోయింది. టీఆర్‌పీలో రానురాను సీరియల్ డౌన్ అవుతుండ‌టంతో తొంద‌ర‌లోనే వంట‌ల‌క్క‌కు ముగింపు ప‌ల‌కాల‌ని మేకర్స్ నిర్ణ‌యించుకున్న‌ట్లు స‌మాచారం.
సీక్వెల్....
వంటలక్క స్థానంలో ఈ సీరియ‌ల్‌కు కొత్త క‌థ, క్యారెక్ట‌ర్స్‌తో సీక్వెల్‌ను తెర‌కెక్కించ‌బోతున్నారు. వంటలక్క టైటిల్‌తోనే ఈ సీక్వెల్ స్టార్ మాలో టెలికాస్ట్ కాబోతోంది. ఇప్ప‌టివ‌ర‌కు వ‌చ్చిన వంటలక్క సీరియ‌ల్‌కు పూర్తి భిన్నంగా ఈ సీక్వెల్ స్టోరీ ఉండ‌బోతున్న‌ట్లు స‌మాచారం.
డ్యూయ‌ల్ రోల్....
వంటలక్క సీక్వెల్‌లో అమూల్య కీల‌క పాత్ర‌లో క‌నిపించ‌బోతున్న‌ది. వైష్ణ‌వి, వెన్నెల అనే రెండు క్యారెక్ట‌ర్స్‌లో క‌నిపించ‌బోతున్న‌ది. ఇందులో ఒక‌టి సాఫ్ట్ రోల్ కాగా...మ‌రో క్యారెక్ట‌ర్ ర‌ఫ్ అండ్ ట‌ఫ్‌గా టామ్ బాయ్ త‌ర‌హాలో ఉండ‌నున్న‌ట్లు చెబుతోన్నారు. శిరీషా మ‌రో ఇంపార్టెంట్ రోల్ చేస్తోంది. వంటలక్క సీజ‌న్ 1లోని ఆర్టిస్టులు చాలా మంది ఇందులో క‌నిపించ‌బోతున్నారు. వంటలక్క సీక్వెల్ సోమ‌వారం నుంచి మ‌ధ్యాహ్నం రెండున్న‌ర గంట‌ల‌కు స్టార్ మాలో టెలికాస్ట్ కాబోతోంది.
ఇంటి గుట్టు సీరియల్...
వంటలక్క సీరియల్ 2022లో ప్రారంభ‌మైంది. ఇప్ప‌టివ‌ర‌కు 747 ఎపిసోడ్స్ టెలికాస్ట్ అయ్యాయి. శిశిర్ శాస్త్రి సీరియల్ నుంచి త‌ప్పుకోవ‌డంతో వంట‌ల‌క్క‌ను అర్థాంత‌రంగా ఎండ్ చేస్తార‌ని ప్ర‌చారం జ‌రిగింది. అలాంటిదేమి లేకుండా ఈ సీరియల్ కంటిన్యూ అవుతోంది. వంట‌ల‌క్క‌తో పాటు తెలుగులో ఇంటిగుట్టు సీరియల్ చేశాడు శిశిర్ శాస్త్రి. క‌న్న‌డంలో శ్రీ బాలాజీ ఫొటో స్టూడియో, బిల్ గేట్స్‌తో పాటు మ‌రికొన్ని సినిమాలు, సీరియల్స్ చేశాడు శిశిర్ శాస్త్రి.
నువ్వు నేను ప్రేమ‌కు ఎండ్ కార్డ్‌...
ప్ర‌స్తుతం తెలుగు సీరియల్స్ టీఆర్‌పీ రేటింగ్‌లో స్టార్ మా సీరియల్స్ టాప్‌లో కొన‌సాగుతోన్నాయి. బ్ర‌హ్మ‌ముడి, కార్తీక దీపం 2, గుండె నిండా గుడి గంట‌లు టాప్ త్రీలో ఉన్నాయి. టీఆర్‌పీలో వెనుక‌బ‌డిన నువ్వు నేను ప్రేమ సీరియ‌ల్‌కు మేకర్స్ త్వ‌ర‌లో ముగింపుప‌ల‌క‌బోతున్నారు. ఈ సీరియల్ స్థానంలో మ‌రో కొత్త సీరియ‌ల్‌ను టెలికాస్ట్ చేయ‌బోతున్నారు
