Triptii Dimri remuneration for Animal: యానిమల్‌లో ఆ హాట్ సీన్లలో నటించిన తృప్తి రెమ్యునరేషన్ ఎంతో తెలుసా?

Triptii Dimri remuneration for Animal: యానిమల్ మూవీలో రణ్‌బీర్ కపూర్ తో కొన్ని హాట్ సీన్లలో నటించిన తృప్తి డిమ్రి రాత్రికి రాత్రే పెద్ద స్టార్ గా మారిపోయింది. అయితే ఈ సినిమా కోసం ఆమె తీసుకున్న రెమ్యునరేషన్ మాత్రం చాలా తక్కువే అని చెప్పాలి. యానిమల్ లో ఆమె జోయా అనే పాత్రలో నటించింది.

ఈ జోయా పాత్ర కోసం తృప్తి డిమ్రి తీసుకున్న మొత్తం కేవలం రూ.40 లక్షలు అని లైఫ్‌స్టైల్ ఏషియా తన రిపోర్టులో వెల్లడించింది. యానిమల్ మూవీలో ఆమె పాత్ర మాత్రం ఎంతోమందిని ఆకట్టుకుంది. తాజాగా ఐఎండీబీ రిలీజ్ చేసిన పాపులర్ ఇండియన్ సెలబ్రిటీస్ ఫీచర్ లో తృప్తి టాప్ లో ఉండటం విశేషం. ఆమె తర్వాతి స్థానంలో యానిమల్ డైరెక్టర్ సందీప్ రెడ్డి వంగా ఉన్నాడు.

యానిమల్ మూవీతో ఈ రేంజ్ లో క్రేజ్ సంపాదించిన తృప్తి.. అంత తక్కువ రెమ్యునరేషన్ తీసుకోవడం మాత్రం చాలా మందిని ఆశ్చర్యానికి గురి చేసింది. అందులోనూ ఈ సినిమాలో ఆమె చాలా బోల్డ్ పాత్రలో కనిపించింది. నిజానికి ఈ సినిమాలో ఫిమేల్ లీడ్ గా నటించిన రష్మిక మందన్నా పోలిస్తే ఇది కేవలం పదో వంతు మాత్రమే.

యానిమల్ కోసం రష్మిక రూ.4 కోట్ల రెమ్యునరేషన్ అందుకుంది. లీడ్ రోల్లో అందరి ప్రశంసలు అందుకుంటున్న రణ్‌బీర్ కపూర్ రూ.70 కోట్లు, విలన్ బాబీ డియోల్ రూ.4 కోట్లు, అనిల్ కపూర్ రూ.2 కోట్లు అందుకున్నట్లు సమాచారం. యానిమల్ ద్వారా తృప్తికి వచ్చిన డబ్బు తక్కువే అయినా క్రేజ్ మాత్రం ఓ రేంజ్ లో వచ్చింది.

ఈ సినిమా తర్వాత ఆమె ఇన్‌స్టాగ్రామ్ ఫాలోవర్లు ఏకంగా 30 లక్షలు పెరిగారు. యానిమల్ రిలీజ్ కు ముందు 6 లక్షలుగా ఉన్న ఫాలోవర్లు గురువారానికి (డిసెంబర్ 14) ఏకంగా 37 లక్షలకు చేరడం విశేషం. అంతేకాదు ఈ మూవీ తర్వాత ఆమెకు అవకాశాలు కూడా బాగానే వస్తున్నట్లు కనిపిస్తోంది. తాజాగా విక్కీ కౌశల్ తో కలిసి నటిస్తున్న ఆమె.. ప్రభాస్, సందీప్ మూవీ స్పిరిట్ ఛాన్సూ కొట్టేసినట్లు వార్తలు వచ్చాయి.