Rajinikanth-Lal Salaam : మొయిదీన్ భాయ్ పాత్రలో తలైవా.. రజినీ 'లాల్ సలామ్' ఫస్ట్ లుక్ విడుదల

ఐశ్వర్య రజినీకాంత్(Aishwarya Rajinikanth) దర్శకత్వంలో వస్తున్న లాల్ సలామ్(Lal Salaam) సినిమాకు సంబంధించి.. ఇంట్రస్టింగ్ అప్డేట్ ఇచ్చింది చిత్ర బృందం. సినిమాలో రజినీకాంత్(Rajinikanth) పేరును రివీల్ చేసింది. ఫస్ట్ లుక్ కూడా విడుదల చేశారు. కొత్త గెటప్ లో కనిపిస్తున్నాడు తలైవా రజినీ. మే 8న అర్ధరాత్రి 12 గంటలకు సినిమాలో రజినీ పేరును రివీల్ చేశారు. మెయిదీన్ భాయ్(Moideen Bhai) పాత్రలో రజినీకాంత్ కనిపించనున్నాడు. అంతకుముందు ఓ పురాతన కట్టడంలో నుంచి ఓ మనిషి బయటకు వస్తున్నట్టుగా ఉన్న పోస్టర్ విడుదల చేశారు.

రజినీకాంత్ మెయిదీన్(Rajinikanth Moideen Bhai) పోస్టర్ ఆకట్టుకుంటోంది. ముంబయిలో భాయ్ ఈజ్ బ్యాక్ అంటూ.. లైకా ప్రొడక్షన్స్(Lyca Production) పోస్టర్ విడుదల చేసింది. వెనకాల ఏదో పురాతన కట్టడం కనిపిస్తోంది. రజినీకాంత్ తనదైన స్టైల్ తో నడుచుకుంటూ వస్తున్నాడు. ఈ పోస్టర్ చూసి తలైవా ఫ్యాన్స్ పండగ చేసుకుంటున్నారు.

రజినీకాంత్ కుమార్తె ఐశ్వర్య రజినీకాంత్ దర్శకత్వంలో తెరకెక్కుతున్న సినిమా లాల్ సలామ్. కొన్ని రోజుల క్రితమే పూజా కార్యక్రమాలు పూర్తి చేసుకుంది. ఈ సినిమాలో విష్ణు విశాల్(Vishnu Vishal) ప్రధాన పాత్రలో నటిస్తున్నాడు. అంతేకాదు.. నటి జీవిత రాజశేఖర్(jeevitha rajasekhar) కూడా ఈ చిత్రంలో నటిస్తుండటం విశేషం. చాలా ఏళ్ల తర్వాత ఆమె సినిమాల్లోకి రీ ఎంట్రీ ఇస్తోంది. రజినీకాంత్ సోదరిగా జీవిత నటిస్తోంది.

లైకా ప్రొడక్షన్స్, రెడ్ జెయింట్ మూవీస్ సంస్థలు లాల్ సలామ్(Lal Salaam) సినిమాను నిర్మిస్తున్నాయి. ఏఆర్ రెహమాన్(AR Rehaman) సంగీతం అందిస్తున్నాడు. తలైవా ఫ్యాన్స్ ఎంతగానో ఈ సినిమా కోసం ఎదురుచూస్తున్నారు. రజనీకాంత్ పవర్ ఫుల్ పాత్రలో కనిపించనున్నాడు. మెయిదీన్ భాయ్ గా తనదైన స్టైల్ ను చూపించనున్నాడు. షూటింగ్ కోసం తలైవా ముంబయికి చేరుకున్నాడు. విమానాశ్రయంలో ఆయన సింప్లిసిటీగా వెళ్తున్న ఓ వీడియో వైరల్ అవుతోంది.

మరోవైపు రజినీకాంత్ జైలర్(Rajinikanth Jailer) సినిమాలోనూ నటిస్తున్నాడు. నెల్సన్ ఈ చిత్రానికి దర్శకత్వం వహిస్తున్నాడు. కిందటి ఏడాది అన్నాతే చిత్రంతో నిరాశ పరిచిన రజినీ.. ప్రస్తుతం మూడు చిత్రాలు చేస్తున్నాడు. తలైవర్ 171కి కూడా గ్రీన్ సిగ్నల్ ఇచ్చినట్టుగా టాక్ నడుస్తోంది. ఈ సినిమాకు సెన్సేషనల్ డైరెక్టర్ లోకేష్ కనగరాజ్ దర్శకత్వం వహించనున్నాడని సమాచారం.