Thalapathy in Jawan: అఫీషియల్.. షారుక్ జవాన్‌లో దళపతి విజయ్

Thalapathy in Jawan: తమిళ దర్శకుడు అట్లీ డైరెక్ట్ చేస్తున్న పాన్ ఇండియా మూవీ జవాన్. బాలీవుడ్ బాద్‌షా షారుక్ ఖాన్ నటిస్తున్న ఈ సినిమాపై భారీ అంచనాలు ఉన్నాయి. ముఖ్యంగా పఠాన్ మూవీతో కెరీర్లోనే అతి పెద్ద హిట్ అందుకున్న కింగ్ ఖాన్.. తన తర్వాత సినిమాపై మరిన్ని ఆశలు పెట్టుకున్నాడు. ఈ సినిమాలో లేడీ సూపర్ స్టార్ నయనతార కూడా నటిస్తోంది.

అయితే ఇప్పుడు తమిళ ప్రేక్షకులకు మరో గుడ్ న్యూస్ చెప్పాడు ఈ సినిమాకు యాక్షన్ డైరెక్టర్ గా పని చేస్తున్న యానిక్ బెన్. ఈ జవాన్ మూవీలో దళపతి విజయ్ అతిథి పాత్రలో కనిపించబోతున్నాడు. ఈ న్యూస్ ఇటు షారుక్, అటు విజయ్ అభిమానులను ఆనందంలో ముంచెత్తింది. సౌత్, నార్త్ టాప్ హీరోలు ఒకే ఫ్రేమ్ లో కనిపించడం ఈ మధ్య కామనైపోయింది.

ఈ మధ్యే వెంకటేశ్, రామ్ చరణ్ కలిసి సల్మాన్ ఖాన్ తో కిసీ కా భాయ్ కిసీ కీ జాన్ మూవీలో కనిపించారు. అటు చిరంజీవి గాడ్‌ఫాదర్ లో సల్మాన్ గెస్ట్ రోల్ ప్లే చేశాడు. ఇక ఇప్పుడు షారుక్ మూవీలో దళపతి గెస్ట్ రోల్లో కనిపించనుండటం విశేషం. ఇప్పటికే డైరెక్టర్ అట్లీతో కలిసి మూడు సినిమాలు చేశాడు విజయ్. దీంతో జవాన్ లో అతిథి పాత్రకు అతడు అంగీకరించాడు.

ఈ మధ్య ఓ ఇంటర్వ్యూలో జవాన్ మూవీకి యాక్షన్ డైరెక్టర్ గా పని చేస్తున్న యానిక్ బెన్ ఈ విషయాన్ని కన్ఫమ్ చేశాడు. ఇక ఈ జవాన్ మూవీలో విజయ్ సేతుపతి విలన్ గా కనిపించనుండటం మరో విశేషం. ప్రియమణి, సాన్యా మల్హోత్రా, యోగి బాబులతో ఇటు సౌత్, అటు నార్త్ టాప్ యాక్టర్లందరినీ జవాన్ లో చూపించబోతున్నాడు డైరెక్టర్ అట్లీ.

ఈ జవాన్ మూవీ నుంచి ఈ మధ్యే వచ్చిన ప్రీవ్యూ ఫ్యాన్స్ ను చాలా ఆకట్టుకుంది. ఇందులో షారుక్ పాత్రలపై కాస్త ట్రోలింగ్ జరిగినా ఓవరాల్ గా ఈ ప్రివ్యూ బాగా నచ్చింది. ఆగస్ట్ లో మూవీ నుంచి ఫస్ట్ సింగిల్ రానుంది. ఇక జవాన్ మూవీ సెప్టెంబర్ 7న రిలీజ్ కాబోతోంది. ఈ సినిమాను గౌరీ ఖాన్.. రెడ్ చిల్లీస్ ఎంటర్‌టైన్మెంట్ బ్యానర్ కింద నిర్మిస్తోంది. అనిరుధ్ రవిచందర్ మ్యూజిక్ అందించాడు. హిందీతోపాటు తెలుగు, తమిళంలలో ఈ సినిమా రిలీజ్ కానుంది.