Telugu Web Series: తెలుగు లేటెస్ట్ మిస్ట‌రీ థ్రిల్ల‌ర్ వెబ్‌సిరీస్‌ను యూట్యూబ్‌లో ఫ్రీగా చూసేయండి - కానీ ఓ కండీష‌న్‌!

Telugu Web Series: అర్జున్ అంబాటి, ఐశ్వ‌ర్య ప్ర‌ధాన పాత్ర‌ల్లో న‌టిస్తోన్న అగ్ని సాక్షి వెబ్‌సిరీస్ డిస్నీ ప్ల‌స్ హాట్‌స్టార్‌లో స్ట్రీమింగ్ అవుతోంది. ప్ర‌తి శుక్ర‌వారం నాలుగు ఎపిసోడ్స్ చొప్పున డిస్నీ ప్ల‌స్ హాట్‌స్టార్ ఈ వెబ్‌సిరీస్‌ను ఆడియెన్స్ ముందుకు తీసుకొస్తోంది. ఈ వెబ్‌సిరీస్ ఫ్రీగా యూట్యూబ్‌లో చూడొచ్చంటూ మేక‌ర్స్ ప్ర‌క‌టించారు. అయితే ఫ‌స్ట్ నాలుగు ఎపిసోడ్స్ మాత్ర‌మే ప్ర‌స్తుతం యూట్యూబ్‌లో అందుబాటులోకి తీసుకొచ్చారు. స్టార్ మా యూట్యూబ్ ఛాన‌ల్‌లో ఈ నాలుగు ఎపిసోడ్స్‌ను ఎలాంటి స‌బ్‌స్క్రిప్ష‌న్ ఛార్జీలు లేకుండా ఉచితంగా ఆడియెన్స్ అంద‌రూ చేసే అవ‌కాశాన్ని స్టార్ మా క‌ల్పించింది. మిగిలిన ఎపిసోడ్స్‌ను కూడా ఫ్రీగా యూట్యూబ్‌లోని రిలీజ్ చేయ‌నున్న‌ట్లు స‌మాచారం.

సీరియ‌ల్ కథతో వెబ్ సిరీస్…

తెలుగులో పాపుల‌ర్ అయిన అగ్ని సాక్షి సీరియ‌ల్‌లో ప‌లు మార్పులు చేర్పులు చేస్తూ ఈ వెబ్‌సిరీస్‌ను తెర‌కెక్కించారు. వెబ్‌సిరీస్‌కు త‌గ్గ‌ట్లుగా క‌థ‌లో కొన్ని థ్రిల్లింగ్ ఎలిమెంట్స్ జోడించారు. సీరియ‌ల్‌లో గౌరి, శంక‌ర్ పాత్ర‌ల్లో క‌నిపించిన ఐశ్వ‌ర్య‌, అర్జున్ అంబాటి అవే క్యారెక్ట‌ర్స్‌లో ఈ వెబ్ సిరీస్‌లో క‌నిపించారు.

అగ్ని సాక్షి వెబ్‌సిరీస్ క‌థ ఇదే...

ఓ మాస్క్‌మ్యాన్ అమ్మాయిల‌ను హ‌త్య‌లు చేస్తుంటాడు. గౌరి (ఐశ్వ‌ర్య‌) ఆ మాస్క్ మ్యాన్ టార్గెట్‌గా మారిపోతుంది. గౌరి తండ్రి మాదిరిగా పోలీస్ ఆఫీస‌ర్ కావాల‌ని ఎన్నో క‌ల‌లు కంటుంది. గౌరి తండ్రి గ‌న్‌తో కాల్చుకొని ఆత్మ‌హ‌త్య చేసుకుంటాడు. త‌ల్లి కూడా చ‌నిపోవ‌డంతో బాబాయ్‌, పిన్ని ద‌గ్గ‌ర పెరుగుతుంది.

మ‌రోవైపు ఉమాశంక‌ర్ (అర్జున్ అంబాటి) ఓ నిజాయితీప‌రుడైన పోలీస్ ఆఫీస‌ర్‌. ఓ సీక్రెట్ ఆప‌రేష‌న్‌లో రాఖీ భాయ్ అనే గ్యాంగ్‌స్ట‌ర్‌ను ప‌ట్టుకునే ప్ర‌య‌త్నంలో ఉంటాడు. గౌరి మాదిరిగానే శంక‌ర్‌కు ఎవరూ ఉండ‌రు.

రాఖీ గ్యాంగ్‌లో చేరి అత‌డిని ప‌ట్టుకునేందుకు శంక‌ర్ వేసిన ప్లాన్ గౌరి కార‌ణంగా ఫెయిల‌వుతుంది. మ‌రోవైపు మ్యాస్క్ మ్యాన్ గౌరిని చంప‌బోతే ఆమెను శంక‌ర్ కాపాడుతాడు. గొడ‌వ‌ల‌తో గౌరి, శంక‌ర్ స్నేహం ఎలా మొద‌లైంది?

వారిద్ద‌రు క‌లిసి మాస్క్‌మ్యాన్‌ను ప‌ట్టుకోవ‌డానికి ఎలాంటి ప్ర‌య‌త్నాలు చేశారు అనే అంశాల చుట్టూ ఇప్ప‌టివ‌ర‌కు వ‌చ్చిన ఎపిసోడ్స్ సాగాయి. మూడు వారాల్లో ప‌న్నెండు ఎపిసోడ్స్ రిలీజ్ చేశారు. ఈ వెబ్ సిరీస్‌లో అమృత కుమారి, కిర‌ణ్ కాంత్ కీల‌క పాత్ర‌లు పోషించారు. జూలై 12 నుంచి ఈ వెబ్ సిరీస్ డిస్నీ ప్ల‌స్ హాట్ స్టార్‌లో స్ట్రీమింగ్ అవుతోంది.

బిగ్‌బాస్ తెలుగు సీజ‌న్ 7లో...

సీరియ‌ల్ యాక్ట‌ర్‌గా కెరీర్‌ను ప్రారంభించాడు అర్జున్ అంబాటి. దేవ‌త‌, అగ్నిసాక్షి సీరియ‌ల్స్‌తో తెలుగు ప్రేక్ష‌కుల‌కు చేరువ‌య్యాడు. సౌఖ్యం, తీస్‌మార్ ఖాన్ ప‌లు తెలుగు సినిమాల్లో కీలక పాత్ర‌లు పోషించాడు. తెప్ప స‌ముద్రం, సుంద‌రి తో పాటు మ‌రికొన్ని చిన్న సినిమాల్లో హీరోగా క‌నిపించాడు. బిగ్‌బాస్ తెలుగు సీజ‌న్ 7లో ఓ కంటెస్టెంట్‌గా అర్జున్ అంబాటి పాల్గొన్నాడు. ఫైన‌ల్ చేరిన అర్జున్ అంబాటి ఫిఫ్త్ ర‌న్న‌ర‌ప్‌గా నిలిచాడు.