Saripodhaa Sanivaaram Box Office: నాని మూవీకి ఓపెనింగ్స్ అదుర్స్- సరిపోదా శనివారం ఫస్ట్ డే కలెక్షన్స్- ఎన్ని కోట్లంటే?

Saripodhaa Sanivaaram Box Office Collection: నేచురల్ స్టార్ నాని, డైరెక్టర్ వివేక్ ఆత్రేయ కాంబినేషన్‌లో మరోసారి వచ్చిన సినిమా సరిపోదా శనివారం. డీవీవీ ఎంటర్టైన్‌మెంట్స్ బ్యానర్‌పై నిర్మాత డీవీవీ దానయ్య, దాసరి కల్యాణ్ సంయుక్తంగా ఈ చిత్రాన్ని నిర్మించారు. పోస్టర్స్ నుంచి బజ్ క్రియేట్ చేసిన ఈ సినిమా ఎట్టకేలకు విడుదలైంది.

ల్యాగ్ అయిందని

ఆగస్ట్ 29న ప్రపంచవ్యాప్తంగా తెలుగు, తమిళం, హిందీ, కన్నడ, మలయాళ భాషల్లో విడుదలైన సరిపోదా శనివారం సినిమాకు టాక్ పాజిటివ్‌గానే ఉంది. అయితే, కొన్ని చోట్ల మాత్రం సినిమా బాగా ల్యాగ్ అయిందని నెగెటివ్ కామెంట్స్ వినిపిస్తున్నాయి. ప్రస్తుతానికి అయితే, నాని సరిపోదా శనివారం మూవీకి మిక్స్‌డ్ టాక్ వస్తోంది.

నెట్ కలెక్షన్స్-ఆక్యుపెన్సీ

ఇదిలా ఉంటే, సరిపోదా శనివారం సినిమా బాక్సాఫీస్ వద్ద తొలిరోజున మంచి ఓపెనింగ్సే సాధించినట్లు సమాచారం. ఇండియా వ్యాప్తంగా మొదటి రోజున సరిపోదా శనివారం సినిమాకు రూ. 8.75 కోట్ల నెట్ కలెక్షన్స్ వచ్చినట్లు ట్రేడ్ వర్గాలు చెబుతున్నాయి. అలాగే మొదటి రోజు అయిన గురువారం (ఆగస్ట్ 29) తెలుగులో సినిమాకు ఓవరాల్‌గా 53.54 శాతం థియేటర్ ఆక్యుపెన్సీ నమోదు అయింది.

తెలుగు రాష్ట్రాల్లో కలెక్షన్స్

ఇక తెలుగు రాష్ట్రాల్లో ఈ చిత్రానికి అడ్వాన్స్ బుకింగ్స్ యావరేజ్‌గానే జరిగాయి. కానీ, దానికి మించి థియేటర్లలోకి జనాలు వచ్చినట్లు పలు ట్రేడ్ సంస్థలు చెబుతున్నాయి. ఈ లెక్కన మొదటి రోజు అడ్వాన్స్ బుకింగ్స్‌కు రూ. 11 కోట్ల రేంజ్‌లో గ్రాస్ కలెక్షన్స్ వచ్చే అవకాశం ఉండగా.. ఆఫ్‌లైన్‌ ద్వారా రూ. 12 నుంచి 16 కోట్ల వరకు రాబట్టే ఛాన్స్ ఉందని విశ్లేషిస్తున్నారు.

ఓవర్సీస్‌ బాక్సాఫీస్

అలాగే రెస్టాఫ్ ఇండియాలో కూడా సినిమాకు మంచి కలెక్షన్స్ వచ్చినట్లు చెబుతున్నారు. ఓవర్సీస్‌లో అయితే భారీ రెస్పాన్స్ వచ్చిందట. ప్రీమియర్స్, డే 1 కలెక్షన్స్ రెండు కలిపి ఓవరాల్‌గా ఓవర్సీస్‌లో ఈ చిత్రానికి రూ. 8 కోట్లకుపైగా గ్రాస్ వచ్చే ఛాన్స్ ఉందని నిపుణులు చెబుతున్నారు.

వరల్డ్ వైడ్‌గా

దీంతో మొదటిరోజు సరిపోదా శనివారం మూవీకి వరల్డ్ వైడ్‌గా రూ. 22 నుంచి 24 కోట్ల మధ్య గ్రాస్ కలెక్షన్స్ వసూలు అయ్యే అవకాశం ఉందని సమాచారం. ఇలా నాని సినిమాకు తొలి రోజు అయితే మంచి ఓపెనింగ్స్ రానున్నట్లు అంచనా వేస్తున్నారు ట్రేడ్ నిపుణులు.

జేక్స్ బిజోయ్ బీజీఎమ్

ఇదిలా ఉంటే, సరిపోదా శనివారం సినిమాలో నానికి జోడీగా చారులత పాత్రలో ప్రియాంక అరుల్ మోహన్ నటించింది. పవర్‌ఫుల్ విలన్‌గా ఎస్‌జే సూర్య అదరగొట్టారని టాక్. వీరితోపాటు మురళీ శర్మ, సాయి కుమార్, అలీ ఇతర కీలక పాత్రలు పోషించారు. ఇక ఈ సినిమాకు జేక్స్ బిజోయ్ అందించిన బీజీఎమ్ ఊర మాస్ లెవెల్‌లో ఉందని ప్రశంసలు వస్తున్నాయి.