Salaar Promotions: సలార్ నుంచి అదిరిపోయే న్యూస్.. ప్రభాస్‌తో రాజమౌళి ఇంటర్వ్యూ.. ఎప్పుడంటే?

Salaar Promotions: ప్రభాస్ సలార్ మూవీ రిలీజ్ తేదీ దగ్గర పడుతున్నా ఇప్పటి వరకూ ఎలాంటి ప్రమోషన్లు లేవని నిరాశ చెందుతున్న అభిమానులకు ఇది నిజంగా గుడ్ న్యూసే. సినిమా ప్రమోషన్లలో భాగంగా దర్శక ధీరుడు రాజమౌళి మూవీ టీమ్ ను ఇంటర్వ్యూ చేయనున్నాడు. ప్రభాస్, ప్రశాంత్ నీల్, పృథ్వీరాజ్ సుకుమారన్ లతో ఈ ఇంటర్వ్యూ ఉంటుంది.

సలార్ మూవీకి రిలీజ్ కు ముందు ఇదే అతి పెద్ద ప్రమోషనల్ ఈవెంట్ కానుంది. ప్రభాస్‌తో రాజమౌళి ఇంటర్వ్యూ శనివారం (డిసెంబర్ 16) ఉండనుంది. ఈ వార్త సోషల్ మీడియాలో వైరల్ కాగానే అభిమానుల ఆనందానికి అవధుల్లేకుండా పోయాయి. చివరిసారి ఇదే రాజమౌళి డైరెక్షన్ లో వచ్చిన బాహుబలి 2తో ప్రభాస్ సూపర్ డూపర్ హిట్ కొట్టాడు.

ఆ తర్వాత హ్యాట్రిక్ ఫ్లాపులతో ప్రభాస్ ఢీలా పడ్డాడు. అయితే సలార్ పై అతనితోపాటు ఫ్యాన్స్ కూడా భారీ ఆశలే పెట్టుకున్నారు. రూ.400 కోట్ల భారీ బడ్జెట్ తో తెరకెక్కిన ఈ సినిమా బాక్సాఫీస్ రికార్డులను తిరగరాస్తుందన్న నమ్మకంతో మేకర్స్ ఉన్నారు. అయితే ఈ మూవీకి షారుక్ ఖాన్ డంకీ రూపంలో పెద్ద సవాలు ఎదురు కానుంది.

ఇక సలార్ మూవీ నుంచి బుధవారం (డిసెంబర్ 13) సాయంత్రం ఫస్ట్ సింగిల్ కూడా రిలీజ్ కానుంది. ఇప్పుడు రాజమౌళి, ప్రభాస్ ఇంటర్వ్యూ కూడా ఫ్యాన్స్ లో ఎంతో ఆసక్తి రేపుతోంది. ఈ ఇంటర్వ్యూలో మూవీ గురించి ఎలాంటి ఇంట్రెస్టింగ్ విషయాలు బయటకు రానున్నాయి? దర్శక ధీరుడు రాజమౌళి మరో హిట్ డైరెక్టర్ ప్రశాంత్ నీల్ ను ఎలాంటి ప్రశ్నలు అడగబోతున్నాడన్నది చూడాలి.

సలార్ మూవీ డిసెంబర్ 22న రిలీజ్ కానుంది. హోంబలె ఫిల్మ్స్ ఈ సినిమాను తెరకెక్కించింది. తమ సినిమాకు డంకీ నుంచి పోటీ ఉన్నా.. రిలీజ్ తేదీ మార్చకపోవడానికి జ్యోతిష్య కారణాలు ఉన్నాయని ప్రొడ్యూసర్ విజయ్ కిరగండూర్ ఈ మధ్య ఓ ఇంటర్వ్యూలో చెప్పిన విషయం తెలిసిందే.