Pippa OTT Release date: నేరుగా ఓటీటీలోకి వచ్చేస్తున్న ఇషాన్, మృణాల్ ఠాకూర్ మూవీ.. ఇండియా - పాక్ యుద్ధం ఆధారంగా..

Pippa OTT Release date: బాలీవుడ్ నటుడు ఇషాన్ ఖట్టర్, నటి మృణాల్ ఠాకూర్ ప్రధాన పాత్రల్లో పిప్పా సినిమా రూపొందింది. 1971 ఇండియా - పాకిస్థాన్ యుద్ధం ఆధారంగా ఈ చిత్రం తెరకెక్కింది. ఈ యుద్ధంలో బంగ్లాదేశ్‍కు భారత్ సహకరించింది. ఈ పిప్పా చిత్రంలో కెప్టెన్ బలరామ్ మెహతా పాత్రలో ఇషాన్ నటించారు. రాజా కృష్ణ మీనన్ దర్శకత్వం వహించారు. ఇటీవలే వచ్చిన ఈ మూవీ ట్రైలర్ ఆద్యంతం ఆసక్తికరంగా ఉంది. పిప్పా మూవీ ఓటీటీ స్ట్రీమింగ్ డేట్ కూడా ఖరారైంది.

పిప్పా సినిమా అమెజాన్ ప్రైమ్ ఓటీటీ ప్లాట్‍ఫామ్‍లో నవంబర్ 10వ తేదీన స్ట్రీమింగ్‍కు రానుంది. ఈ విషయాన్ని అమెజాన్ ప్రైమ్ వీడియో అధికారికంగా వెల్లడించింది. యుద్ధంలో కెప్టెన్ బలరామ్ మెహతా చూపిన దేశభక్తి, పోరాటపటిమను ఈ సినిమాలో మేకర్స్ చూపించనున్నారు.

పిప్పా చిత్రంలో మృణాల్ ఠాకూర్, ప్రియాన్షు పైన్యులీ, సోనీ రజ్దాన్ కూడా కీలకపాత్రలు పోషించారు. కెప్టెన్ బలరామ్ మెహతా పాత్రలో ఇషాన్ అద్భుతంగా చేసినట్టు ఇటీవలే వచ్చిన ట్రైలర్ ద్వారా అర్థమవుతోంది. ఇండియా - పాకిస్థాన్ యుద్ధంలో గరీబ్‍పూర్ పోరు గురించి ఈ సినిమాలో కీలకంగా ఉండనుంది. బంగ్లాదేశ్‍కు స్వాతంత్య్రం రావడంలో ఈ యుద్దం కీలకపాత్ర పోషించింది.

పిప్పా సినిమాకు స్టార్ మ్యూజిక్ డైరెక్టర్ ఏఆర్ రహమాన్ సంగీతం అందించారు. ఆర్ఎస్‍వీపీ బ్యానర్‌పై రోనీ స్క్రీవాలా, రాయ్ కపూర్ ఫిల్మ్స్ బ్యానర్‌పై సిద్ధార్థ రాయ్ కపూర్ ఈ చిత్రాన్ని సంయుక్తంగా నిర్మించారు. ఈ చిత్రం నవంబర్ 10న అమెజాన్ ప్రైమ్ వీడియోలో స్ట్రీమింగ్‍కు రానుంది.

ఇటీవలే పిప్పా ట్రైలర్ వచ్చింది. “మనం సైనికుల్లానే తలపడాలి. సైనికుల్లాగే చంపాలి. సైనికుల్లాగే చావాలి” అనే లాంటి డైలాగ్స్ ఈ ట్రైలర్లో ఆకట్టుకున్నాయి. ట్రైలర్ మొత్తం చాలా సిరీయస్‍గా, ఆసక్తికరంగా సాగింది. యుద్ధ వ్యూహాలు, భావోద్వేగాలు ఇంటెన్స్‌గా ఉన్నాయి.